ທ່ຽວຊົມຖ້ຳທ່ານຜູ້ນຳ

- advert banner 728 90 728x90 - ທ່ຽວຊົມຖ້ຳທ່ານຜູ້ນຳ

ເມືອງວຽງໄຊ, ແຂວງ ຫົວພັນ ເປັນເມືອງທີ່ຂຶ້ນຊື່ລືຊາ ຂອງເຂດທີ່ໝັ້ນການປະຕິວັດ ໃນເມື່ອກ່ອນເປັນທີ່ຕັ້ງຂອງບັນ ດາຖໍ້າ ທ່ານຜູ້ນໍາໃນສະໄໝນັ້ນ, ເພື່ອເປັນບ່ອນຢູ່, ບ່ອນກຳບັງ ພວກໂຈນອາກາດອາເມລິກາທີ່ ເຂົ້າມາຮຸກຮານບ້ານ ເມືອງເຮົາ ເຊັ່ນ: ຖໍ້າທ່ານ ໄກສອນ ພົມວິ ຫານ, ທ່ານ ສຸພານຸວົງ, ທ່ານ ໜູຮັກ ພູມສະຫວັນ, ທ່ານ ພູມີ ວົງວິຈິດ, ທ່ານ ຄໍາໄຕ ສີພັນ ດອນ, ທ່ານ ສີສະຫວາດ ແກ້ວ ບຸນພັນ, ທ່ານ ສີທົນ ກົມມະດໍາ, ທ່ານ ໄຟດ່າງ ລໍເບຣຍຢາວ ແລະ ທ່ານ ພູນ ສີປະເສີດ ເຊິ່ງມີຫຼາຍໆ ທ່ານອາດຈະໄດ້ໄປທ່ຽວຊົມ ແລະ ຮູ້ຈັກກັນດີແລ້ວ, ແຕ່ກໍຍັງ ມີຫຼາຍໆທ່ານທີ່ຍັງບໍ່ທັນໄດ້ໄປ ເຫັນ ແລະ ຂໍໃຫ້ທ່ານ ໄດ້ເສຍ ສະຫຼະເວລາອັນມີຄ່າໄດ້ໄປເປີດ ຫູເປີດຕາຫາຄວາມສຸກທາງ ກາຍ ແລະ ຈິດໃຈເພື່ອຈະໄດ້ສໍາ ພັດກັບທໍາມະຊາດພູຜາປ່າໄມ້ ທີ່ຂຽວສົດງົດງາມ, ພ້ອມໄດ້ສຶກ ສາຮຽນຮູ້ເຖິງປະຫວັດ ແລະ ຄວາມເປັນເອກະລັກຂອງບັນດາ ຖໍ້າດັ່ງກ່າວເປັນຕົ້ນແມ່ນ:
– ຖໍ້າທ່ານ ໄກສອນ ພົມ ວິຫານ ຫຼື ຖໍ້າຜາຫານຕັ້ງຢູ່ໜ້າ ຜາທີ່ສູງຊັນ ຢູ່ເທສະບານ ເມືອງ ວຽງໄຊ ເຊິ່ງເປັນສະຖານທີ່ປະ ທານ ໄກສອນ ພົມວິຫານ ພ້ອມ ດ້ວຍຄອບຄົວຂອງເພິ່ນເຄີຍ ອາໄສຢູ່ໃນຖໍ້າແຫ່ງນີ້ແຕ່ປີ 1964-1973, ໃນເວລານັ້ນ, ທ່ານ ໄກສອນ ພົມວິຫານ ເປັນ ເລຂາທິການໃຫຍ່ຂອງພັກປະ ຊາຊົນປະຕິວັດລາວ ແລະ ທັງ ເປັນນາຍົກລັດຖະມົນຕີຄົນທໍາ ອິດຂອງ ສປປ.ລາວ. ຖ້າທ່ານ ເຂົ້າໄປພາຍໃນຖໍ້າກໍຈະເຫັນມີ ຫ້ອງນອນ, ຫ້ອງປະຊຸມ, ຫ້ອງ ພັກຜ່ອນ, ເຮືອນຄົວ, ຫ້ອງຮັບ ປະທານອາຫານ, ຫ້ອງນໍ້າ, ຫ້ອງປ້ອງກັນເວນຍາມ ແລະ ຫ້ອງສຸກເສີນເພື່ອຫຼົບຫຼີກລະ ເບີດເຄມີ. ຢູ່ບໍລິເວນຕີນຜາອັນ ເປັນທີ່ຕັ້ງຂອງຖໍ້າຈະມີອາຄານສອງຫຼັງທີ່ຖືກສ້າງຂຶ້ນພາຍ ຫຼັງທີ່ມີສັນຍາຢຸດຍິງເມື່ອ ເດືອນມັງກອນ ປີ 1973ເພື່ອ ເປັນບ່ອນຢູ່ອາໄສ ແລະ ຈັດກອງ ປະຊຸມພ້ອມດຽວກັນນັ້ນ, ກໍຍັງ ມີສວນດອກໄມ້ອັນກວ້າງຂວາງ ແລະ ຮົ່ມເຢັນດ້ວຍຕົ້ນໄມ້ນາໆ ຊະນິດ.

