​​​ລັດຖະບານ​ແຕ່ງ​ຕັ້ງຄະນະສະ​ເພາະ​ກິດປະ​ເມີນ ​ແລະ ​ເກັບ​ກູ້​ຊັບ​ສິນ ຂອງ​ພີ​ເອັສ ​ເພື່ອ​ຊົດ​ເຊີຍ​ເງິນ​ຄືນ​ໃຫ້​ປະຊາຊົນ​​ຜູ້​ເສຍ​ຫາຍ

- advert banner 728 90 728x90 - ​​​ລັດຖະບານ​ແຕ່ງ​ຕັ້ງຄະນະສະ​ເພາະ​ກິດປະ​ເມີນ ​ແລະ ​ເກັບ​ກູ້​ຊັບ​ສິນ ຂອງ​ພີ​ເອັສ ​ເພື່ອ​ຊົດ​ເຊີຍ​ເງິນ​ຄືນ​ໃຫ້​ປະຊາຊົນ​​ຜູ້​ເສຍ​ຫາຍ

- PS PRESS - ​​​ລັດຖະບານ​ແຕ່ງ​ຕັ້ງຄະນະສະ​ເພາະ​ກິດປະ​ເມີນ ​ແລະ ​ເກັບ​ກູ້​ຊັບ​ສິນ ຂອງ​ພີ​ເອັສ ​ເພື່ອ​ຊົດ​ເຊີຍ​ເງິນ​ຄືນ​ໃຫ້​ປະຊາຊົນ​​ຜູ້​ເສຍ​ຫາຍ

- lattana 1 - ​​​ລັດຖະບານ​ແຕ່ງ​ຕັ້ງຄະນະສະ​ເພາະ​ກິດປະ​ເມີນ ​ແລະ ​ເກັບ​ກູ້​ຊັບ​ສິນ ຂອງ​ພີ​ເອັສ ​ເພື່ອ​ຊົດ​ເຊີຍ​ເງິນ​ຄືນ​ໃຫ້​ປະຊາຊົນ​​ຜູ້​ເສຍ​ຫາຍ

