ລາວ-ເອີຣົບຫາລືວຽກງານການລົງທຶນໃຫ້ມີຄຸນນະພາບຂຶ້ນກວ່າເກົ່າ

- advert banner 728 90 728x90 - ລາວ-ເອີຣົບຫາລືວຽກງານການລົງທຶນໃຫ້ມີຄຸນນະພາບຂຶ້ນກວ່າເກົ່າ

ວັນທີ 27 ຕຸລາຜ່ານມານີ້, ກະຊວງແຜນການ ແລະ ການ ລົງທຶນ, ໄດ້ຈັດກອງ ປະຊຸມປຶກ ສາຫາລືລະຫວ່າງພາກລັດ ແລະ ຄູ່ຮ່ວມພັດທະນາກ່ຽວກັບການ ລົງທຶນຂອງເອກະຊົນທີ່ມີຄຸນ ນະພາບສຳລັບການພັດທະນາ, ໂດຍການ ເປັນປະທານຂອງທ່ານ ຄຳລຽນ ພົນເສນາ ຮອງລັດ ຖະມົນຕີກະຊວງແຜນ ການ ແລະ ການລົງທຶນ, ມີທ່ານ ລີໂອ ພໍລ໌ ຟາເບີ ຜູ້ຕາງໜ້າສະຫະພາບ ເອີຣົບປະຈຳລາວ, ເພື່ອປຶກສາຫາ ລືລະຫວ່າງພາກລັດກັບຄູ່ຮ່ວມ ພັດທະນາ ໃນການຫັນການລົງ ທຶນໄປສູ່ຄຸນນະພາບ, ລວມທັງ ການປັບປຸງຂັ້ນຕອນການອະນຸ ຍາດການລົງທຶນໃຫ້ກະທັດ ຮັດ- ວ່ອງ ໄວ-ທັນການ ແລະ ໂປ່ງໃສ, ເອົາ ໃຈໃສ່ການຕິດຕາມເບິ່ງ ແຍງ ສະພາບການລົງທຶນຂອງຜູ້ປະ ກອບການຕ່າງໆ.

- lattana 1 - ລາວ-ເອີຣົບຫາລືວຽກງານການລົງທຶນໃຫ້ມີຄຸນນະພາບຂຶ້ນກວ່າເກົ່າ

 

