ທ່ານ ດູເຕີເຕ ລົ້ມໂຕະເຈລະຈາ ສັນຕິພາບກັບກະບົດເໝົາ

- advert banner 728 90 728x90 - ທ່ານ ດູເຕີເຕ ລົ້ມໂຕະເຈລະຈາ ສັນຕິພາບກັບກະບົດເໝົາ

ປະທານາທິບໍດີ​ຟີ​ລິບ​ປິນປະກາດ​ຍົກ​ເລີກ​ການ​ເຈລະຈາ​ສັນຕິພາບ​ກັບ​ກອງ​ກຳລັງ​ພັກ​ກອມ​ມູນິດ “ຢ່າງ​ເດັດຂາດ” ຍິ່ງ​ເຮັດ​ໃຫ້​ຄວາມ​ຫວັງ​ຂອງ​ການ​ສ້າງສັນ​ຕິ​ພາບ​ຈືດຈາງ.

- lattana 1 - ທ່ານ ດູເຕີເຕ ລົ້ມໂຕະເຈລະຈາ ສັນຕິພາບກັບກະບົດເໝົາ

- duterte 1120 620x413 - ທ່ານ ດູເຕີເຕ ລົ້ມໂຕະເຈລະຈາ ສັນຕິພາບກັບກະບົດເໝົາ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ມະນິລາ ປະ​ເທດ​ຟີ​ລິບ​ປິນ ​ໃນ​ວັນ​ທີ 23 ພະຈິກວ່າ: ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ຖະ​ແຫລ​ງ​ໃນ​ວັນ​ທີ 21 ພະຈິກ​ວ່າ: ການ​ເຈລະຈາ​ສັນຕິພາບ​ກັບ​ກອງທັບ​ປະຊາຊົນ​ໃໝ່ (NPA) ​ເຊິ່ງ​ເປັນ​ກອງ​ກຳລັງ​ຂອງ​ພັກ​ກອມ​ມູນິດ (CPP) “ຈະ​ບໍ່​ເກີດ​ຂຶ້ນອີກ​ຕໍ່​ໄປ” ​ໂດຍ​ກ່ອນ​ໜ້າ​ນີ້ ຜູ້ນຳ​ຟີ​ລິບ​ປິນ​ເປັນ​ຝ່າຍ​ຍົກ​ເລີກ​ການ​ເຈລະຈາ​ສັນຕິພາບ​ກັ​ບ​ແນວ​ຮ່ວມ​ປະຊາທິປະ​ໄຕ​ແຫ່ງ​ຊາດ (NDFP) ​ເຊິ່ງ​ເປັນ​ຝ່າຍ​ການ​ເມືອງ​ຂອງ CPP ທີ່​ຕາມ​ກຳນົດ​ຕ້ອງ​ມີ​ຂຶ້ນ​ໃນ​ເດືອນ​ພຶດສະພາ​ຜ່ານ​ມາ.

ຄຳ​ຖະ​ແຫລ​ງດັ່ງກ່າວ​ຂອງ​ທ່ານ ດູ​ເຕີ​ເຕ ຍິ່ງ​ເປັນ​ການ​ບົ່ງ​ບອກ​ເຖິງ​ລະດັບ​ຄວາມ​ເຄັ່ງ​ຕຶງ​ຂອງ​ການ​ພົວພັນ​ລະຫວ່າງ​ລັດຖະບານ​ຟີ​ລິບ​ປິນກັບ CPP ​ໂດຍ​ນອກຈາກ​ການ​ເປັນ​ຝ່າຍ​ລົ້​ມ​ໂຕະ​ເຈລະຈາ​ສັນຕິພາບ​ແລ້ວ, ຜູ້ນຳ​ລັດຖະບານ​ມະນີ​ລາ​ຍັງ​ວິຈານ​ເຫດການ​ຮຸນ​ແຮງ​ຕໍ່​ທະຫານ ​ແລະ ຕຳຫລວດ​ໃນ​ພື້ນທີ່​ຂັດ​ແຍ່ງ​ຫລາຍ​ແຫ່ງ​ທາງ​ຕອນ​ໃຕ້​ຂອງ​ປະ​ເທດ ​ເຊິ່ງ​ເກີດ​ຂຶ້ນ​ເລື້ອຍ​ໃນ​ຮອບ 3-4 ​ເດືອນ​ຜ່ານ​ມາ ວ່າ​ເປັນ​ຝີ​ມື​ຂອງ CPP ​ແລະ ​ເຕືອນ​ເລື່ອງ​ການ​ຂຶ້ນບັນຊີ​ດຳ​ອີກ​ຝ່າຍ​ໃຫ້​ເປັນ “ກຸ່ມ​ກໍ່​ການ​ຮ້າຍ”, ພ້ອມ​ທັງ​ການ​ອອກ​ໝາຍ​ຈັບ​ແກນ​ນຳ​ຂອງ CPP ຫລາຍ​ສິບ​ຄົນ ​ເຊິ່ງ​ໄດ້​ຮັບ​ການ​ນິລະ​ໂທດ​ສະ​ກຳ​ໃນ​ປີຜ່ານມາ.

- Philippines Communist ndfp duterte - ທ່ານ ດູເຕີເຕ ລົ້ມໂຕະເຈລະຈາ ສັນຕິພາບກັບກະບົດເໝົາ

ຂະນະ​ທີ່​ທ່ານ ​ເຮ​ຊຸ​ສ ດູ​ເຣຊາ ຫົວໜ້າ​ຄະນະ​ເຈລະຈາ​ສັນຕິພາບ​ຂອງ​ລັດຖະບາ​ນຟີ​ລິບ​ປິນ ກ່າວ​ວ່າ: ການ​ຕັດສິນ​ໃຈຄັ້ງຫລ້າ​ສຸດ​ຂອງ​ທ່ານ ດູ​ເຕີ​ເຕ ກ່ຽວ​ກັບ​ເລື່ອງ​ນີ້ “​ເປັນຄວາມ​ຈິງ” ​ໂດຍ​ໄດ້​ມີ​ການ​ແຈ້ງ​ໃຫ້​ລັດຖະບານ​ນອກ​ແວ​ຮັບ​ຮູ້​ແລ້ວ ​ແລະ ທິດ​ທາງ​ຂອງ​ສະຖານະ​ການ​ຕໍ່​ຈາກ​ນີ້ “ຍັງ​ບໍ່​​ແນ່ນອນ”, ສ່ວນ CPP ຍັງ​ຮັກສາ​ທ່າ​ທີ​ຕໍ່​ການ​ຕັດສິນ​ໃຈ​ຂອງ​ຜູ້ນຳ​ຟີ​ລິບ​ປິນ​ໃນ​ຄັ້ງນີ້.