ປະທານສະພາແຫ່ງຊາດ​ເຄື່ອນ​ໄຫວຢ້ຽມຢາມ ແຂວງໄຊສົມບູນ

- advert banner 728 90 728x90 - ປະທານສະພາແຫ່ງຊາດ​ເຄື່ອນ​ໄຫວຢ້ຽມຢາມ ແຂວງໄຊສົມບູນ

ແຫລ່ງຂ່າວສະພາແຫ່ງຊາດລາຍງານວ່າ: ໃນວັນທີ 21 ພະຈິກນີ້, ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ ພ້ອມດ້ວຍຄະນະ, ​ໄດ້​ເດີນທາງ​ຢ້ຽມ​ຢ້າມ ​ແລະ ​ເຮັດ​ວຽກຢູ່​ແຂວງ​ໄຊ​ສົມບູນ, ​ໂດຍ​ໄດ້​ຮັບການຕ້ອນຮັບຂອງທ່ານເຈົ້າແຂວງໄຊສົມບູນ ແລະ ຄະນະນໍາແຂວງດັ່ງກ່າວດ້ວຍຄວາມອົບອຸ່ນ ແລະ ໄດ້ຮັບຟັງລາຍງານວ່າ: ແຂວງໄຊສົມບູນແມ່ນມີຄວາມສະຫງົບ, ປະຊາຊົນມີຄວາມອຸ່ນອ່ຽນທຸ່ນທ່ຽງປະກອບສ່ວນສ້າງສາພັດທະນາເສດຖະກິດ-ສັງຄົມ ແລະ ອື່ນໆ. ແຕ່ຍັງມີຄວາມຫຍຸ້ງຍາກທາງດ້ານພື້ນຖານ ໂຄງລ່າງ ເປັນຕົ້ນ: ແມ່ນອາຄານສະຖານທີ່ເຮັດວຽກ ແລະ ພາຫະນະຮັບໃຊ້ສໍາລັບພະນັກງານລັດຖະກອນພະແນກການຕ່າງໆອ້ອມຂ້າງແຂວງບໍ່ພຽງພໍ, ເສັ້ນທາງຄົມມະນາຄົມລະຫວ່າງແຂວງຫາເມືອງ, ເມືອງຫາບ້ານ ແລະ ລະຫວ່າງບ້ານຕໍ່ບ້ານຍັງຫຍຸ້ງຍາກ ແລະ ບັນຫາພື້ນຖານອື່ນໆ ແລະ ໄດ້ຮັບຟັງລາຍງານການກະກຽມຄວາມພ້ອມໃຫ້ແກ່ການເປີດກອງປະຊຸມສະໄໝສາມັນເທື່ອທີ 4 ຂອງສະພາປະຊາຊົນແຂວງໄຊສົມບູນ ຊຸດທີ I ຈາກປະທານສະພາປະຊາຊົນແຂວງໄຊສົມບູນ.

