ກະສິກໍາຫາລືໂຄງການສົ່ງເສີມການຜະລິດເປັນສິນຄ້າ

- advert banner 728 90 728x90 - ກະສິກໍາຫາລືໂຄງການສົ່ງເສີມການຜະລິດເປັນສິນຄ້າ

ວັນທີ 4 ຕຸລາ ນີ້, ກະຊວງກະສິກໍາ ແລະ ປ່າໄມ້ ໄດ້ຈັດກອງປະຊຸມເພື່ອ ຄົ້ນຄວ້າບັນຫາຕາມການເຈາະຈີ້ມຂອງນາຍົກລດຖະມົນຕີ ເພື່ອປະຕິບັດໂຄງການສົ່ງເສີມການຜະລິດເປັນສິນຄ້າ ແລະ ການຄໍ້າປະກັນຄວາມໝັ້ນຄົງດ້ານສະບຽງອາຫານ, ໂດຍການເຂົ້າຮ່ວມຂອງ ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າ, ກະຊວງການເງິນ, ກະຊວງໂຍທາທິການ ແລະ ຂົນສົ່ງ, ກະຊວງພະລັງງານ ແລະ ບໍ່ແຮ່ ແລະ ຮອງຜູ້ວ່າການທະນາຄານແຫ່ງ ສປປ ລາວ.

- lattana 1 - ກະສິກໍາຫາລືໂຄງການສົ່ງເສີມການຜະລິດເປັນສິນຄ້າ

ໃນກອງປະຊຸມ ໄດ້ຮັບຟັງລາຍງານ ການຄົ້ນຄວ້າກ່ຽວກັບບັນຫາການຫຼຸດຕົ້ນທຶນການຜະລິດ ໂດຍສະເພາະ ການຜະລິດເຂົ້າ, ພືດຜັກ, ການຜະລິດໝູ ແລະ ປາ ເປັນສະບຽງ ແລະ ເປັນສິນຄ້າ, ການສະໜອງສິນເຊື່ອດອກເບ້ຍທີ່ເໝາະສົມ ໃຫແກ່ທຸລະກິດກະສິກໍາ, ການຜະລິດເຂົ້າ ຮັບໃຊ້ສະບຽງພາຍໃນ ແລະ ສົ່ງອອກ, ການສົ່ງເສີມການປູກກ້ວຍສະອາດ, ການຜະລິດພືດ-ຜັກ, ໝາກໄມ້ເປັນສິນຄ້າ, ການປະຕິບັດມາດຕະການ ການລັກລອບນໍາເຂົ້າຊີ້ນໝູ, ການຄົ້ນຄວ້າມາດຕະການ ແລະ ດ້ານນະໂຍບາຍກ່ຽວກັບລະບົບການຂົນສົ່ງ (Logistic system) ຄົ້ນຄວ້າຫຼຸດຄ່າໄຟຟ້າ ຂອງລາຄາອຸດສາຫະກໍາ ໃນອັດຕາເໝາະສົມ.

ທ່ານ ພວງປາຣິສັກ ປຣະວົງວຽງຄໍາ ຮອງລັດຖະມົນຕີກະຊວງກະສິກໍາ ແລະ ປ່າໄມ້ ກ່າວວ່າ: ເພື່ອຜັນຂະຫຍາຍນະໂຍບາຍຕ່າງໆໃຫ້ເກີດເປັນຮູບປະທໍາ ຈຶ່ງໄດ້ກໍານົດ ແລະ ຈັດແບ່ງຫົວຂໍ້ ແລະ ເນື້ອໃນວຽກ ແລະ ນະໂຍບາຍ ແລະ ກໍານົດແຜນວຽກກິດຈະກໍາລະອຽດ ໃນຄະນະປະສານງານ ຂັ້ນສູນກາງ ເພື່ອຕອບຫົວຂໍ້ເຈາະຈີ້ມຕ່າງໆ ຂອງທ່ານ ນາຍົກລັດຖະມົນຕີ ຢ່າງລະອຽດ ແລະ ພ້ອມກັບການສະເໜີບັນດາ ນະໂຍບາຍ ແລະ ມາດຕະການທີ່ຈະສະເໜີໃຫ້ລັດຖະບານຕົກລົງ ເພື່ອເຮັດໃຫ້ການສົ່ງເສີມການຜະລິດສະບຽງອາຫານ ແລະ ການຜະລິດເປັນສິນຄາຢູ່ພາຍໃນ ສາມາດດໍາເນີນໄປໄດ້ຢ່າງແຂງແຮງ, ມີປະສິດທິຜົນທາງດ້ານເສດຖະກິດ ກາຍເປັນແຫຼ່ງລາຍຮັບຂອງປະເທດ ແລະ ແຫຼ່ງລາຍໄດ້ຂອງຜູ້ຜະລິດ, ຜູ້ປະກອບການອັນໃຫມ່ທີ່ໝັ້ນຄົງ ແລະ ພັດທະນາໄປຕາມທິດສີຂຽວ ແລະ ຍືນຍົງ. ພ້ອມເນັ້ນໃຫ້ຄະນະນໍາຂອງບັນດາກະຊວງ ສືບຕໍ່ຊ່ວຍເຫຼືອ, ສະໜັບສະໜູນໃນການຈັດຕັ້ງປະຕິບັດງານ ເພື່ອພ້ອມກັນຈັດຕັ້ງປະຕິບັດແຜນສະເພາະຂອງ ໂຄງການສະບຽງ ແລະ ສິນຄ້າໃຫ້ໄດ້ຮັບຜົນດີຕາມລະດັບຄາດໝາຍວາງໄວ້.

+ກະຊວງ​ກະສິກຳ ອອກ​ຄຳ​ສັ່ງ​ໃຫ້​​ເພີ່ມທະວີການເຝົ້າ​ລະວັງ ​ແລະ ສະກັດ​ກັ້ນ​ພະຍາດ​ໄຂ້ຫວັດ​ສັດ​ປິກ