ປະທານເຈົ້າໜ້າທີ່ບໍລິຫານ ແອັບເປີ້ນ-ເຟສບຸກພົບຜູ້ນຳຈີນ

- advert banner 728 90 728x90 - ປະທານເຈົ້າໜ້າທີ່ບໍລິຫານ ແອັບເປີ້ນ-ເຟສບຸກພົບຜູ້ນຳຈີນ

ສື່​ທາງ​ການ​ຈີນ​ລາຍ​ງານ​ວ່າ: ປະທານ​ເຈົ້າໜ້າ​ທີ່​ບໍລິຫານ (CEO) ຂອງ​ບໍລິສັດ​ໄຮ​ເທັກ​ລະດັບ​ໂລກ ທ່ານ ທິມ ຄຸກ ຈາກ​ແອັບ​ເປີ້ນ ​ແລະ ທ່ານ ມາຣກ ຊັດ​ເຄີ​ເບິ​ກ ຈາກ​ເຟສບຸກ ພົບ​ປະທານປະ​ເທດ​ ສີ​ຈິ້ນຜິ​ງ ຂອງ​ຈີນ.

- lattana 1 - ປະທານເຈົ້າໜ້າທີ່ບໍລິຫານ ແອັບເປີ້ນ-ເຟສບຸກພົບຜູ້ນຳຈີນ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ປັກ​ກິ່ງ ປະ​ເທດ​ຈີນ ​ໃນ​ວັນ​ທີ 31 ຕຸລາ​ວ່າ: ປະທານ​ປະ​ເທດ ສີ​ຈິ້ນຜິ​ງ ​ເປັນ​ເຈົ້າພາບ​ຈັດ​ກອງ​ປະຊຸມ​ຮ່ວມ​ກັບ​ຜູ້​ບໍລິຫານ​ລະດັບ​ສູງ​ຂອງ​ບໍລິສັດ​ດ້ານ​ເຕັກ​ໂນ​ໂລ​ຊີ​ລະດັບ​ໂລກ​ຫລາຍ​ແຫ່ງ​ຈາກ​ອາ​ເມ​ລິ​ກາ ຢູ່​ມະຫາວິທະຍາ​ໄລ​ຊິງ​ຫວາ ນະຄອນ​ຊຽງ​ໄຮ້ ​ໃນ​ວັນ​ທີ 30 ຕຸລາ ​ໂດຍ​ຜູ້​ບໍລິຫານ​ທີ່​ໄດ້​ຮັບ​ເຊີນ​ໃຫ້​ເຂົ້າຮ່ວມ​ຫາລື​ໃນ​ຄັ້ງນີ້ ລວມທັງ​ປະທານ​ຄະນະ​ເຈົ້າໜ້າ​ທີ່​ບໍລິຫານຂອງ​ແອັບ​ເປ​ີ້ນ ​ແລະ​ ​ເຟສບຸກ.

ທັງ​ນີ້, ຜູ້ນຳ​ຈີນ​ກ່າວ​ໃນ​ກອງ​ປະຊຸມ​ວ່າ: ຈີນ​ກ້າວ​ຂຶ້ນມາ​ມີ​ບົດບາດ​ໃນ​ລະບົບ​​ເສດຖະກິດ​ຍຸກ​ໂລກາ​ພິວັດ ​ເຊິ່ງການ​ພັດທະນາ​ທີ່​ເກີດ​ຂຶ້ນຈະ​ສ້າງ​ໂອກາດ​ໃຫ້​ທຸກ​ຝ່າຍ ທັງ​ພາຍ​ໃນ ​ແລະ ພາຍ​ນອກ ​ໂດຍ​ສະ​ເພາະ​ອາ​ເມ​ລິ​ກາ ທີ່​ຈີນ​ຕ້ອງການ​ພັດທະນາ​ການ​ພົວພັນ​ໃນ​ຫລາຍ​ມິ​ຕິ ​ເຊິ່ງລວມທັງ​ດ້ານ​ເຕັກ​ໂນ​ໂລ​ຊີ. ​ເຖິງ​ຢ່າງ​ໃດ​ກໍ​ຕາມ, ຕະຫລອດ​ໄລຍະ​ເວລາ 5 ປີຜ່ານມາ, ລັດຖະບານ​ປັກ​ກິ່ງ​ເພີ່ມ​ຄວາມ​ເຂັ້ມງວດ​ຕໍ່​ໂຄງ​ສ້າງ​ການ​ບໍລິຫານ​ຂອງ​ລັດ​ວິ​ສາ​ຫະກິດ​ດ້ານ​ເຕັກ​ໂນ​ໂລ​ຊີ​ຫລາຍ​ຂຶ້ນ ​ແລະ ມີ​ການ​ຂໍ​ຮ້ອງ​ບໍລິສັດ​ຕ່າງປະ​ເທດ​ຫລາຍ​ແຫ່ງ​ໃຫ້​ມີ​ຕຳ​ແໜ່​ງສຳລັບ​ເຄືອ​ຂ່າຍ​ຂອງ​ພັກ​ກອມ​ມູນິດ​ຢູ່​ໃນ​ຄະນະ​ບໍລິຫານ.

ຂະນະ​ດຽວ​ກັນ, ມີ​ລາຍ​ງານ​ວ່າ: ທ່ານ ຊັດ​ເຄີ​ເບີກ ຂໍ​ໃຫ້​ຜູ້ນຳ​ຈີນ​ຫລຸ​ດຜ່ອນ​ມາດ​ຕະການ​ເຂັ້ມງວດ​ທີ່​ມີ​ຕໍ່​ເຟສບຸກ, ​ແຕ່​ຍັງ​ບໍ່​ຈະ​ແຈ້ງວ່າ: ຂໍ້​ຮຽກຮ້ອງ​ດັ່ງກ່າວ​ຈະ​ໄດ້​ຮັບ​ການ​ຕອບ​ສະໜອງ​ແບບ​ໃດ.