ເລຂາທິການນາໂຕເລັ່ງໃຫ້ຂວ້ຳບາດ ສປປ ເກົາຫລີ ເຕັມຮູບແບບ

- advert banner 728 90 728x90 - ເລຂາທິການນາໂຕເລັ່ງໃຫ້ຂວ້ຳບາດ ສປປ ເກົາຫລີ ເຕັມຮູບແບບ

ທ່ານ ​ເຢນ ສ​ໂຕ​ລ​ເທ​ນ​ເບິ​ກ ​ເລຂາທິການ​ອົງການ​ນາ​ໂຕ ກ່າວ​ຮຽກຮ້ອງ​ໃຫ້​ປະ​ເທດ​ສະມາຊິກ​ສະຫະ​ປະຊາ​ຊາດ​ບັງຄັບ​ໃຊ້​ມາດ​ຕະການ​ຂວ້ຳບາດ​ຢ່າງ​ເຕັມ​ຮູບ​ແບບ​ຕໍ່ ສປປ ​ເກົາຫລີ ​ເຊິ່ງທ່ານ​ຖື​ວ່າ​ເປັນ​ໄພ​ຄຸກ​ຄາມ​ທົ່ວ​ໂລກ​ຈາກ​ການ​ທົດ​ລອງ​ຍິງ​ລູກ​ສອນ​ໄຟ​​ໄກ​ເຖິງ​ເອີຣົບ ​ແລະ ອາ​ເມ​ລິ​ກາ​ເໜືອ.

- lattana 1 - ເລຂາທິການນາໂຕເລັ່ງໃຫ້ຂວ້ຳບາດ ສປປ ເກົາຫລີ ເຕັມຮູບແບບ

​ ​ເລຂາທິການ​ອົງການ​ສົນທິສັນຍາ​ປ້ອງ​ກັນ​ອັດ​ລັງ​ຕິກ​ເໜືອ (ນາ​ໂຕ) ກ່າວ​ໃນ​ການ​ຖະ​ແຫລ​ງຂ່າວ​ຢູ່​ນະຄອນຫລວງ​ໂຕ​ກຽວ ​ແລະ ພົບ​ປະ​ກັບ​ນາຍົກລັດຖະມົນຕີ ຊິນ​ໂຊ ອາ​ເບະ ຂອງ​ຍີ່ປຸ່ນ​ວ່າ: ກໍລະນີ​ທີ່ ສປປ ​ເກົາຫລີ ທົດ​ລອງ​ລູກ​ສອນ​ໄຟ ​ແລະ ນິວ​ເຄຼຍ ຖື​ວ່າ​ຂັດ​ກັບ​ມະຕິ​ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ, ​ເປັນ​ໄພ​ຄຸກ​ຄາມ​ໂລກ ​ແລະ ຕ້ອງ​ມີ​ມາດ​ຕະການ​ຕອບ​ໂຕ້. ທ່ານ ສ​ໂຕ​ລ​ເທ​ນ​ເບິ​ກ ​ເດີນທາງ​ຢ້ຽມຢາມ​ນະຄອນຫລວງ​ໂຕ​ກຽວ​ກ່ອນ​ໜ້າ​ປະທານາທິບໍດີ ​ໂດ​ນັນ ທຣຳ ຜູ້ນຳ​ອາ​ເມ​ລິ​ກາ​ຈະ​ມາ​ຢ້ຽມຢາມ​ອາຊີ​ເທື່ອ​ທຳ​ອິດ​ຢ່າງ​ເປັນ​ທາງ​ການ ​ໂດຍ​​ເລີ່​ມຈາກ​ຍີ່ປຸ່ນ​ວັນ​ທີ 5 ພະຈິກ​ນີ້, ຄາດ​ວ່າ​ບັນຫາ ສປປ ​ເກົາຫລີ ຈະ​ເປັນ​ຫົວ​ຂໍ້​ສຳຄັນ​ໃນ​ການ​ຫາລື​ລະຫວ່າງ​ພາລະກິດ​ຢ້ຽມຢາມ​ອາຊີ ​ເຊິ່ງລວມທັງ​ການ​ຢ້ຽມຢາມ​ຈີນ ຄາດ​ວ່າ​ຜູ້ນຳ​ອາ​ເມ​ລິ​ກາ​ຈະ​ເລັ່ງ​ໃຫ້​ຄະນະ​ຜູ້ນຳ​ຈີນ​ກົດ​ດັນ ສປປ ​ເກົາຫລີ ​ເພີ່ມ​ຂຶ້ນ ​ເພາະ​ເປັນ​ປະ​ເທດ​ພັນທະ​ມິດ​ລາຍ​ໃຫຍ່ ​ແລະ ຄູ່​ຄ້າ​ສຳຄັນ​ຂອງ ສປປ ​ເກົາຫລີ. ຂະນະ​ທີ່​ນາຍົກລັດຖະມົນຕີ ອາ​ເບະ ກ່າວ​ໃນ​ການ​ຖະ​ແຫລ​ງຂ່າວ​ຮ່ວມ​ກັນ​ວ່າ: ນອກຈາກ​ການ​ເຈລະຈາ​ແລ້ວ ​ເປັນ​ເລື່ອງ​ສຳຄັນ​ທີ່​ຈະ​ຕ້ອງ​ໃຫ້ ສປປ ​ເກົາຫລີ ປ່ຽນ​ແປງ​ນະ​ໂຍບາຍ​ດ້ວຍ​ການ​ກົດ​ດັນ​ໃຫ້​ຫລາຍ​ທີ່​ສຸດ.