ຄະນະ​ສະ​​ເພາະ​ກິດ​ແກ້​ໄຂ​ບັນຫາ​ບໍ​ລິ​ສັດ​ພີ​ເອັສ ​​ໄດ້​ຈັດ​ຖະ​ແຫລ​ງຂ່າວຕໍ່​ສື່​ມວນ​ຊົນ ​ໃນ​ເຊົ້າ​ວັນ​ທີ 5 ຕຸລາ​ຜ່ານ​ມາ​ນີ້, ທີ່​ກົມ​ໃຫຍ່​ຕຳຫລວດ ນະຄອນຫລວງ​ວຽງ​ຈັນວ່າ: ນັບ​ແຕ່​ມີ​ເຫດການ​ສະມາຊິກ​ບໍລິສັດ ພີ​ເອັສ, ​ໂດຍ​ສະ​ເພາະ ຜູ້​ທີ່​​ໄດ້​ຮັບ​ຄວາມ​ເສຍ​ຫາຍ​ຈຳ ນວນ​ຫລາຍ ​ໄດ້​ແຫ່ກັນ​ໄປ​ເຕົ້າ​ໂຮມ​ຕໍ່ໜ້າ​ບໍລິສັດ​ດັ່ງກ່າວ ​ໃນ​ລະຫວ່າງ​ວັນ​ທີ 11-12 ກັນ ຍາ​ຜ່ານ​ມາ​ນີ້, ​ເພື່ອ​ທວງ​ຄຳ​ໝັ້ນ​ສັນຍາ​ໃຫ້​ສົ່ງ​ເງິນ​ຄືນ ​ແລະ ມາ​ຮອດ​ວັນ​ທີ 13 ກັນຍາ​ເປັນ​ຕົ້ນ​ມາ ຄະນະ​ສະ​ເພາະ​ກິດ​ໄດ້​ຄົ້ນຄວ້າປຶກສາ​ຫາ​ລື​ເຖິງ​ຂັ້ນ​ຕອນ ​ແລະ ບາດກ້າວ​ຕໍ່​ໄປ​ກ່ຽວ​ກັບ​ວິທີ​ທາງ​ແກ້​ໄຂ​ບັນຫາ​ດັ່ງກ່າວຕາມ​ຂະ​ບວນການ​ກົດໝາຍ​ແຫ່ງ ສປປ ລາວ ​ເພື່ອ​ຮັກສາ​ຄວາມ​ສະຫງົບ ​ແລະ ຄວາມ​ເປັນ​ລະບຽບຮຽບຮ້ອຍ​ຂອງ​ສັງຄົມ. ຄະນະ​ສະ​ເພາະ​ກິດ ​ໄດ້​ເຮັດ​ທຸກ​ວິທີ​ທາງ​ໃນ​ການ​ແກ້​ໄຂ​ບັນຫາ​ດັ່ງກ່າວ ​ເພື່ອ​​ໃຫ້​ຫລຸດຜ່ອນ​ຜົນ​ເສຍ​ຫາຍ​ທີ່​ສະມາຊິກ​ອັບປະ​ໂຫຍ​ດ​ໃນ​ການ​ຮ່ວມ​ລົງທຶນ​ນຳ​ບໍ​ລິ​ສັດ ພີ​​ເອັສ , ​ໂດຍ​ເຮັດ​ໜ້າ​ທີ່​ໃນ​ການ​ປະ​ເມີນ​ສະພາບ​ຄວາມ​ເປັນ​ຈິງ​ຂອງ​ບໍລິສັດ, ຊອກ​ຫາ​ວິທີ​ການ​​ ​ແລະ ມາດ​ຕະການ​ເກັບ​ກູ້​ຊັບ​ສິນ​ເງິນ​ຄຳ​ ​ໃຫ້ຄືນ​ມາຕາມ​ເງື່ອນ​ໄຂ​ຄວາມ​ສາມາດ​ຕົວ​ຈິງ ​ເພື່ອ​ສາມາດ​ຊົດ​ເຊີຍ​ເງິນ​ຄືນ​ໃຫ້​ກັບ​ປະຊາຊົນ​ທີ່​ຈະ​ເປັນ​ໄປ​ໄດ້, ​ແຕ່​ບໍ່​ແມ່ນ​ມາ​ຮັບ​ພາລະ​ເພື່ອ​ໃຊ້​ໜີ້​ແທນ​ບໍລິສັດ.

