2018 ຈະເປັນປີເງິນປີຄໍາຂອງລາວ

- advert banner 728 90 728x90 - 2018 ຈະເປັນປີເງິນປີຄໍາຂອງລາວ

- tour - 2018 ຈະເປັນປີເງິນປີຄໍາຂອງລາວ

- lattana 1 - 2018 ຈະເປັນປີເງິນປີຄໍາຂອງລາວ

ກະຊວງຖະແຫລງຂ່າວ, ວັດທະນາທໍາ ແລະ ທ່ອງທ່ຽວ ໃຫ້ຮູ້ວ່າ: ລັດຖະບານໄດ້ຕົກລົງເຫັນດີກໍານົດເອົາມື້ງານບຸນພະທາດຫລວງວຽງຈັນ, ຊຶ່ງກົງກັບວັນທີ 28 ຕຸລາທີ່ຈະເຖິງນີ້, ເປັນມື້ປະກາດເປີດປີທ່ອງທ່ຽວລາວ 2018 ຢ່າງເປັນທາງການ, ເພື່ອແນໃສ່​ໂຄສະນາ ແລະ ​ດຶງ​ດູດ​ນັກ​ທ່ອງ​ທ່ຽວ​ຕ່າງປະ​ເທດ​ເຂົ້າມາ​ທ່ຽວລາວເຮົາໃຫ້ນັບ​ມື້ຫລາຍ​ຂຶ້ນ, ດັ່ງເປົ້າໝາຍຕັ້ງໄວ້ຮອດປີ 2020 ໃຫ້ບັນລຸໄດ້ຫລາຍກວ່າ 6 ລ້ານເທື່ອຄົນ.