- lattana 1 - ທ່ຽວຊົມຖ້ຳທ່ານຜູ້ນຳ

 

- 1433311509 IMG1295JPG o 300x166 - ທ່ຽວຊົມຖ້ຳທ່ານຜູ້ນຳ

 

+ ລາວຈະໃຊ້ງົບຫລາຍກວ່າ 22 ຕື້ກີບ ຈັດກິດຈະກຳປີທ່ອງທ່ຽວລາວ 2018

+ ປີທ່ອງທ່ຽວລາວ 2018 ຈະເປີດຂຶ້ນພ້ອມບຸນນະມັດສະການພະທາດຫລວງ

– ຖໍ້າທ່ານ ສຸພານຸວົງ ຫຼື ຖໍ້າປຸ່ງລວກໃຕ້ຕັ້ງຢູ່ເຂດເທສະ ບານເມືອງເຊັ່ນກັນ ເຊິ່ງເຄີຍເປັນ ທີ່ຢູ່ອາໄສຂອງທ່ານ ສຸພານຸວົງ ໃນໄລຍະປີ 1964-1973 ແລະ ໃນເວລານັ້ນ, ທ່ານ ສຸພານຸວົງ ໄດ້ດໍາລົງຕໍາແໜ່ງເປັນກົມການ ເມືອງສູນກາງພັກ ແລະ ປະທານ ແນວລາວສ້າງຊາດ. ຖ້າທ່ານ ໄດ້ມາຮອດບໍລິເວນດ້ານໜ້າ ຂອງຖໍ້າກໍຈະສັງເກດເຫັນສວນ ດອກຈໍາປາ, ຕົ້ນໝາກກ້ຽງ ແລະ ຕົ້ນດອກໄມ້ທີ່ມີໃບສີແດງ ເຮືອງເຮື່ອໄປທົ່ວພື້ນດິນປຽບ ເໝືອນດັ່ງເລືອດຂອງນັກຣົບປະ ຕິວັດວິລະຊົນ ພ້ອມດ້ວຍປະຊາ ຊົນລາວຜູ້ອົງອາດກ້າຫານໄດ້ ເສຍສະຫຼະຊີວິດເລືອດ ເນື້ອຂອງ ຕົນອາບທາທົ່ວຜືນ ແຜ່ນດິນລາວ ແລະ ອັນທີ່ໂດດເດັ່ນໄປກວ່ານັ້ນ ຢູ່ບໍລິເວນຖໍ້າແຫ່ງນີ້ ໄດ້ມີຂຸມລະ ເບີດຂະໜາດໃຫຍ່ທີ່ຖືກຕົບ ແຕ່ງໃຫ້ເປັນອ່າງຮູບຫົວໃຈເຊິ່ງໄດ້ສະແດງເຖິງຫົວໃຈທີ່ແຂງ ແກ່ນ ແລະ ກ້າຫານຂອງປະຊາ ຊົນລາວບັນດາເຜົ່າເຊິ່ງຍາມ ໃດກໍບໍ່ຍອມຈໍານົນຕໍ່ພວກສັດຕູ, ສາມັກຄີຮ່ວມແຮງ ຮ່ວມໃຈກັນ ຢ່າງເດັດດ່ຽວໜຽວແໜ້ນຕໍ່ສູ້ ເພື່ອປົດປ່ອຍປະເທດຊາດຢ່າງ ອົງອາດ ແລະ ມີໄຊ.

 

- 1433311319 IMG1292JPG o 300x171 - ທ່ຽວຊົມຖ້ຳທ່ານຜູ້ນຳ

– ຖໍ້າທ່ານ ໜູຮັກ ພູມສະ ຫວັນ ກໍຕັ້ງຢູ່ເທດສະບານ ເມືອງ ວຽງໄຊ ແຫ່ງນີ້ ເຊິ່ງທ່ານເຄີຍ ໄດ້ອາໄສຢູ່ ໄລຍະປີ 1964-1973 ແລະ ໄດ້ດໍາລົງຕໍາແຕ່ງ ເປັນກົມການເມືອງສູນກາງ ພັກ ແລະ ລັດຖະມົນຕີກະຊວງ ການເງິນ.