ຕໍ່​ກັບ​ບັນຫາ​ດັ່ງກ່າວ ລັດຖະບານ ​ໄດ້​ແຕ່ງ​ຕັ້ງ​ຄະນະ​ສະ​ເພາະ​ກິດ ​ເພື່ອ​ແກ້​ໄຂ​ບັນຫາ, ພ້ອມ​ທັງ​ແບ່ງ​ຄວາມ​ຮັບ​ຜິດ​ຊອບ​ພາຍ​ໃນ​ຄະນະ ​ແລະ ​ໄດ້​ມີ​ການ​ແຕ່ງ​ຕັ້ງ​ສາມ​ອະນຸ​ກຳມະການ​ຄື: ອະນຸ​ກຳມະການ​ດ້ານ​ການ​ສືບສວນ-ສອບ​ສວນ​ດຳ​ເນີນ​ຄະດີ​ຕາມ​ກົດໝາຍ​ອາຍາ ​ແລະ ຮັກສາ​ຄວາມ​ສະຫງົບ; ອະນຸ​ກຳມະ ການ​ດ້ານ​ການ​ຕິດຕາມ​ກາ​ນ​ເຄື່ອນ​ໄຫວ​ຂອງ​ບໍລສັດ, ການ​ປະ​ເມີນ​ຊັບ​ສິນ​ກວດກາ​ບັນຊີ ​ແລະ ກອງ​ເລາ​ຂາ​ຄະນະ​ເພື່ອ​ເຮັດ​ວຽກ​ເປັນ​ເສນາ​ທິການ​ໃນ​ການ​ປະສານ​ວຽກ​ງານ. ຂະນະ​ດຽວ​ກັນ ຜ່ານ​ການ​ສືບສວນ-ສອບ​ສວນ ​ແລະ ການ​ເກັບ​ກໍາ​ຂໍ້​ມູນ​ຫລັກ​ຖານຂອງ​ເຈົ້າ​ໜ້າ​ທີ່, ຜູ້​ເສຍ​ຫາຍ​ໄດ້​ໃຫ້ການ​ວ່າ: ບໍ​ລິ​ສັດ ພີ​ເອັສ ​ແມ່ນ​ໃຊ້​ເລ່ຫລ່ຽມ​ຕົວະ​ຍົວະ​ຫລອກ​ຫລວງ, ດ້ວຍ​ວິທີ​ການ​ໂຄສະນາ​ຕ່າງໆ​ວ່າ​ຈະ​ໃຫ້​ຜົນ​ຕອບ​ແທນ​ສູງ, ​ເພື່ອ​ໃຫ້​ບຸ​ກຄົນ​ອື່ນ​ຫລົງ​ເຊື່ອ ​ແລ້ວ​ເອົາ​ເງິນ​ມາ​ໃຫ້​ບໍລິສັດ​ພີ​ເອັສ ດ້ວຍ​ຮູບ​ການ​ເຮັດ​ສັນຍາ​ຮ່ວມ​ທຶນ​ນຳ​ສະມາຊິກ ​ແລ້ວ​ຈະ​ໃຫ້​ດອກ​ເບ້ຍ​ສູງ ​ເພື່ອ​ສ້າງ​​ເປັນ​ແຮງ​ຈູງ​ໃຈ, ​ແຕ່​ພາຍຫລັງ ບໍ​ລິ​ສັດ ​ໄດ້​ເງິນ​ຈາກ​ສະມາຊິກ​ແລ້ວ​ພັດ​ບໍ່​ຈ່າຍ​ເງິນ​ຄືນ​ຕາມ​ສັນຍາ.

ມາ​ຮອດ​ປັດຈຸບັນ ​ເຈົ້າ​ໜ້າ​ທີ່​ໄດ້​ເປີດ​ການ​ສືບສວນ-ສອບ​ສວນ ຕໍ່​ກັບ​ບຸກຄົນ​ທີ່​ມີ​ສ່ວນ​ກ່ຽວຂ້ອງ​ໃນ​ສະຖານ​ສໍ້​ໂກງ​ຊັບ​ພົນລະ​ເມືອງ ​ແລະ ອົງການ​ໄອ​ຍະ​ການ​ໄດ້​ອອກ​ຄຳ​ສັ່ງ​ກັກ​ຂັງ ປະທານ​ບໍ​ລິ​ສັດ​ພີ​ເອັສ ກໍ​ຄື​ນາງ​ ສຸກ​ນາລີ ​ເທບ​ສີ​ເມືອງ ​ແລະ ທ້າວ ປໍ​ເຮີ ​ເພື່ອ​ສືບສວນ-ສອບ​ສວນ​ຂະ​ຫຍາ​ຍຜົນ​ຫາ​ຜູ້​ຮ່ວມ​ກະທຳ​ຜິດ​ມາ​ລົງ​ໂທດ​ຕາມ​ກົດໝາຍ​ບ້ານ​ເມືອງ. ນອກ​ນັ້ນ ຄະນະ​ສະ​ເພາະ​ກິດ​ຍັງ​ໄດ້​ທຳ​ການ​ກວດ​ຄົ້ນ​ເຄຫາ​ສະຖານ, ພ້ອມ​ທັງ​ອາ​ຍັດ​ຊັບ​ສິນ​ຈຳນວນ​ໜຶ່ງ​ທີ່​ມີ​ສ່ວນ​ພົວພັນ​ກັບ​ຄະດີ​ດັ່ງກ່າວ, ສ່ວນ​ກິດຈະການ​ຂອງ​ບໍລິສັດ​ໃນ​ໄລຍະ​ດຳ​ເນີນ​ຄະດີ ​ແມ່ນ​ໃຫ້​ຢຸດ​ເຊົາ​ການ​ເຄື່ອນ​ໄຫວ​ທຸລະ​ກິດ​ທັງ​ໝົດ ​ເນື່ອງ​ຈາກ​ວ່າ​ອີງ​ໃສ່​ລະບຽບ-ກົດໝາຍ ທີ່​ກ່ຽວຂ້ອງ ​ເມື່ອ​ຄະນະບໍ​ລິ​ຫານ​ຖືກ​ດຳ​ເນີນ​ຄະດີ, ​ໂດຍ​ສະ​ເພາະ​ຄະດີ​ອາຍາ, ການ​ເຄື່ອນ​ໄຫວ​ທຸລະ​ກິດ​ຕ້ອງ​ໂຈະ​ເສຍ​ກ່ອນ​ຈົນ​ກວ່າ​ການ​ແກ້​ໄຂ​ບັນຫາ​ຕາມ​ຂະ​ບວນການ​ຂອງ​ກົດໝາຍ​ສຳ​ເລັດ.

