ຜູ້ນຳເກີດິດສະຖານລາອອກຈາກຕຳແໜ່ງ


Warning: array_merge(): Argument #1 is not an array in /home/laophatt/public_html/wp-content/plugins/premium-seo-pack/modules/sitemap/video_info.php on line 525
- advert banner 728 90 728x90 - ຜູ້ນຳເກີດິດສະຖານລາອອກຈາກຕຳແໜ່ງ

ປະທານາທິບໍດີ​ເກີ​ດິດສະຖານລາ​ອອກ​ຈາກ​ຕຳ​ແໜ່​ງ ທ່າມກາງ​ບັນຍາກາດ​ເຄັ່ງ​ຕຶງ​ທາງ​ການ​ເມືອງ​ກັບ​ລັດຖະບານ​ແບ​ກ​ແດດ ນັບ​ແຕ່​ຊາວ​ເຄີ​ດລົງ​ປະຊາ​ມະຕິ​ຮຽກຮ້ອງ​ເອກະລາດ​ຈາກ​ອີຣັກ ​ໃນ​ເດືອນ​ກັນຍາ​ຜ່ານ​ມາ.

- lattana 1 - ຜູ້ນຳເກີດິດສະຖານລາອອກຈາກຕຳແໜ່ງ

- 3wmwh9uw - ຜູ້ນຳເກີດິດສະຖານລາອອກຈາກຕຳແໜ່ງ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ເມືອງ​ເອີ​ບິ​ລ ປະ​ເທດ​ອີຣັກ ​ໃນ​ວັນ​ທີ 30 ຕຸລາ​ວ່າ: ທ່ານ ມາສຊູດ ບາ​ຊາ​ນີ ຖະ​ແຫລ​ງຕໍ່​ກອງ​ປະຊຸມ​ສະພາ​ແຫ່ງ​ເກີ​ດິດສະຖານ ​ຢູ່​ເມືອງ​ເອີ​ບິ​ລ ​ເຊິ່ງ​ເປັນ​ເມືອງ​ເອກ ​ໃນ​ວັນ​ທີ 29 ຕຸລາ​ວ່າ: ວັນ​ທີ 1 ພະຈິກ​ນີ້​ຈະ​ຖື​ເປັນ​ວັນ​ປະຕິບັດ​ໜ້າ​ທີ່​ເປັນ​ວັນ​ສຸດ​ທ້າຍ​ໃນ​ຖານະ​ຜູ້ນຳ​ເກີ​ດິດສະຖານ ​ແລະ ຢືນຢັນ​ຈະ​ບໍ່​ມີ​ການ​ຕໍ່​ວາລະ​ອີກ​ ບໍ່​ວ່າ​ພາຍ​ໃຕ້​ເງື່ອນ​ໄຂ​ໃດ​ກໍ​ຕາມ.

ທັງ​ນີ້, ການ​ປະກາດ​ຢຸດ​ບົດບາດ​ທາງ​ການ​ເມືອງ​​ໃນ​ຖານະ​ຜູ້ນຳ​ເກີ​ດິດສະຖານ​ຂອງ​ທ່ານ ບາ​ຊາ​ນີ ອາຍຸ 71 ປີ ​ເຊິ່ງຢູ່​ໃນ​ຕຳ​ແໜ່​ງມາ​ແຕ່​ປີ 2005 ​ແລະ ​ເປັນ​ສະມາຊິກ​ອາວຸ​ໂສ​ຂອງ​ກອງ​ກຳລັງ​ນັກຮົບ​ຊາວ​ເຄີ​ດ.

ຂະນະ​ທີ່​ສະຖານະ​ການ​ຫລ້າ​ສຸດ​ຂອງ​ການ​ຜະ​ເຊ​ີນທາງ​ທະຫານ​ລະຫວ່າງ​ກອງທັບ​ອີຣັກກັບ​ກອງ​ກຳລັງ​ເພ​ເມີ​ການັ້ນ ນັກຮົບ​ຊາວ​ເຄີ​ດຍອມ​ວາງ​ອາວຸດ​ຕໍ່​ກອງທັບ​ອີຣັກ ຢູ່​ເມືອງ​ປຣີຄາ​ບູ ​ເຊິ່ງ​ເປັນ​ແຫ​ລ່ງນ້ຳມັນ​ສຳຄັນ​ອີກ​ແຫ່ງ​ໜຶ່ງ​ຂອງ​ເກີ​ດິດສະຖານ ຕັ້ງຢູ່​ທາງ​ເໜືອ​ສຸດ ​ແລະ ຕິດ​ກັບ​ຊາຍ​ແດນ​ຂອງ​ຕວກກີ ​ເພື່ອ​ເປີດ​ທາງ​ໃຫ້​ມີ​ການຈັດ​ວາງ​ກຳລັງ​ຂອງ​ເຈົ້າໜ້າ​ທີ່​ຈາ​ກສູນ​ກາງ. ສ່ວນ​ນາຍົກລັດຖະມົນຕີ ​ໄຮ​ເດີ ອັດ ອາ​ບາ​ດີ ຜູ້ນຳ​ອີຣັກ ຢືນຢັນ​ວ່າ​ລັດຖະບານ​ເກີ​ດິດສະຖານ​ຕ້ອງ​ຍົກ​ເລີກ​ບໍ່​ແມ່ນ​​ໂຈະ​ການ​ປະກາດ​ເອກະລາດ.