ນຳ​ສະ​ເໜີ​ລົດຟອດ F-150 ​ແຣບ​ເຕີ

- advert banner 728 90 728x90 - ນຳ​ສະ​ເໜີ​ລົດຟອດ F-150 ​ແຣບ​ເຕີ

ວັນ​ທີ 3 ຕຸລາ​​ນີ້, ບໍລິສັດ ​ຟອດ ​ແລະ ບໍ​ສັດ​ຫຸ້ນ​ສ່ວນ ລາວ​ຟອດຊີ​ຕີ, ​ໄດ້​​ນຳ​ສະ​ເໜີ​ລົດ​ກະບະ​ຟອດ F-150 ​ແຣບ​ເຕີ ຮຸ່ນ​ໃໝ່, ຂຶ້ນ​ທີ່​ນະຄອນຫລວງ​ວຽງ​ຈັນ, ​ໂດຍ​ການ​ເຂົ້າ​ຮ່ວມ​ຂອງ​ທ່ານ ດິລິບ ​ເຈ​ຊູ​ທາ​ຊານ ອຳນວການ​ບໍ​ລິ​ສັດ ລາວ​ຟອດຊີ​ຕີ.

- lattana 1 - ນຳ​ສະ​ເໜີ​ລົດຟອດ F-150 ​ແຣບ​ເຕີ

ລົດ​ຮຸ່ນ​ນີ້ ເປັນ​ການ​ສ້າງ​ມາດຕະຖານ​ໃໝ່​ຂອງ​ຄວາມ​ສາມາດ​ທັງ​ໃນ​ດ້ານ​ທາງ​ວິບາກ ​ແລະ ທາງ​ປົກກະຕິ, ​ເທັກ​​ໂນ​ໂລ​ຊີ​ຂັ້ນ​ສູງ, ການ​ອອກ​ແບບ​ທີ່​ໂດດ​ເດັ່ນ ​ແລະ ພາຍ​ໃນ​ທີ່​ປາ​ນີດ, ສະດວກ​ສະບາຍ, ຊຶ່ງລົດ​ຮຸ່ນ​ນີ້, ມີ​ຄວາມ​ເບົາ​ກວ່າ​ຮຸ່ນ​ຜ່ານ​ມາ​ເຖິງ 220 ກິ​ໂລກຼາມ, ​ໂດຍ​ເຮັດ​ດ້ວຍ​ອາ​ລູມີ​ນຽມ​ແຂງ​ແຮງ​ ​ແລະ ​ໄດ້​ມາດຕະຖານ​ທີ່​ນຳ​ໃຊ້​ໃນ​ພາຫະນະ​ໃນ​ກອງ​ທະຫານ.

ທ່ານ ຈັກກະ​ພົນ ມາລາ​ບັນດິດ ຜູ້​ຈັດການ​ຝ່າຍ​ບໍລິຫານ ​ແລະ ຝ່າຍ​ຂາຍ ​ໃຫ້ຮູ້​ວ່າ: ​ຟອດ F-150 ​ແຣບ​ເຕີ​ໃໝ່ ​ເປັນ​ການ​ອອກ​ແບບ​ທີ່​ດີທີ່​ສຸດ​ຂອງ​ນັກ​ອອກ​ແບບ​ລົດ​ຟອດ ​ແລະ ສຸດ​ຍອດ​ໃນ​ຄວາມ​​ແຂງ​​ແກ່ນຂອງ​ຕະກູນ​ລົດ​ກະບະ​, ​ມີ​ການ​ອອກ​ແບບ​ທີ່​ເປັນ​ເອກະລັກ​ຂອງ​ລົດ​ວິບາກກັບ​ຄວາມ​ແຂງ​ແກ່ນ ພາຍ​ນອກ​ທີ່​ປານີດ ​ແລະ ຫລູຫລາ.