- lattana 1 - ປະທານສະພາແຫ່ງຊາດ​ເຄື່ອນ​ໄຫວຢ້ຽມຢາມ ແຂວງໄຊສົມບູນ

​ໂອກ​າດດັ່ງກ່າວ, ທ່ານນາງ ປານີ ຢາທໍ່ຕູ້ ໄດ້ມີຄໍາເຫັນໂອ້ລົມຄະນະນໍາ,  ພະນັກງານຫລັກແຫລ່ງ ແລະ ປະຊາຊົນ ​ໂດຍທ່ານໄດ້ເນັ້ນໃຫ້ທຸກພາກສ່ວນສືບຕໍ່ຍົກສູງວຽກງານປ້ອງກັນຊາດ-ປ້ອງກັນຄວາມສະຫງົບ, ໃຫ້ປະຊາຊົນແຕ່ລະບ້ານມີການຮ່ວມມືກັບອໍານາດການປົກຄອງທຸກຂັ້ນ, ໃຫ້ທຸກຄອບຄົວເປັນຫົວໜ່ວຍປ້ອງກັນຄວາມສະຫງົບ, ດ້ານການພັດທະນາເສດຖະກິດ-ສັງຄົມໃຫ້ແຕ່ລະພະແນກການສ້າງແຜນການຢ່າງມີຈຸດສຸມ, ມີການປະສານສົມທົບກັນໃຫ້ສອດຄ່ອງກັບແຜນການລວມຂອງແຂວງ ແລະ ຜ່ານການຮັບຮອງຂອງສະພາປະຊາຊົນແຂວງຕາມທິດຊີ້ນໍາ ກໍຄືມະຕິຂອງອົງຄະນະພັກແຂວງ-ອົງຄະນະພັກເມືອງ, ຂົງເຂດປົກປ້ອງກົດໝາຍ, ອົງການໄອຍະການປະຊາຊົນ, ສານປະຊາຊົນ, ອົງການສືບສວນສອບສວນ, ພະແນກຍຸຕິທໍາຕ້ອງມີການປະຊຸມປຶກສາຫາລືກັນຢ່າງຕໍ່ເນື່ອງ, ສ້າງກົນໄກປະສານສົມທົບ ເພື່ອແກ້ໄຂຂໍ້ຂັດແຍ່ງຂອງປະຊາຊົນຢູ່ແຕ່ຂັ້ນ, ວຽກງານສົ່ງເສີມການລົງທຶນ, ແຕ່ລະຂະແໜງການຕ້ອງມີໜ່ວຍງານສົ່ງເສີມການລົງທຶນອີງໃສ່ກົດໝາຍເພື່ອດຶງດູດການລົງທຶນຈາກພາຍ​ໃນ ແລະ ຕ່າງປະເທດ. ພ້ອມ​ນັ້ນ, ທ່ານນາງ ປານີ ຢາທໍ່ຕູ້ ຍັງໄດ້ຮຽກຮ້ອງໃຫ້ປະຊາຊົນບັນດາເຜົ່າເພີ່ມທະວີຍົກສູງຄວາມສາມັກຄີບັນດາເຜົ່າໃຫ້ໜັກແໜ້ນ, ເລີ່ມຈາກຄອບຄົວໃຫ້ມີການຖອດຖອນບົດຮຽນເຊິ່ງກັນ ແລະ ກັນໃນການທໍາມາຫາກິນ, ການຜະລິດ ແລະ ການດໍາລົງຊີວິດ, ຢຸດຕິການຫລົງຜິດ ແລະ ແນວຄິດປໍລະປັກຕໍ່ລະບອບປະຊາທິປະໄຕປະຊາຊົນ, ສະກັດກັ້ນການລະບາດຂອງຢາເສບຕິດ, ບັນຫາສາດສະໜາທີ່ງົມງວາຍ ແລະ ລະເມີດລະບຽບກົດໝາຍ, ພ້ອມກັນດໍາລົງຊີວິດຢ່າງປອດໃສ ເພື່ອພ້ອມກັນພັດທະນາປະເທດຊາດໃຫ້ກ້າວຂຶ້ນຢ່າງບໍ່ຢຸດຢັ້ງ.

​  ໃນວັນດຽວກັນ, ທ່ານປະທານສະພາແຫ່ງຊາດຍັງໄດ້ໄປຢ້ຽມຢາມໂຄງ ການກໍ່ສ້າງເຂື່ອນໄຟຟ້ານໍ້າງຽບ 1 ເມືອງບໍລິຄັນແຂວງບໍລິຄໍາໄຊ ເພື່ອເບິ່ງຄວາມຄືບໜ້າຂອງການກໍ່ສ້າງເຂື່ອນ ແລະ ການຍົກຍ້າຍປະຊາຊົນທີ່ໄດ້ຮັບ ຜົນກະທົບຈາກການສ້າງເຂື່ອນດັ່ງກ່າວ.