ເຈົ້າໜ້າທີ່ແຈ້ງເສັ້ນທາງສັນຈອນໃນງານບຸນທາດຫລວງ

- advert banner 728 90 728x90 - ເຈົ້າໜ້າທີ່ແຈ້ງເສັ້ນທາງສັນຈອນໃນງານບຸນທາດຫລວງ

​ໃນ​ກອງ​ປະຊຸມ​ຜ່ານ​ແຜນ​ວຽກ​ງານ​ປ້ອງ​ກັນ​ບຸນ​ພະທາດ​ຫລວງ ​ແລະ ພິທີ​ເປີດ​ປີ​ທ່ອງ​ທ່ຽວ​ລາວ 2018 ​ໄດ້​ຈັດ​ຂຶ້ນ​ໃນ​ວັນ​ທີ 27 ຕຸລາ​ນີ້ ​ເຊິ່ງທ່ານ ພັນ​ໂທ ຢຸດ​ຕະພົງ ສຸວັນນະ​ສິງ ຫົວໜ້າ​ພະ​ແນ​ກຈະລາຈອນ ນະຄອນຫລວງ​ວຽງ​ຈັນ ​ໃຫ້​ຮູ້​ວ່າ: ງານ​ບຸນ​ພະທາດ​ຫລວງ​ວຽງ​ຈັນ ​ແລະ ພິທີ​ເປີດ​ປີ​ທ່ອງ​ທ່ຽວ​ລາວ​ ​ແມ່ນ​ຈະ​ຈັດ​ກຳລັງ​ເຈົ້າໜ້າ​ທີ່​ຈະລາຈອນ 350 ຄົນ ​ເຂົ້າ​ໃນ​ຈຸດ​ປ້ອງ​ກັນ​ຕາມ​ເສັ້ນທາງ​ຕ່າງໆ​ລວມ 65 ຈຸດ ​ເພື່ອ​ຮັບປະກັນ​ຄວາມ​ເປັນ​ລະບຽບ​ຮຽບຮ້ອຍ ​ແລະ ລະບາຍ​ການ​ສັນຈອນ​ໃຫ້​ມີ​ຄວາມ​ສະດວກ​ໂລ່​ງລ່ຽນ.

- lattana 1 - ເຈົ້າໜ້າທີ່ແຈ້ງເສັ້ນທາງສັນຈອນໃນງານບຸນທາດຫລວງ

- 14963404 1276806579047470 3403159732520195757 n - ເຈົ້າໜ້າທີ່ແຈ້ງເສັ້ນທາງສັນຈອນໃນງານບຸນທາດຫລວງ

