ຮ້ານ​ຄຳ​ບຸນ​ເຕັມ ​ເປັນໜຶ່ງ​ໃນ 40 ທຸລະ​ກິດ​ທີ່​ໄດ້​ຮັບ​ລາງວັນທຸລະ​ກິດ SMEs ​ດີ​ເດັ່ນ

- advert banner 728 90 728x90 - ຮ້ານ​ຄຳ​ບຸນ​ເຕັມ ​ເປັນໜຶ່ງ​ໃນ 40 ທຸລະ​ກິດ​ທີ່​ໄດ້​ຮັບ​ລາງວັນທຸລະ​ກິດ SMEs ​ດີ​ເດັ່ນ

ລາງວັນ​ທຸລະ​ກິດ SMEs ດີ​ເດັ່ນ​ເປັນ​ລາງວັນ​ທີ່​ມີ​ຄຸນຄ່າ ​ແລະ ຊົງ​ກຽດ, ​ໂດຍ​ແມ່ນ​ສະພາ​ການ​ຄ້າ ​ແລະ ອຸດສາຫະກຳ​ແຫ່ງ​ຊາດ​ລາວ ​​ເປັນ​ຜູ້​ສ້າງ​ຕັ້ງ ຂຶ້ນ ​ເພື່ອ​ຍ້ອງຍໍ​ສັນລະ​ເສີນ​ຫົວໜ່ວຍ​ທຸລະ​ກິດ​ຕ່າງໆ​ທີ່​ມີ​ຜົນງານ​ດີ​ເດັ່ນ, ປະ ກອບສ່ວນ​ສ້າງສາ​ພັດທະນາ​ປະ​ເທດ​ຊາດ, ສ້າງ​ວຽກ​ເຮັດ​ງານ​ທຳ ​ແລະ ປະ ກອບສ່ວນ​ສ້າງ​ຄວາມ​ເຂັ້ມ​ແຂງ​ໃຫ້​ສະພາ​ການ​ຄ້າ ​ແລະ ອຸດສາຫະກຳ​​ແຫ່ງ​ຊາດ​ລາວ​ໃນ​ໄລຍະ​ຜ່ານ​ມາຢ່າງ​ເປັນ​ປົກກະຕິ, ​ໃນ​ນັ້ນປະກອບ​ມີ 40 ທຸລະ​ກິດ​ທີ່​ໄດ້​ຮັບ​ລາງວັນ​ດັ່ງກ່າວ ​ແລະ ໜຶ່ງ​ໃນ​ນັ້ນກໍ​ແມ່ນ​ບໍ​ລິສັດ ບຸນ​ເຕັມ​ໂກ​ລແອນຈິ​ວ​ເວີ​ລີ ທີ່ຖືກ​ຄັດ​ເລືອກ​ຮັບ​ລາງວັນ​ອັນ​ຊົງ​ກຽດ​ນີ້, ​ໂດຍ​ມີ​​ເງື່ອນ​ໄຂ​ຄົບ​ຖ້ວນ​ຄື: 1.​ ເປັນ​ບໍລິສັດ​ທີ່​ລົງທະບຽນ​ຖືກຕ້ອງ​ຕາມ​ລະບຽບກົດໝາຍ​ຂອງ​ ສປປ ລາວ, ​2. ເປັນ​ສະມາຊິກ​ຂອງ​ສະພາ​ການ​ຄ້າ ​ແລະ ອຸດສາຫະກຳ​ແຫ່ງ​ຊາດ​ລາວ, 3. ທຸລະ​ກິດ​ມີ​ການ​ເຕີບ​ໃຫຍ່​ຂະຫຍາຍຕົວ​ໃນ​ໄລຍະ​ສົກ​ປີຜ່ານ​ມາ, 4. ປະກອບສ່ວນ​ສ້າງ​ສາ​ພັດທະນາ​ປະ​ເທດ​ຊາດ, ຫ້າວຫັນ​ໃນ​ການ​ເສຍ​ພັນທະ​ພາສີ​ອາກອນ​ໃຫ້​ສະພາ ການ​ຄ້າ ​ແລະ ອຸດສາຫະກຳ​ແຫ່ງ​ຊາດຢ່າງ​ເປັນ​ປົກະຕິ ​ແລະ ​ໂປ່​ງ​ໃສ, 5.​ ​ປະກອບສ່ວນ​ຢ່າງ​ຫ້າວຫັນ​ໃນ​ການ​ສ້າງ​ວຽກ​ເຮັດ​ງານ​ທຳ​ໃຫ້​ປະຊາຊົນ ​ແລະ ຊ່ວຍ​ສ້າງ​ຄວາມ​ເຂັ້​ມ​ແຂງ​ໃຫ້​ສະພາ​ການ​ຄ້າ​ນຳ​ອີກ.

