ອາເມລິກາເພີ່ມຂວ້ຳບາດ ສປປ ເກົາຫລີ ຖານລະເມີດສິດທິມະນຸດ

- advert banner 728 90 728x90 - ອາເມລິກາເພີ່ມຂວ້ຳບາດ ສປປ ເກົາຫລີ ຖານລະເມີດສິດທິມະນຸດ

ລັດຖະບານ​ວໍ​ຊິງ​ຕັນ​ຂວ້ຳບາດ​ພົນລະ​ເມືອງ ສປປ ​ເກົາຫລີ 7 ຄົນ ​ແລະ ໜ່ວຍ​ງານ​ອີກ 3 ​ແຫ່ງ ຈາກ​ການ​ສະໜັບສະໜູນ​ການລະ​ເມີດ​ສິດທິ​ມະນຸດ​ຕໍ່​ຜູ້​ລີ້​ໄພ​ຊາວ ສປປ ​ເກົາຫລີ ຢູ່​ຕ່າງ​ແດນ.

- lattana 1 - ອາເມລິກາເພີ່ມຂວ້ຳບາດ ສປປ ເກົາຫລີ ຖານລະເມີດສິດທິມະນຸດ

- 171026 dmz north korea rd 145a 71439b7fe6679e94246bcd0a2523a255 - ອາເມລິກາເພີ່ມຂວ້ຳບາດ ສປປ ເກົາຫລີ ຖານລະເມີດສິດທິມະນຸດ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ວໍ​ຊິງ​ຕັນ ປະ​ເທດ​ສະຫະລັດ​ອາ​ເມ​ລິ​ກາ ​ໃນ​ວັນ​ທີ 27 ຕຸລາ​ວ່າ: ກະຊວງ​ການ​ເງິນ​ອາ​ເມ​ລິ​ກາ​ອອກ​ຖະ​ແຫລ​ງການ​ໃນ​ວັນ​ທີ 26 ຕຸລາ ຂຶ້ນບັນຊີ​ດຳ​ພົນລະ​ເມືອງ ສປປ ​ເກົາຫລີ 7 ຄົນ ​ໃນ​ຈຳນວນ​ນີ້​ລວມທັງ​ທ່ານ ກູ​ຊູ​ຊອບ ກົງສຸນ​ໃຫຍ່​ສປປ ​ເກົາຫລີ ປະຈຳ​ເມືອງ​ເສິນ​ຢາງ ​ແຂວງ​ຫລຽວ​ໜິງ ທາງ​ຕາ​ເວັນ​ອອກສຽງ​ເໜືອ​ຂອງ​ຈີນ ​ແລະ ທ່ານ ກິມມິນຊໍ ​ເຈົ້າໜ້າ​ທີ່​ປະຈຳ​ສະຖານ​ເອກ​ອັກຄະ​ລັດຖະທູດ ສປປ ​ເກົາຫລີ ຢູ່​ນະຄອນຫລວງ​ຮ່າ​ໂນ້ຍ ​ເນື່ອງ​ຈາກ​ບຸກຄົນ​ທັງ​ສອງ​ມີ​ສ່ວນ​ຮ່ວມ​ໃນ​ຂະ​ບວນການ​ບັງຄັບ​ສົ່ງ​ກັບ​ຜູ້​ລີ້​ໄພ​ຊາວ ສປປ ​ເກົາຫລີ ຢູ່​ຕ່າງປະ​ເທດ.

ນອກ​ຈາກ​ນີ້, ລັດຖະບານ​ວໍ​ຊິງ​ຕັນ​ຍັງ​ເພີ່ມ​ຊື່​ນິຕິບຸກຄົນ​ສັນຊາດ ສປປ ​ເກົາຫລີ ອີກ 3 ​ແຫ່ງ ຂໍ້​ຫາ “ສະໜັບສະໜູນ​ການລະ​ເມີດ​ສິດທິ​ມະນຸດ” ​ໄດ້​ແກ່ ສູນ​ບັນຊາ​ການ​ຄວາມ​ໝັ້ນຄົງ​ປ້ອງ​ກັນ​ປະ​ເທດ ​ແລະ ສຳນັກງານ​ການ​ກໍ່ສ້າງ​ພາຍ​ນອກ ​ແລະ ບໍລິສັດ​ກໍ່ສ້າງ​ຕ່າງປະ​ເທດ ​ໂດຍ​ໜ່ວຍ​ງານ​ທັງ​ສາມ​ແຫ່ງ​ມີ​ສຳນັກງານ​ຢູ່​ຫລາຍ​ປະ​ເທດ​ເຂດ​ຕາ​ເວັນ​ອອກ​ກາງ.