 

 

- 1433315000 IMG1283JPG o 724x1024 - ທ່ຽວຊົມຖ້ຳທ່ານຜູ້ນຳ
(ຫ້ອງນອນຂອງ ທ່ານ ໄກສອນ ພົມວິຫານ)
- 1433315108 IMG1284JPG o 1 718x1024 - ທ່ຽວຊົມຖ້ຳທ່ານຜູ້ນຳ
(ຫ້ອງນອນຂອງລູກ ທ່ານ ຜູ້ນຳ)

– ຖໍ້າທ່ານ ພູມີ ວົງວິຈິດ ມີຊື່ວ່າ ຖໍ້າລວກຟາດ ຕັ້ງຢູ່ຫ່າງ ຈາກເທສະບານເມືອງວຽງໄຊ ໄປປະມານ 200ແມັດ. ເຊິ່ງ ທ່ານ ໄດ້ອາໄສຢູ່ໃນຖໍ້າແຫ່ງນີ້ໄລຍະ ປີ 1964-1973 ເຊິ່ງ ເປັນໄລຍະ ທີ່ທ່ານໄດ້ດໍາລົງຕໍາແໜ່ງເປັນ ກົມການເມືອງສູນກາງພັກລັດ ຖະມົນຕີກະຊວງສຶກສາ ແລະ ສາ ທາລະນະສຸກ. ຖ້າທ່ານໄດ້ມາ ຮອດຖໍ້າເມື່ອໃດກໍຈະເຫັນຢູ່ປາກ ຖໍ້າດັ່ງກ່າວມີກໍາແພງເບຕົງທີ່ ໜາແໜ້ນ ແລະ ສູງຊັນເພື່ອ ໃຊ້ເປັນສິ່ງກໍ້າບັງລູກຈະຫຼວດ ຈາກການຍິງທໍາລາຍຂອງພວກ ໂຈນອາກາດ.

- 411111cdddd 300x225 - ທ່ຽວຊົມຖ້ຳທ່ານຜູ້ນຳ

– ຖໍ້າ ທ່ານ ຄໍາໄຕ ສີພັນ ດອນ ມີຊື່ວ່າ: ຖໍ້າຜາບ່ອງ ຕັ້ງ ຢູ່ເທດສະບານ ເມືອງວຽງໄຊ ເຊິ່ງທ່ານ ເຄີຍໄດ້ ອາໄສຢູ່ ຖໍ້າ ແຫ່ງນີ້ໃນໄລຍະປີ 1964-1973 ແລະ ໃນເວລານັ້ນ, ທ່ານ ໄດ້ດໍາ ລົງຕໍາແໜ່ງເປັນກົມການເມືອງສູນກາງພັກ ແລະ ລັດຖະມົນຕີ ກະຊວງປ້ອງກັນປະເທດ.

 

- 1433315521 IMG1275JPG o 1 300x172 - ທ່ຽວຊົມຖ້ຳທ່ານຜູ້ນຳ

– ຖໍ້າ ທ່ານ ສີສະຫວາດ ແກ້ວບຸນພັນ ຫຼື ຖໍ້າກໍຄາຍຕັ້ງຢູ່ ບໍ່ຫ່າງຈາກເທສະບານເມືອງ ວຽງໄຊ ພໍປານໃດ ເຊິ່ງເພິ່ນເຄີຍ ໄດ້ມາອາໄສ ແລະ ເຮັດວຽກ ປິດລັບຢູ່ທີ່ຖໍ້າແຫ່ງນີ້ເພື່ອວາງ ແຜນການຕໍ່ສູ້ກອບກູ້ເອົາເອ ກະລາດ ແລະ ປົດປ່ອຍປະເທດ ຊາດຈາກພວກຈັກກະພັດລ່າ ເມືອງ ຂຶ້ນໃນໄລຍະປີ 1964-1973 ເຊິ່ງໃນເວລານັ້ນ, ເພິ່ນ ໄດ້ດໍາລົງຕໍາແໜ່ງເປັນຮອງ ລັດຖະມົນຕີກະຊວງປ້ອງກັນ ປະເທດ.