ຫົວໜ້າ​ຈະລາຈອນ ນະຄອນຫລວງ​ວຽງ​ຈັນ ​ໃຫ້​ຮູ້​ວ່າ: ກໍ​ດັ່ງ​ຫລາຍ​ປີຜ່ານມາ ສະພາບ​ການ​ສັນຈອນ​ໃນ​ໄລຍະ​ງານ​ບຸນທາດຫລວງ​ແມ່ນ​ມີ​ຄວາມ​ແອ​ອັດ ​ໂດຍ​ສະ​ເພາະ​ຢູ່​ຕາມ​ເສັ້ນທາງ​ທີ່​ໃກ້​ກັບ​ບໍລິ​ເວນ​ເດີ່ນ​ທາດຫລວງ ຄື​ເສັ້ນທາງ​ໄກສອນ, ​ເສັ້ນທາງ​ໜອງ​ບອນ, ​ເສັ້ນທາງ​ກຳ​ແພງ​ເມືອງ ​ແລະ ​ເສັ້ນທາງ​ທາດຫລວງ ​ແລະ ອື່ນໆ. ດັ່ງນັ້ນ ຈຶ່ງ​ໄດ້​ຈັດ​ກຳລັງ​ລົງ​ຈັດ​ສັນ​ຄວາມ​ເປັນ​ລະບຽບ​ຮຽບຮ້ອຍ, ລະບາຍ​ການ​ສັນຈອນ​ໃນ​ເຂດ​ເສັ້ນທາງ​ດັ່ງກ່າວ​ໃຫ້​ຮັບປະກັນ ​ແລະ ​ໄດ້​ກຳນົດ​ສັນຈອນ​​ໃນ​ໄລຍະ​ນີ້​ຕື່ມ​ອີກ ຄື​ພາຫະນະ​ທີ່​ມາ​ແຕ່​ເສັ້ນທາງ 13 ​ໃຕ້, ​ເສັ້ນທາງ​ເລກທີ 10, ​ເສັ້ນທາງ​ດອນ​ໜູນ​ຕໍ່​ໃສ່​ເສັ້ນທາງ​ໄກສອນ ຖ້າ​ບໍ່​ມີ​ຈຸດປະສົງ​ມາ​ທ່ຽວ​ງາ​ນບຸນ ​ເມື່ອ​ມາ​ຮອດ​ໄຟ​ແດງ​ໜອງ​ໜ່ຽງ​ແລ້ວ​ແມ່ນ​ໃຫ້​ລ້ຽວຊ້າຍ​ເຂົ້າ​ໄປ​ຕາມ​ເສັ້ນທາງ​ບ້ານ​ໜອງ​ໜ່ຽງ​ອອກ​ໃສ່​ບ້ານ​ວັງຊາ​ຍ​ແລ້ວ​ໄປ​ຕາມ​ຈຸດປະສົງ ຫລື ລ້ຽວຂວາ​ອອກ​ໃສ່​ເສັ້ນທາງ​ໂຮງໝໍ​ມິດຕະພາບ 150 ຕຽງ, ສະ​ເພາະ​ລົດ​ບັນທຸກ​ທີ່​ມາ​ແຕ່​ເສັ້ນທາງ 13 ​ເໜືອ ມີ​ຈຸດປະສົງ​ຈະ​ໄປ​ຂົວ​ມິດຕະພາບ​ໃຫ້​ໃຊ້​ເສັ້ນທາງ​ໜອງ​ບຶກ-ດົງ​ໂດກ​ອອກ​ໃສ່​ເສັ້ນທາງ 450 ປີ, ຖ້າ​ມີ​ຈຸດປະສົງ​ຈະ​ໄປ​ເສັ້ນທາງ 13 ​ໃຕ້ ມາ​ຮອດ​ໄຟ​ແດງ​ດົງ​ໂດກ​ແມ່ນ​ໃຫ້​ລ້ຽວຊ້າຍ​ອອກ​ໄປ, ສ່ວນ​ລົດ​ບັນທຸກ​ທີ່​ມາ​ແຕ່​ເສັ້ນທາງ 13 ​ໃຕ້​ມີ​ຈຸດປະສົງ​ໄປ​ຂົວ​ມິດຕະພາບ ມາ​ຮອດ​ໄຟ​ແດງ​ຫລັກ 21 ​ໃຫ້​ລ້ຽວຊ້າຍ​ອອກ​ໃສ່​ເສັ້ນທາງ 450 ປີ, ກໍລະນີ​ການ​ສັນຈອນ​ມີ​ຄວາມ​ສັບສົນ ​ເຈົ້າໜ້າ​ທີ່​ຈະ​ໄດ້​ແຍກ​ລົດ​ຢູ່​ຈຸດ​ໄຟ​ແດງ​ດົງ​ໂດກ ​ແລະ ຈຸດ​ໄຟ​ແດງ​ໜອງ​ໜ່ຽງ​ໃຫ້​ລ້ຽວຂວາ​ໄປ​ໃຊ້​ເສັ້ນທາງ​ດົງ​ໂດກ-ໜອງ​ບຶກຕັດ​ເຂົ້າມາ​ໃສ່​ເສັ້ນທາງ​ດົງ​ໂດກ-​ໂພນ​ຕ້ອງ, ຕານ​ມີ​ໄຊ-ດອນ​ແດງ​ເຂົ້າມາ​ຕົວ​ເມືອງ​ໃຫ້​ສະດວກ.