ສະຫວັນນະເຂດສະຫລອງວັນຄົນພິການແຫ່ງຊາດ ແລະ ຜູ້ອາຍຸສູງ

- advert banner 728 90 728x90 - ສະຫວັນນະເຂດສະຫລອງວັນຄົນພິການແຫ່ງຊາດ ແລະ ຜູ້ອາຍຸສູງ

ພະແນກແຮງງານ ແລະ ສະ ຫວັດດີການສັງຄົມແຂວງສະຫວັນນະເຂດໄດ້ຈັດງານສະເຫລີມ ສະຫລອງວັນຄົນພິການແຫ່ງຊາດ (27 ກັນຍາ) ແລະ ວັນສາກົນຜູ້ ອາຍຸສູງ (1 ຕຸລາ) ຂຶ້ນໃນເຊົ້າ ວັນທີ 2 ກັນຍານີ້, ທີ່ຫໍວັດທະນະ ທຳ ໄກສອນ ພົມວິຫານ ໂດຍມີ ທ່ານ ຮອງເຈົ້າແຂວງ ທ່ອນແກ້ວ ພຸດທະໄກຍະລາດ ເຂົ້າຮ່ວມ ແລະ ມີຄຳປາໄສວ່າ: ຄົນພິການແມ່ນ ອົງປະກອບໜຶ່ງຂອງພົນລະເມືອງ ລາວ ເຊິ່ງເຂົາເຈົ້າເລົ່ານີ້ກໍມີສິດ ແລະ ພັນທະຄືກັບພົນລະເມືອງ ລາວທົ່ວໄປຕ່າງແຕ່ວ່າຄົນພິການ ແມ່ນຜູ້ທີ່ມີຄວາມສູນເສຍໜ້າທີ່ ການຂອງ ອະໄວຍະວະ ແລະ ເສຍ ອົງຄະສ່ວນໃດສ່ວນໜຶ່ງຂອງຮ່າງ ກາຍ, ຈິດໃຈ, ມັນສະໝອງ ແລະ ສະຕິປັນຍາ ລວມທັງການເບິ່ງ ເຫັນ, ການໄດ້ຍິນ, ການປາກເວົ້າ ເຊິ່ງຄວາມເປັນພິການ ນັ້ນໄດ້ເປັນ ອຸປະສັກໃນການເຄື່ອນໄຫວ, ກິດ ຈະກຳປະຈຳວັນ ແລະ ການເຂົ້າ ຮ່ວມກິດຈະກຳທັງສັງຄົມຢ່າງ ເຕັມສ່ວນ. ຕໍ່ກັບຍັນຫາດັ່ງກ່າວ ລັດຖະບານໄດ້ໃຫ້ຄວາມສຳຄັນ ໂດຍ ສົມທົບກັບພາກສ່ວນກ່ຽວ ຂ້ອງພັດທະນາຄົນພິການ, ເປັນ ຕົ້ນແມ່ນໃຫ້ຄວາມພື້ນຟູສຸຂະ ພາບ, ສົ່ງເສີມການສຶກສາ, ການ ເຝິກວິຊາຊີບ, ໃຫ້ຂໍ້ມູນຂ່າວສານ ແລະ ການສົ່ງເສີມ ໃຫ້ມີວຽກເຮັດ ງານທຳ ແລະ ອື່ນໆ. ເຊິ່ງໃນຕົວ ເລກໃນປີ 2013 ພາຍໃນແຂວງ ສະຫວັນນະເຂດມີຄົນພິການ 11.150 ຄົນ ຍິງ 4.422 ຄົນ ໃນນີ້ມີພະນັກງານເສຍອົງຄະ ຍ້ອນຜົນຮ້າຍຂອງສົງຄາມໄດ້ ຮັບນະໂຍບາຍອຸດໜູນຈາກລັດ ມີ 791 ຄົນຍິງ 42 ຄົນ.

- lattana 1 - ສະຫວັນນະເຂດສະຫລອງວັນຄົນພິການແຫ່ງຊາດ ແລະ ຜູ້ອາຍຸສູງ

 

+ ພົບຄົນຜູກຄໍຕາຍຢູ່ເຂດບ້ານທາດອີງຮັງ ແຂວງສະຫວັນນະເຂດ

+ ລາວສະຫລອງວັນຄົນພິການແຫ່ງຊາດ ແລະ ວັນສາກົນຜູ້ສູງອາຍຸ

ຮອງເຈົ້າແຂວງກ່າວວ່າ: ສຳລັບການພັດທະນາຄົນພິການ ໃນຜ່ານມາໂດຍໄດ້ຮັບການສະ ໜັບສະໜູນຈາກອົງການສາກົນ ອົບຮົມວິຊາຊີບໃຫ້ຄົນພິການໄດ້ ທັງໝົດ 168 ຄົນ, ຍິງ 85 ຄົນ ໃນນັ້ນມີວິຊາສ້ອມແປງລົດ, ຕັດ ຫຍິບ, ຕັດຜົມ, ເສີມສວຍ, ລ້ຽງ ເປັນ-ໄກ່, ລ້ຽງປາ, ປູກເຫັດ ແລະ ອື່ນໆ. ອັນໄດ້ສ້າງວຽກເຮັດງານ ທຳໃຫ້ເຂົາເຈົ້າໃນການລ້ຽງຊີບ ເຊິ່ງເປັນການແບ່ງເບົາພາລະ ຂອງຄອບຄົວໄດ້ດີສົມຄວນ.

ຈາກນີ້ສະມາຄົມຄົນພິການຕາກໍ ໄດ້ຈັດການເຝິກອົບຮົມການ ບີບນວດຜ່ອນຄາຍໃຫ້ຜູ້ພິການ ຕາຈຳນວນ 32 ຄົນຍິງ 14 ຄົນ ແລະ ໄດ້ຮັບການຊ່ວຍເຫລືອ ຈາກອົງການຕ່າງໆເຊັ່ນ: ໂຄງ ການປັບປຸງຊີວິດການເປັນຢູ່ສ້າງ ຄວາມເຂັ້ມແຂງໃຫ້ຄົນພິການ ເມືອງໄກສອນ ພົມວິຫານ ແລະ ໂຄງການປັບປຸງຊ່ອງທາງເຂົ້າ ເຖິງການບໍລິການດ້ານເສດຖະ ກິດ-ສັງຄົມສຳ ລັບຄົນພິການເຮັດ ໃຫ້ຄົນພິການສາມາດກ້າສະແດງ ອອກສ້າງໃຫ້ຄົນພິການໄດ້ຮັບ ການຟື້ນຟູທາງດ້ານຈິດໃຈ ແລະ ສຸຂະພາບເຂົ້າເຖິງການເຝິກ ວິຊາຊີບ.