ເຮືອພິສິດໄຊ 12 ສີພາຍຄອງທ່ານ້ຳວັດຈັນບຸນອອກພັນສາປີນີ້

- advert banner 728 90 728x90 - ເຮືອພິສິດໄຊ 12 ສີພາຍຄອງທ່ານ້ຳວັດຈັນບຸນອອກພັນສາປີນີ້

- 22251340 679694272241149 1576780975 o 300x200 - ເຮືອພິສິດໄຊ 12 ສີພາຍຄອງທ່ານ້ຳວັດຈັນບຸນອອກພັນສາປີນີ້ໃນວັນທີ 5 ຕຸລາ ທີ່ທ່ານໍ້າ ວັດຈັນໄດ້ມີການແຂ່ງຂັນບຸນ ຊ່ວງເຮືອ 12 ສີພາຍປະຈຳປີ 2017 ໂດຍມີເຮືອເຂົ້າຮ່ວມ ທັງໝົດ 15 ລໍາ. ຜ່ານການ ແຂ່ງຂັນເຫັນວ່າ ເຮືອພິສິດໄຊ ສາມາດຄອງແຊ໊ມທ່ານ້ຳວັດຈັນປີນີ້.
ການແຂ່ງຂັນບຸນຊ່ວງ ເຮືອ 12 ສີພາຍຄັ້ງນີ້ ໄດ້ແບ່ງ ອອກເປັນ 4 ສາຍຄື: ສາຍ (ກ) ປະ ກອບມີເຮືອຫວຍ ເລກ 3 (1), ຫາຍໂສກ (1), ເທບພິສິດໄຊ ແລະ ເຮືອ ທິດາຫົງຟ້າ; ສາຍ (ຂ) ປະ ກອບມີ ເຮືອຫວຍເລກ 3 (2), ເທບນາຄາ, ເມືອງຈັນ ທະບູລີ ແລະ ເຮືອລໍາມໍເຕີ; ສາຍ(ຄ) ປະກອບມີ ເຮືອທິ ດາວຽງຈັນ, ສຸກສາຄອນ, ພະຍານາກຄະລາດ ແລະ ເຮືອພະຍານາກ; ສ່ວນ ສາຍ(ງ) ປະກອບມີ ເຮືອ ຫວຍເລກ 3 (3), ຫາຍໂສກ (2) ແລະ ເຮືອເທບອໍາມະ ລິນ.
ຜ່ານການແຂ່ງຂັນທີ່ເຕັມໄປດ້ວຍສຽງເຊຍຈາກມວນ ຊົນທີ່ສະໜັ່ນຫວັ່ນໄຫວຟົດຟື້ນ ນັ້ນ, ຜົນ ປະກົດວ່າ: ອັນດັບທີ 1 ໄດ້ແກ່ ເຮືອເທບພິສິດໄຊ ໄດ້ຮັບຂັນລາງວັນພ້ອມດ້ວຍ ເງິນສົດ 10 ລ້ານ, ອັນດັບທີ 2 ໄດ້ແກ່ເທບອໍາມະລິນ ໄດ້ຮັບ ຂັນລາງວັນພ້ອມດ້ວຍເງິນສົດ 8 ລ້ານກີບ, ອັນດັບທີ 3 ໄດ້ ແກ່: ຫາຍໂສກ (2) ໄດ້ຮັບ ຂັນລາງວັນພ້ອມເງິນສົດ 6 ລ້ານກີບ, ອັນດັບທີ 4 ຫາຍ ໂສກ (1)ໄດ້ຮັບເງິນສົດ 4 ລ້ານກີບ.
ສຳລັບມື້ນີ້, ຈະມີການ ແຂ່ງຂັນປະເພດເຮືອປະເພນີ ຊາຍ 9 ລໍາ, ຍິງ 5 ລໍາ ແລະ ເຮືອສູດຊາຍມີ 5 ລໍາ ຢ່າລືມ ຢ່າພາດໄປໃຫ້ກໍາລັງໃຈນັກກິລາ.

- lattana 1 - ເຮືອພິສິດໄຊ 12 ສີພາຍຄອງທ່ານ້ຳວັດຈັນບຸນອອກພັນສາປີນີ້