ບໍລິສັດຕັນ​ຈອງມໍ​ເຕີລາວ​ແນະນຳ​ລົດ​ຮຸ້ນ​ໃໝ່

- advert banner 728 90 728x90 - ບໍລິສັດຕັນ​ຈອງມໍ​ເຕີລາວ​ແນະນຳ​ລົດ​ຮຸ້ນ​ໃໝ່

ພິທີ​ເປີດ​ໂຕ​ລົດ​ນິດ​ສັນ​ເອັກເທວຮຸ້ນ​ໃຫມ່ປີ 2018 ​ໄດ້​ມີ​ຂຶ້ນ​ໃນ​ວັນ​ທີ 28 ຕຸລານີ້, ຢູ່​ເດີ່ນ​ກິລາ​ລ້ານ​ຊ້າງນະຄອນຫລວງ​ວຽງຈັນ, ​ໂດຍ​ການ​ເຂົ້າ​ຮ່ວມ​ຂອງ​ທ່ານ ອິນ​ຊິກ ​ໂມອິນິ ອີ​ຕັນ ​ເອກ​ອັກຄະ​ລັດ​ສະ​ທູດມາ​ເລ​ເຊຍປະຈຳ​ລາວ, ທ່ານ ທັນ​​ໄຕຮິງ ປະທານ​ບໍລິສັດ​ຕັນ​ຈອງ ມໍ​ເຕີ​ລາວ ພ້ອມ​ດ້ວຍ​ມວນຊົນເຂົ້າຮ່ວມ​ຢ່າງ​ຫລວງຫລາຍ.

- lattana 1 - ບໍລິສັດຕັນ​ຈອງມໍ​ເຕີລາວ​ແນະນຳ​ລົດ​ຮຸ້ນ​ໃໝ່

ທ່ານປະທານບໍລິສັດຕັນ​ຈອງ​ມໍ​ເຕີ​ລາວ ​ໄດ້​ມີ​ຄຳ​ເຫັນວ່າ: ນິດ​ສັນ​ເອັກ​ເທວ​ໃໝ່ແມ່ນໜຶ່ງ​ໃນ​ລົດ​ນິດ​ສັນ​ລຸ້ນ​ຍອດ​ນິຍົມ​ສຳລັບ​ການ​ເດີນທາງ​ທຸກ​ທີ່​ທຸກ​ເວລາ ດ້ວຍ​ການ​ເພີ່ມ​ເຕັກ​ໂນ​ໂລ​ຊີ​ການ​ຂັບ​ເຄື່ອນ​ທີ່ທັນສະໄໝ​ລ່າ​ສຸດ, ຊຶ່ງຜ່ານ​ໄລຍະ​ເວລາ​ພຽງ​ແຕ່ 17 ປີນິດ​ສັນ​ເອັກເທວ​ໄດ້​ກາຍ​ເປັນ​ລົດ​ຮຸ້ນ​ຄອສ​ໂອ​ເວີ​ທີ່​ຂາຍ​ດີ​ທີ່​ສຸດ​ໃນ​ໂລກທີ່ມີ​ຂາຍ​ໄດ້​ຫລາຍ​ກວ່າ 3,7 ລ້ານ​ຄັນນັບ​ແຕ່​​ໃນ​ປີ 2000 ເປັນຕົ້ນມາ, ຊຶ່ງ​ລົດ​ນິ​ດສັນ​ເອັກ​ເທວ 2018 ​ແມ່ນ​ໄດ້​ປະສົມ​ປະສານ​ຂະໜາດທັງໝົດ​ແບບ​ກະທັດ​ຮັດ​ກວ້າງຂວາງ ແລະ ສາມາດ​ເປີດ​ປະຕູ​ດ້ານ​ຫລັງ ເພື່ອການ​​ເຂົ້າ-ອອກ​ໄດ້​ງ່າຍ​ຂຶ້ນ, ​ໂຄງ​ສ້າງ​​ແມ່​ນມີ​ການ​ປັບ​ປ່ຽນທີ່ເໝາະສົມລະຫວ່າງ​ການບັນຈຸສິ່ງຂອງ ແລະ ຈຳນວນ​ຜູ້​ໂດຍສານ, ​ບ່ອນ​ນັ່ງ​ແຖວ 2 ​ແລະ ​ແຖວ 3 ​ສາມາດ​ພັບ​ລົງ​ໄດ້, ​ເຊິ່ງຈະ​ເພີ່ມ​ບ່ອນ​ຫວ່າງ​ສຳລັບ​ການ​ບັນຈຸສິ່ງຂອງ​ໄດ້​ຫລາຍ​ຂຶ້ນ, ​ເພື່ອ​ເຮັດ​ໃຫ້​ລູກ​ຄ້າ​ຮູ້ສຶກ​ໝັ້ນ​ໃຈ ​ແລະ ​ເພີ່ມ​ຄວາມ​ປອດ​ໄພໃນການຂັບຂີ່.