- lattana 1 - ຮ້ານ​ຄຳ​ບຸນ​ເຕັມ ​ເປັນໜຶ່ງ​ໃນ 40 ທຸລະ​ກິດ​ທີ່​ໄດ້​ຮັບ​ລາງວັນທຸລະ​ກິດ SMEs ​ດີ​ເດັ່ນ

ທ່ານ​ນາງ ບຸນ​ເຕັມ ​ແສງ​ສຸວັນ ​ເຈົ້າ​ຂອງ​ຮ້ານ​ຂາຍ​ຄຳ​ບຸນ​ເຕັມ ​ໃຫ້​ຮູ້​ວ່າ:​ ມີ​ຄວາມ​ຮູ້ສຶກ​ຕື່ນ​ເຕັ້ນ ​ແລະ ​ເປັນ​ກຽດ​ຢ່າງ​ຍິ່ງ​ທີ່​ຖືກ​ຄັດ​ເລືອກຮັບ​ລາງວັນ​ໃນ​ຄັ້ງ​ນີ້, ຍ້ອນ​ຄວາມ​ອົດທົນບຸກບືນ​ໃນ​ການ​ເຮັດ​ທຸລະ​ກິດຈົນ​ເຕີບ​ໃຫຍ່​ຂະຫຍາຍຕົວ ​ແລະ ​ເປັນ​ທີ່​ຮູ້ຈັກ​ໃນ​ສັງຄົມ​ລາວ, ລາງວັນ​ດັ່ງກ່າວຍັງໄດ້​ຢືນຢັນ​​ເຖິງ​ສັກກະ​ຍະ​ພາບ​ໃນ​ການ​ດຳ​ເນີນ​ທຸລະ​ກິດ​ໃນ​ໄລຍະ​ຜ່ານ​ມາ ​ແລະ ຍັງ​ໄດ້​​ເປັນ​ແຮງ​ກະ​ຕຸ້ນ​ໃຫ້​ສືບ​ຕໍ່​ພັດທະນາ​ທຸລະ​ກິດ​ດັ່ງກ່າວ​ເຕີບ​ໃຫຍ່​ຂຶ້ນ​ເລື້ອຍໆ. ໃນ​ໄລຍະ​ຜ່ານ​ມາ, ບໍລິສັດ ບຸນ​ເຕັມ​ໂກແອນ​ຈິ​ວ​ເວີ​ລີ ​ໄດ້​ປະກອບສ່ວນ​ຊ່ວຍ​ເຫລື​ອ ​ແລະ ສະໜັບສະໜູນຫລັກ​ໃນ​ໂຄງການ​ປະ​ກວດ​ Miss Grand Laos, Miss International Lao ​ແລະ ​ໂຄງການ​ອື່ນໆ​ຢ່າງ​ຫລວງຫລາຍ.

ພິທີ​ມອບ-ຮັບ​ລາງວັນ​ທຸລະ​ກິດ SMEs ດີ​ເດັ່ນດັ່ງກ່າວ, ​ໄດ້​ມີ​ຂຶ້ນ​ໃນ​ວັນ​ທີ 26 ຕຸລາ​ຜ່ານ​ມາ​ນີ້, ທີ່​ຫໍ​ປະຊຸມ​ແຫ່ງຊາດນະຄອນຫລວງ​ວຽງ​ຈັນ, ​ໂດ​ຍການ​ເຂົ້າ​ຮ່ວມ​ຂອງ​ທ່ານ ສົມ​ດີ ດວງ​ດີ ຮອງ​ນາຍົກລັດຖະມົນຕີ, ລັດຖະມົນຕີ​ກະຊວງ​ການ​ເງິນ ​ແລະ ​ໃຫ້​ກຽດ​ມອບ​ລາງວັນ​ດັ່ງກ່າວ​ໃຫ້​ກັບ​ຫົວໜ່ວຍ​ທຸລະ​ກິດ​ຕ່າງໆ​​ແມ່ນ​ທ່ານ​ນາງ ​ເຂັມ​ມະນີ ພົນ​ເສນາ ລັດຖະມົນ​ຕີ​ກະຊວງ​ອຸດສາຫະກຳ ​ແລະ ການ​ຄ້າ.