ມຽນມາອະນຸຍາດ ສປຊ ສົ່ງອາຫານ ໃຫ້ຊາວລັດຍະໄຂ່ອີກເທື່ອໜຶ່ງ

- advert banner 728 90 728x90 - ມຽນມາອະນຸຍາດ ສປຊ ສົ່ງອາຫານ ໃຫ້ຊາວລັດຍະໄຂ່ອີກເທື່ອໜຶ່ງ

ໜ່ວຍ​ງານ​ດ້ານ​ອາຫານ​ຂອງ​ສະຫະ​ປະຊາ​ຊາດ​ໄດ້​ຮັບ​ອະນຸຍາດ​ຈາກ​ລັດຖະບານ​ມຽນມາ ​ໃຫ້​ສົ່ງ​ມອບ​ການ​ຊ່ວຍ​ເຫລືອ​ເຂົ້າສູ່​ລັດ​ຍະ​ໄຂ່​ອີກ​ເທື່ອ​ໜຶ່ງ, ຫລັງ​ຈຳ​ເປັນ​ຕ້ອງ​ຢຸດ​ໄປ​ກວ່າ 2 ​ເດືອນ ດ້ວຍ​ເຫດຜົນ​ດ້ານ​ຄວາມໝັ້ນຄົງ​ໃນ​ພື້ນທີ່.

- lattana 1 - ມຽນມາອະນຸຍາດ ສປຊ ສົ່ງອາຫານ ໃຫ້ຊາວລັດຍະໄຂ່ອີກເທື່ອໜຶ່ງ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ເມືອງ​ຢາງ​ກຸ້ງ ປະ​ເທດ​ມຽນມາ ​ໃນ​ວັນ​ທີ 30 ຕຸລາ​ວ່າ: ​ໂຄງການ​ອາຫານ​ໂລກ (WFP) ອອກ​ຖະ​ແຫລ​ງການ​ໃນ​ທ້າຍ​ອາທິດ​ຜ່ານ​ມາ​ວ່າ: ​ໄດ້​ຮັບ​ອະນຸຍາດ​ຈາກ​ລັດຖະບານ​ມຽນມາ ​ໃຫ້​ສາມາດ​ກັບ​ເຂົ້າ​ໄປ​ປະຕິບັດ​ພາລະກິດ​ດ້ານ​ມະນຸ​ດສະ​ທຳ​ຢູ່​ລັດ​ຍະ​ໄຂ່​ໄດ້​ອີກ​ເທື່ອ​ໜຶ່ງ. ​ເຖິງ​ຢ່າງ​ໃດ​ກໍ​ຕາມ, WFP ຍອມຮັບ​ວ່າ: ຍັງ​ຕ້ອງ​ມີ​ການ​ຫາລື​ຢ່າງ​ລະອຽດ​ກັບ​ເຈົ້າໜ້າ​ທີ່​ຂອງ​ມຽນມາ ກ່ຽວ​ກັບ​ຂອບ​ໄລຍະ​ເວລາ​ຂອງ​ການ​ປະຕິບັດ​ງານ, ພື້ນທີ່​ໃນ​ການ​ປະຕິ​ບັດ​ງານ ​ແລະ ປະ​ເພດ​ຂອງ​ອາຫານ​ທີ່​ຈະ​ມີ​ການ​ແຈກ​ຢາຍ​ໃຫ້​ແກ່​ພົນລະ​ເຮືອນຊາວ​ພຸດ ​ແລະ ຊາວ​ມຸດ​ສະ​ລິ​ມຢູ່​ລັດ​ຍະ​ໄຂ່.

- bangladesh myanmar atkandjpg - ມຽນມາອະນຸຍາດ ສປຊ ສົ່ງອາຫານ ໃຫ້ຊາວລັດຍະໄຂ່ອີກເທື່ອໜຶ່ງ

ທັງ​ນີ້, WFP ອົບ​ພະຍົບ​ເຈົ້າໜ້າ​ທີ່​ອອກ​ຈາກ​ມຽນມາ​ໃນ​ທ້າຍ​ເດືອນ​ສິງຫາ​ຜ່ານ​ມາ ຫລື ພຽງ​ບໍ່​ເທົ່າ​ໃດ​ວັນ​ຫລັງ​ເກີດ​ເຫດການ​ສູ້​ຮົບ​ຄັ້ງ​ໃໝ່​ລະຫວ່າງ​ກອງທັບ​ມຽນມາ ກັບ​ກອງທັບ​ກອບ​ກູ້​ໂຣຮິນ​ຈາ​ແຫ່ງ​ອາຣະກັນ (ອາຊາ) ​ເຊິ່ງມາ​ຮອດ​ປັດຈຸບັນ​ມີ​ລາຍ​ງານ​ຜູ້​ເສຍ​ຊີວິດ​ຫລາຍ​ກວ່າ 500 ຄົນ ສ່ວນ​ຫລາຍ​ເປັນ​ສະມາຊິກ​ຂອງ​ອາຊາ, ຂະນະ​ທີ່​ຊາວ​ໂຣຮິນ​ຈາ​ຫລາຍ​ກວ່າ 600.000 ຄົນ ຫລັ່ງ​ໄຫລ​ລີ້​ໄພ​ໄປ​ບັງ​ກະລາ​ເທດ.