+ແຈ້ງການ ປກສ ເຖິງຜູ້ທີ່ໄດ້ເອົາເງິນໃຫ້ບໍລິສັດ ພີເອັສ ມາແຈ້ງຕໍ່ເຈົ້າໜ້າທີ່

ນອກ​ນີ້ ຄະນະ​ສະ​ເພາະ​ກິດ ຍັງ​ຮຽກຮ້ອງ​ໃຫ້​ຜູ້​ຖືກ​ເສຍ​ຫາຍ​ທີ່​ຍັງ​ບໍ່​ທັນ​ຂຽນ​ຄຳ​ຮ້ອງ​ຟ້ອງ ຫລື ​ແຈ້ງ​ຄວາມ​ຕໍ່​ກັບ​ບໍລິສັດ​ພີ​ເອັສ ກໍ​ໃຫ້​ຮີບ​ຮ້ອຍ​ຂຽນ​ຄຳ​ຮ້ອງ​ຟ້ອງ ຫລື ​ແຈ້ງ​ຄວາມ, ພ້ອມ​ທັງນຳ​ເອົາ​ເອກ​ະສານ​ຂໍ້​ມູນທີ່​ກ່ຽວຂ້ອງ​ກັບ​ການ​ນຳ​ເອົາ​ເງິນ​ຂອງ​ຕົນ​ມາ​ຮ່ວມ​ທຶນ​ນຳ​ບໍລິສັດມາສະ​ເໜີ​ໂດຍ​ກົງກັບ​ຄະນະ​ສະ​ເພາະ​ກິດ​ດຳ​ເນີນ​ຄະດີ​ພີ​ເອັສ ຢູ່​ກົມ​ຕຳຫລວດ​ເສ​ດຖະກິດ, ກະຊວງ​ປ້ອງ​ກັນ​ຄວາມ​ສະຫງົບ, ສ່ວນ​ຜູ້​ຖືກ​ເສຍ​ຫາຍ​ທີ່ຢູ່​ຕ່າງ​ແຂວງ ​ແມ່ນ​ສາມາດ​ຂຽນ​ຄຳ​ຮ້ອງ ຫລື ​ແຈ້ງ​ຄວາມ​ນຳ​ເຈົ້າ​ທີ່​ຕຳຫລວດ​ຢູ່​ກອງ​ບັນຊາ​ການ ປກສ ​ເມືອງ ຫລື ຫ້ອງການ​ຕ​ຳຫລວດ​ກອງບັນຊາ​ການ ປກສ ​ແຂວງ, ນະຄອນຫລວງ​ວຽງ​ຈັນ ​ຕາມ​ຄວາມ​ສະດວກ​ສະບາຍຂອງ​​ໃຜລາວ ທັງ​ນີ້ ກໍ​​ເພື່ອ​ເຮັດ​ໃຫ້ການ​​ແກ້​ໄຂ​ບັນຫາ​ຂອງ​ບໍລິສັດ​ພີ​ເອັສ​ດຳ​ເນີນ​ໄປ​ດ້ວຍ​ຄວາມ​ວ່ອງ​ໄວ.