ນາໂຕຊີ້ ສປປ ເກົາຫລີ ເປັນໄພຄຸກຄາມລະດັບໂລກ

- advert banner 728 90 728x90 - ນາໂຕຊີ້ ສປປ ເກົາຫລີ  ເປັນໄພຄຸກຄາມລະດັບໂລກ

​ເລຂາທິການ​ນາ​ໂຕ ກ່າວ​ວ່າ: ສປປ ​ເກົາຫລີ ຄື ​ໄພ​ຄຸກ​ຄາມ​ລະດັບ​ໂລກ, ​ແຕ່​ຄັດຄ້ານ​ການ​ໃຊ້​ມາດ​ຕະການ​ທາງ​ທະຫານ​ຕໍ່​ລັດຖະບານ​ພຽງ​ຢາງ.

- lattana 1 - ນາໂຕຊີ້ ສປປ ເກົາຫລີ  ເປັນໄພຄຸກຄາມລະດັບໂລກ

- 9fgv31qz - ນາໂຕຊີ້ ສປປ ເກົາຫລີ  ເປັນໄພຄຸກຄາມລະດັບໂລກ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ໂຕ​ກຽວ ປະ​ເທດ​ຍີ່ປຸ່ນ ​ໃນ​ວັນ​ທີ 30 ຕຸລາ​ວ່າ: ທ່ານ ​ເຢນ ສ​ໂຕ​ລ​ເທ​ນ​ເບິ​ກ ​ເລຂາທິການ ອົງການ​ສົນທິສັນຍາ​ອັດ​ລັງ​ຕິກ​ເໜືອ (ນາ​ໂຕ) ກ່າວ​ລະຫວ່າງ​ພົບ​ປະ​ຫາລື​ກັບ​ທ່ານ ທາ​ໂຣ ​ໂຄ​ໂນະ ລັດຖະມົນຕີ​ກະຊວງ​ການ​ຕ່າງປະ​ເທດ​ຍີ່ປຸ່ນ ຢູ່​ນະຄອນຫລວງ​ໂຕ​ກຽວ ​ໃນ​ວັນ​ທີ 30 ຕຸລາ​ວ່າ: ນາ​ໂຕ​ມີ​ຄວາມ​ກັງວົນ​ຢ່າງ​ຍິ່ງ​ຕໍ່​ສະຖານະ​ການ​ຢູ່​ແຫລມ​ເກົາຫລີ ທີ່​ລັດຖະບານ​ພຽງ​ຢາງ​ຍັງ​ສະ​ແດງ​ບົດບາດ​ຮຸນ​ແຮງ​ຕໍ່​ຄວາມ​ໝັ້ນຄົງ ​ເຊິ່ງບໍ່​ໄດ້​ສົ່ງ​ຜົນ​ກະທົບ​ແຕ່​ສະ​ເພາະ​ປະ​ເທດ​ໃນ​ພາກພື້ນ​ເທົ່າ​ນັ້ນ, ​ແຕ່​ຍັງ​ຖື​ເປັນ​ໄພ​ຄຸກ​ຄາມ​ຕໍ່​ຄວາມ​ໝັ້ນຄົງ​ທົ່ວ​ໂລກນຳ​ອີກ.

- x1en385w - ນາໂຕຊີ້ ສປປ ເກົາຫລີ  ເປັນໄພຄຸກຄາມລະດັບໂລກ

ທ່ານ ສ​ໂຕ​ລ​ເທ​ນ​ເບິ​ກ ກ່າວ​ອີກ​ວ່າ: ນາ​ໂຕ​ສະໜັບສະໜູນ​ການ​ໃຊ້​ມາດ​ຕະການ​ທາງ​ການ​ເມືອງ ​ແລະ ​ເສດຖະກິດ ​ໃນ​ການ​ກົດ​ດັນ​ໃຫ້​ລັດຖະບານ​ພຽງ​ຢາງ​ຢຸດ​ຕິ​ໂຄງການ​ນິວ​ເຄຼຍ ​ແລະ ​ເຫັນ​ພ້ອມ​ກັບ​ການ​ຍົກ​ລະດັບ​ມາດ​ຕະການ​ຂວ້ຳບາດ​ທາງ​ເສດຖະກິດ​ຕໍ່​ອີກ​ຝ່າຍ. ​ເຖິງ​ຢ່າງ​ໃດ​ກໍ​ຕາມ, ​ເລຂາທິການ​ນາ​ໂຕ ​ເຕືອນ​ວ່າ: ການ​ໃຊ້​ມາດ​ຕະການ​ທາງ​ທະຫານ​ຕໍ່ ສປປ ​ເກົາຫລີ ຈະ​ນຳ​ມາ​ເຊິ່ງຜົນ​ກະທົບ​ຮ້າຍ​ແຮງ, ຫລັງ​ປະທານາທິບໍດີ ​ໂດ​ນັນ ທຣຳ ກ່າວ​​ເມື່ອ​ມໍ່​ໆ​ນີ້​ວ່າ: ປະຊາ​ຄົມ​ໂລກ​ຫລົ້ມ​ເຫ​ລວ​ໃນ​ການ​ໃຊ້​ກົນລະຍຸດ​ທາງ​ການ​ທູດ​ຕໍ່ ສປປ ​ເກົາຫລີ.

​ໃນ​ເວລາ​ດຽວ​ກັນ​ມີ​ກອງ​ປະຊຸມ​ຮ່ວມ​ກັນ​ລະດັບ​ໄຕ​ພາຄີ ລະຫວ່າງ​ເຈົ້າໜ້າ​ທີ່​ລະດັບ​ສູງ​ຂອງ​ກອງທັບ​ອາ​ເມ​ລິ​ກາ, ສ.​ເກົາຫລີ ​ແລະ ຍີ່ປຸ່ນ ຢູ່​ເກາະ​ຮາ​ວາຍ ​ໃນ​ທ້າຍ​ອາທິດ​ຜ່ານ​ມາ ​ໂດຍ​ທັງ​ສາມ​ປະ​ເທດ​ໄດ້​ອອກ​ຖະ​ແຫລ​ງການ​ຮ່ວມ​ກັນ ຮຽກຮ້ອງ​ໃຫ້ ສປປ ​ເກົາຫລີ ອອກ​ຈາກ​ເສັ້ນທາງ​ການ​ທຳລາຍ​ລ້າງ ​ໂດຍ​ການ​ຢຸດຕິ​ໂຄງການ​ພັດທະນາ​ດ້ານ​ອາວຸດ.