+ ລາວ-ຈີນຫາລືການຊ່ວຍເຫລືອໃນຂະແໜງການສຶກສາ ແລະ ກິລາໃຫ້ດີຂຶ້ນ

+ ສີນຄ້າຄຸນນະພາບດີຈາກລາວ​ໄດ້​ຮັບ​ຄວາມ​ສົນ​ໃຈ​ໃນ​ງານວາງສະແດງຈີນ-ອາຊຽນຄັ້ງທີ 14

ທ່ານຮອງລັດຖະມົນຕີ ໃຫ້ ຮູ້ ວ່າ: ກອງປະຊຸມຄັ້ງນີ້ ໄດ້ຮັບຟັງ ການສະເໜີກ່ຽວກັບຄວາມຄືບ ໜ້າການອະນຸມັດກົດໝາຍວ່າ ດ້ວຍການສົ່ງເສີມການລົງທຶນ ແລະ ຮ່າງຍຸດທະສາດການ ລົງ ທຶນແຫ່ງຊາດ ລວມທັງບັນດາ ເຄື່ອງມືສຳລັບການຄຸ້ມຄອງ ການລົງທຶນທີ່ມີຄຸນນະພາບ ແລະ ການສະເໜີກ່ຽວກັບຄວາມຄືບໜ້າການຜັນຂະຫຍາຍ ຜົນຂອງກອງປະຊຸມທຸລະກິດລາວຄັ້ງ ທີ 10, ໂດຍສະເພາະວຽກງານ ທີ່ຕິດພັນກັບການສ່ວຍສາອາ ກອນ ແລະ ການປະກອບສ່ວນ ຂອງພາກເອກະຊົນ ທີ່ຈັດເຂົ້າ ໃນການພັດທະນາ ປະເທດຊາດ ແລະ ພັນທະຕໍ່ກັບການລົງທຶນ ທີ່ມີຄຸນນະພາບ. ນອກນີ້ ຍັງໄດ້ ຮັບຮູ້ເຖິງຄວາມສຳຄັນທາງ ດ້ານການພັດທະນາຄວາມຮູ້ທີ່ ຕິດພັນກັບການລົງທຶນຂອງພາກ ເອກະຊົນທີ່ມີຄຸນນະພາບ ສຳລັບ ການພັດທະນາ. ໃນໄລຍະຜ່ານ ມາລັດຖະບານໄດ້ເຜີຍແຜ່ຍຸດ ທະສາດການພັດທະນາມະນຸດ, ພ້ອມທັງໄດ້ເພີ່ມທະວີການສະ ໜັບສະໜູນໃຫ້ແກ່ວຽກງານ ການສຶກສາ ແລະ ຊຸກຍູ້ການ ຮ່ວມມືເຊິ່ງກັນ ແລະ ກັນ, ໂດຍ ສະເພາະເອກະຊົນ.

ທ່ານຜູ້ຕາງໜ້າສະຫະພາບ ເອີຣົບ ປະຈຳລາວ ໄດ້ເນັ້ນໜັກ ເຖິງຄວາມສຳຄັນຂອງການປັບປຸງລະບຽບການໃຫ້ມີຄວາມກະທັດຮັດ, ພ້ອມທັງສ້າງເງື່ອນໄຂ ເອື້ອອຳນວຍຄວາມ ສະດວກສະບາຍໃຫ້ແກ່ການ ເລີ່ມດຳເນີນ ທຸລະກິດ, ພ້ອມນີ້ ຍັງໄດ້ກ່າວເຖິງ ການສ້າງຄວາມເຊື່ອໝັ້ນທາງ ດ້ານລະບຽບການ ແລະ ສ້າງຄວາມເຂົ້າໃຈກ່ຽວກັບລະບົບຍຸ ຕິທຳໃຫ້ແກ່ພາກທຸລະກິດເພື່ອ ສ້າງຄວາມ ເຊື່ອໝັ້ນທາງດ້ານ ລະບຽບການ ແລະ ດຶງດູດການ ລົງທຶນ. ໃນຂະນະດຽວກັນຜູ້ ຕາງໜ້າສະຫະພາບເອີຣົບຍັງ ໄດ້ກ່າວສະແດງຄວາມຊົມເຊີຍ ຕໍ່ລັດຖະບານລາວ ທີ່ໄດ້ພະຍາຍາມປັບປຸງສະພາບແວດລ້ອມ ທາງດ້ານກົດໝາຍ, ຊຶ່ງເປັນ ບາດກ້າວທຳອິດທີ່ມີຄວາມ ຫລາກຫລາຍ, ແຕ່ຕ້ອງຮັບປະ ກັນທາງດ້ານການຈັດຕັ້ງປະຕິ ບັດລະບຽບການໄປພ້ອມ.

ໃນປັດຈຸບັນ ສປປ ລາວ ຖືກ ຈັດຢູ່ໃນອັນດັບທີ 139 ໃນ ຈຳນວນ 190 ປະເທດທີ່ມີຄວາມ ສະດວກສະບາຍທາງດ້ານການດຳເນີນທຸລະກິດ, ພ້ອມນີ້ ຈະສູ້ ຊົນໃຫ້ຫລຸດລົງເຫລືອອັນ ດັບທີ່ ຕໍ່າກວ່າ 100 ໃນອະນາຄົດ.

 

- 785444 - ລາວ-ເອີຣົບຫາລືວຽກງານການລົງທຶນໃຫ້ມີຄຸນນະພາບຂຶ້ນກວ່າເກົ່າ