ທ່ານ ສູນ ມະນີ​ວົງ ຫົວໜ້າ​ກົມ​​ໂຄສະນາ ​ແລະ ສົ່ງ​ເສີມ​ການທ່ອງທ່ຽວ, ຮອງ​ອະນຸ​ກຳມະການ ​ແລະ ​ເນື້ອ​ໃນຈັດ​ປີ​ທ່ອງ​ທ່ຽວ​ລາວ ​ໃຫ້ຮູ້ວ່າ: ລັດຖະບານ, ໄດ້ຖືເອົາວຽກງານທ່ອງທ່ຽວເປັນບູລິມະສິດສໍາຄັນເພື່ອສ້າງແຫລ່ງລາຍຮັບປະກອບສ່ວນເຂົ້າໃນການຂະຫຍາຍຕົວທາງດ້ານເສດຖະກິດຂອງປະເທດ, ໂດຍສະເພາະນັບ​ແຕ່​ປີ 1989 ​ເປັນຕົ້ນມາ, ໄດ້​ເລີ່​ມສຸມໃສ່ພັດທະນາວຽກການທ່ອງທ່ຽວຢ່າງແຂງແຮງ ແລະ ສາມາດ​ເຮັດ​ໃຫ້ຂະແໜງການ​ທ່ອງ​ທ່ຽວມີບາດກ້າວເຕີບໃຫຍ່​ຂະຫຍາຍຕົວ​ຢ່າງ​ຕໍ່​ເນື່ອງ ຄື: ​ໄລຍະ​ປີ 1990-2000 ອັດຕາ​ການທ່ອງທ່ຽວ​ຂະຫຍາຍຕົວ 35% ຕໍ່​ປີ ​ແລະ ນັບແຕ່ນັ້ນມາຮອດປັດຈຸບັນ​ສະເລ່ຍຢູ່ໃນລະດັບ 15% ຕໍ່​ປີ ແລະ ເພື່ອຮັບປະກັນໃຫ້ຍຸດທະສາດພັດທະນາການທ່ອງທ່ຽວບັນລຸໄດ້ຕາມຄາດໝາຍວາງໄວ ຄື: ຕ້ອງດຶງດູດນັກທ່ອງທ່ຽວເຂົ້າປະເທດໃຫ້ໄດ້ຫລາຍກວ່າ 6 ລ້ານຄົນຮອດປີ 2020 ລັດຖະບານໄດ້ມອບໃຫ້ກະຊວງຖະແຫລງຂ່າວ, ວັດທະນາທໍາ ແລະ ທ່ອງທ່ຽວ ເປັນເຈົ້າການເປີດປີທ່ອງທ່ຽວລາວ 2018 ໃຫ້ມີບັນຍາກາດຄືກຄື້ນ. ໂດຍໄດ້ກໍານົດເອົາມື້ໄຂງານບຸນພະທາດຫລວງວຽງຈັນ, ຊຶ່ງກົງກັບວັນທີ 28 ຕຸລາທີ່ຈະເຖິງນີ້ເປັນມື້ເປີດປີທ່ອງທ່ຽວລາວຢ່າງເປັນທາງການ ແລະ ມາຮອດປັດຈຸບັນການກະກຽມຄວາມພ້ອມດ້ານຕ່າງໆໃຫ້ແກ່ການເປີດປີທ່ອງທ່ຽວເຫັນວ່າມີຄວາມພ້ອມໂດຍພື້ນຖານແລ້ວ, ໂດຍສະເພາະກາໝາຍ, ຄໍາຂວັນ, ສັນຍາລັກ​ສຳລັບ​ປີ​ທ່ອງ​ທ່ຽວລາວ. ສ່ວນຢູ່ບັນດາ​ແຂວງ ແລະ ທ້ອງຖິ່ນຕ່າງໆໃນຂອບເຂດທົ່ວປະເທດ ແມ່ນໃຫ້​ເລືອກ​ເຟັ້ນ​ເອົາ​ງານ​ບຸນ​ປະ​ເພນີ, ງານ​ເທດສະ​ການ​ຂອງ​ແຂວງ​ທີ່​ເຄີຍ​ເຮັດ​ເປັນ​ປະຈຳ​ທີ່​ມີ​ທ່າ​ແຮງ, ໄປຄຽງຄູ່ກັບ​ພາກສ່ວນ​ທຸລະ​ກິດທີ່ມີແຜນຈະ​ຈັດ​ຄາ​ລາ​ວານທ່ອງທ່ຽວ​, ​ເທດສະ​ການ​ອາຫານ, ສະ​ແດງ​ສິລະ​ປະ-ວັນນະຄະດີ, ​ແຂ່ງຂັນ​ກິລາ​ລົດຖີບອາ​ຊຽນ, ພ້ອມທັງ​ຊຸກຍູ້​ໃຫ້ບັນດາ​ແຫ​ລ່ງທ່ອງ​ທ່ຽວ, ​ໂຮງ​ແຮມ, ​ເຮືອນ​ພັກ, ຮ້ານອາຫານ ສ້າງຈຸດເດັ່ນເພື່ອໂຄສະນາຜ່ານສື່ຕ່າງໆ, ພິເສດລັດຖະບານໄດ້ຕົກລົງເຫັນດີໂຄສະນາປີທ່ອງທ່ຽວລາວຜ່ານຊ່ອງໂທລະພາບ CNN ທີ່​ມີຜູ້ເບິ່ງໃນ​ທົ່ວ​ໂລກ ແລະ ຫວັງວ່າປີທ່ອງທ່ຽວລາວ 2018 ນີ້ ຈະເປັນປີເງິນປີຄໍາສໍາລັບປະເທດລາວຢ່າງແທ້ຈິງ.

+ລາວຈະໃຊ້ງົບຫລາຍກວ່າ 22 ຕື້ກີບ ຈັດກິດຈະກຳປີທ່ອງທ່ຽວລາວ 2018

+ປີທ່ອງທ່ຽວລາວ 2018 ຈະເປີດຂຶ້ນພ້ອມບຸນນະມັດສະການພະທາດຫລວງ