ສານປະຊາຊົນນະຄອນຫລວງວຽງຈັນຕັດສີນລົງໂທດຍິງຄ້າຢາເສບຕິດຈໍາຄຸກ 5 ປີ

- advert banner 728 90 728x90 - ສານປະຊາຊົນນະຄອນຫລວງວຽງຈັນຕັດສີນລົງໂທດຍິງຄ້າຢາເສບຕິດຈໍາຄຸກ 5 ປີ

​ໃນ​ວັນ​ທີ 3 ຕຸລານີ້, ​ສານ​​ປະຊາຊົນ​ນະຄອນຫລວງ​ວຽງ​ຈັນໄດ້ຕັດສີນລົງໂທດ​ນາງ ຕາ ອາຍຸ 20 ປີຢູ່​ບ້ານ​ແກງ​ປາ​ຢ້າງ​ເມືອງ​ຫາດ​ຊາຍ​ຟອງນະຄອນຫລວງ​ວຽງ​ຈັນໃຫ້ຈໍາຄຸກເປັນເວລາ 5 ປີພ້ອມປັບໃໝ 10 ລ້ານກີບໃນຂໍ້ຫາຄ້າຂາຍຢາເສບຕິດ, ໂດຍຜູ້ກ່ຽວຖືກເຈົ້າໜ້າທີ່ຈັບຕົວໄດ້ເມື່ອກາງປີ 2016 ຜ່ານມາ, ພ້ອມຂອງກາງຢາບ້າ 20 ເມັດ.

- lattana 1 - ສານປະຊາຊົນນະຄອນຫລວງວຽງຈັນຕັດສີນລົງໂທດຍິງຄ້າຢາເສບຕິດຈໍາຄຸກ 5 ປີ

ເຈົ້າໜ້າທີ່ ໃຫ້ຮູ້ວ່າ: ຜູ້ກ່ຽວໄດ້ເລີ່ມເສບຢາເສບຕິດມາແຕ່ຕົ້ນປີ 2016 ໂດຍແມ່ນຜົວເປັນຜູ້ພາເສບ ແລະ ​ເຄື່ອນໄຫວຂາຍ​ຢາ​ເສບ​ຕິດໃຫ້ໄວລຸ້ນພາຍໃນບ້ານ ແລະ ບ້ານໃກ້ຄຽງເຂດເມືອງຫາດຊາຍຟອງ ແລະ ຢາເສບຕິດທີ່ເອົາມາຈໍາໜ່າຍແມ່ນຊື້ຈາກຂະບວນການຄ້າຢາເສບຕິດໃນເຂດເມືອງຫາດຊາຍຟອງ ແລະ ຜ່ານ​ມາຜູ້ກ່ຽວ​ເຄີຍ​ຖືກ​ອຳນາດ​ການ​ປົກຄອງ​ບ້ານ​ສຶກສາ​ອົບຮົມມາແລ້ວ ຄັ້ງໜຶ່ງຍ້ອນ​ພົວພັນ​ກັບ​ຢາ​ເສບ​ຕິດ, ແຕ່​ບໍ່​ປ່ຽນ​ແປງ ຈຶ່ງຖືກເຈົ້າໜ້າທີ່ຈັບຕົວມາດໍາເນີນຄະດີຕາມລະບຽບກົດໝາຍດັ່ງກ່າວ. ສ່ວນຜົວຂອງຜູ້ກ່ຽວກໍຖືກເຈົ້າໜ້າທີ່ຈັບຕົວໄປດໍາເນີນຄະດີໃນກ່ອນໜ້າແລ້ວຍ້ອນຄ້າຂາຍຢາເສບຕິດເຊັ່ນກັນ.

+ສານປະຊາຊົນແຂວງໄຊຍະບູລີຕັດ​ສິນລົງໂທດຜູ້ຄ້າຂາຍຢາເສບຕິດຈໍາຄຸກ​ຕະຫລອດ​ຊີວິດ

+​ສານປະຊາຊົນແຂວງຄໍາມ່ວນຕັດສີນລົງໂທດ ຄາດຕະກອນຈໍາຄຸກ 14 ປີ