ບຸນມະໂຫລານກາເຟລາວຈະມີຂຶ້ນຕົ້ນເດືອນທັນວານີ້

- advert banner 728 90 728x90 - ບຸນມະໂຫລານກາເຟລາວຈະມີຂຶ້ນຕົ້ນເດືອນທັນວານີ້

ໃນວັນທີ 26 ຕຸລາຜ່ານມານີ້, ສະມາຄົມກາເຟລາວໄດ້ຖະແຫຼງໃຫ້ຮູ້ວ່າ: ບຸນມະໂຫລານກາເຟລາວຄັ້ງທີ 2 ຈະໄດ້ຈັດຂຶ້ນໃນວັນທີ 10-12 ທັນວານີ້, ທີ່ໂຮງແຮມແລນມາກນະຄອນຫຼວງວຽງຈັນ, ເພື່ອເປັນການເອກອ້າງຄຸນລັກສະນະພິເສດຂອງກາເຟລາວໄປສູ່ຜູ້ບໍລິໂພກໃນທົ່ວໂລກ, ທັງເປັນການຜັນຂະຫຍາຍຍຸດທະສາດການພັດທະນາກາເຟລາວທາງດ້ານປະລິມານ ແລະ ຄຸນນະພາບ, ເພີ່ມມູນຄ່າການສົ່ງອອກ, ສ້າງລາຍໄດ້ໃນຕ່ອງໂສ້ການຜະລິດກະສິກໍາ ແລະ ການຄ້າ, ຫຼຸດຜ່ອນຄວາມສ່ຽງ, ຍົກລະດັບຂີດຄວາມສາມາດເພື່ອໃຫ້ແຂ່ງຂັນໄດ້ໃນລະດັບພູມິພາກ ແລະ ສາກົນ, ທັງເປັນການສ້າງໂອກາດໃຫ້ປະຊາຊົນລາວ ທີ່ຈະໄດ້ສ້າງປະສົບການໃຫ້ສອດຄ່ອງກັບການພັດທະນາທາງດ້ານກາເຟທີ່ແຕກຕ່າງຂອງລາວ ແລະ ສາກົນ, ນອກນີ້ຍັງເປັນການປະສົມປະສານຂະແໜງກາເຟ ແລະ ອຸດສາຫະກໍາການທ່ອງທ່ຽວກ່ຽວພັນກັບປີ 2018 ໃຫ້ມີຜົນສໍາເລັດ.

- lattana 1 - ບຸນມະໂຫລານກາເຟລາວຈະມີຂຶ້ນຕົ້ນເດືອນທັນວານີ້

ກິດຈະກໍາໃນງານດັ່ງກ່າວ, ຈະມີການວາງສະແດງສິນຄ້າກ່ຽວຂ້ອງກັບກາເຟເຊັ່ນ: ການປູກ, ການຜະລິດ, ການແປຮູບກາເຟໃຫ້ເປັນຜະລິດຕະພັນ ແລະ ບັນດາຫ້າງຮ້ານກາເຟຕ່າງໆ, ພ້ອມຈະມີການແຂ່ງຂັນກາເຟລະດັບປະເທດ ຊຶ່ງຈະໄດ້ຈັດຂຶ້ນເປັນຄັ້ງທໍາອິດໃນປະຫວັດສາດວົງການກາເຟລາວ ເພື່ອກຽມຄວາມພ້ອມໃຫ້ນັກປູກກາເຟໃນແຕ່ລະເຂດຂອງລາວ ໃຫ້ກ້າວເຂົ້າສູ່ເວທີລະດັບສາກົນ ກໍຄືຂົງເຂດອາຊຽນ, ຊຶ່ງຈະມີຢູ່ 3 ປະເພດຄື: ການແຂ່ງຂັນບາຣີສຕ້າລະດັບປະເທດ (Barista), ການແຂ່ງຂັນລາເຕ້ອາດລະດັບປະເທດ (Latte Art) ແລະ ການແຂ່ງຂັນຊົງກາເຟຫຍອດລະດັບປະເທດ (Brewer) ອີກດ້ວຍ.