 

- 1433337980 IMG1273JPG o copy 300x198 - ທ່ຽວຊົມຖ້ຳທ່ານຜູ້ນຳ

– ຖໍ້າ ທ່ານ ສີທົນ ກົມມະ ດໍາ ຕັ້ງຢູ່ທາງດ້ານຫຼັງຂອງຖໍ້າ ທ່ານ ພູມີ ວົງວິຈິດ ຫ່າງຈາກ ເທສະບານເມືອງ ວຽງໄຊໄປ ປະມານ 200 ແມັດ ເຊິ່ງເປັນສະ ຖານທີ່ລີ້ຊ່ອນ ແລະ ບ່ອນກໍາບັງ ລູກຈະຫຼວດຈາກການຍິງທໍາ ລາຍຂອງເຮືອບິນອາເມລິກາ ທັງເປັນບ່ອນເຮັດວຽກຂອງ ເພິ່ນ ໃນໄລຍະການກະກຽມ ການຕໍ່ສູ້ກູ້ຊາດຈາກພວກຈັກກະພັດລ່າເມືອງຂຶ້ນ.

– ຖໍ້າ ທ່ານ ໄຟດ່າງ ລໍ ເບຣຍຢາວ ຫຼື ຖໍ້າເງິນ ຕັ້ງຢູ່ຫ່າງ ຈາກເທສະບານເມືອງວຽງ ໄຊໄປປະມານ 2 ກິໂລແມັດ ໂດຍມີທາງລົດແລ່ນຜ່ານຢູ່ ໜ້າທາງເຂົ້າໄປຖໍ້າ. ທີ່ເຄີຍເປັນ ບ່ອນຢູ່ອາໄສ ແລະ ບ່ອນເຮັດ ວຽກຂອງທ່ານ ໄຟດ່າງ ລໍເບຣຍ ຢາວ ໃນໄລຍະປີ 1964-1973 ເຊິ່ງທ່ານໄດ້ດໍາລົງຕໍາແໜ່ງເປັນກໍາມະການແນວລາວຮັກຊາດ.

– ຖໍ້າ ທ່ານ ພູນ ສີປະເສີດ ຫຼື ຖໍ້າຍ່ອງຊອງຕັ້ງຢູ່ເຂດເທສະ ບານເມືອງວຽງໄຊ ເຊິ່ງ ທ່ານ ສາ ມາດຍ່າງທ່ຽວຊົມອ້ອມບໍລິເວນ ຖໍ້າໄດ້ອັນເຕັມໄປດ້ວຍທໍາມະ ຊາດປ່າໄມ້ທີ່ຂຽວສົດງົດງາມອາ ກາດສົດຊື່ນເປັນດີ. ຖໍ້າແຫ່ງນີ້, ເຄີຍເປັນບ່ອນຢູ່ອາໄສ ແລະ ບ່ອນ ເຮັດວຽກຂອງ ທ່ານ ໃນ ໄລຍະປີ 1964-1973 ແລະ ໃນເວລາ ນັ້ນ, ເພິ່ນໄດ້ດໍາລົງຕໍາແໜ່ງເປັນ ກົມການເມືອງສູນກາງພັກ.

– ຖໍ້າຊ້າງລອດ ເປັນຖໍ້າທີ່ ມີຂະໜາດໃຫຍ່ ແລະ ກວ້າງ ຂວາງທີ່ສຸດຈົນຝຸງຊ້າງສາມາດ ຍ່າງລອດຜ່ານໄປໄດ້ຈຶ່ງເປັນ ທີ່ມາຂອງຊື່ຖໍ້າວ່າ: ຖໍ້າຊ້າງ ລອດ. ປະກອບມີບັນດາອຸໂມງໃຕ້ດິນ ທີ່ເຊື່ອມຕໍ່ເຂົ້າຫາກັນເມື່ອຍາມ ລະດູຝົນຕົກມາກໍຈະເກີດມີນໍ້າໄຫຼ ຜ່ານເຊາະອຸໂມງຫີນເຫຼົ່ານີ້. ໃນ ໄລຍະແຫ່ງການຕໍ່ສູ້ກູ້ຊາດຕ້ານ ຈັກກະພັດອາ ເມລິກາ ແລະ ລູກມື ນັບແຕ່ປີ 1964-1973, ກອງ ບັນຊາການສູງສຸດຂອງກອງ ທັບປະຊາຊົນລາວ ໂດຍພາຍໃຕ້ ການບັນຊາຂອງ ທ່ານຄໍາໄຕ ສີພັນ ດອນ ແມ່ນໄດ້ມີສໍານັກງານ ໃຫຍ່ຕັ້ງຢູ່ພາຍໃນຖໍ້າ ດັ່ງກ່າວ ແລະ ສາມາດນຳໃຊ້ເປັນບ່ອນ ປະຊຸມລະດົມໃຫຍ່ ຫລື ມິດຕິງ ສະເຫລີມສະຫລອງວັນສຳຄັນ ຕ່າງໆຂອງຊາດ.