5 ອັນດັບເສື້ອແມນເຊັດສເຕີ ຢູໄນເຕັດ ງາມທີ່ສຸດຕະຫລອດການ

- advert banner 728 90 728x90 - 5 ອັນດັບເສື້ອແມນເຊັດສເຕີ ຢູໄນເຕັດ ງາມທີ່ສຸດຕະຫລອດການ

5 ຊຸດ​ແຂ່ງຂັນ​ຂອງທີ​ມ ​ແມນ​ເຊັດສ​ເຕີ ຢູ​ໄນ​ເຕັດ ທີ່​ງາມ​ຕະຫລອດ​ການ ກ່ອນ​ອາດ​ຈະ​ໄດ້​ເຫັນ​ເສື້ອທີ​ມຢາມ​ເປັນ​ສີ​ບົວ​ຄັ້ງທຳ​ອິດ​ໃນ​ລະດູ​ການ​ໜ້າ.

- lattana 1 - 5 ອັນດັບເສື້ອແມນເຊັດສເຕີ ຢູໄນເຕັດ ງາມທີ່ສຸດຕະຫລອດການ

​ແມນ​ເຊັດສ​ເຕີ ຢູ​ໄນ​ເຕັດ ຕົກ​ເປັນ​ຂ່າວ​ວ່າ: ຈະ​ໃຊ້​ຊຸດ​ແຂ່ງ​ທີ​ມຢາມ​ໃນ​ລະດູ​ການ 2018/19 ​ເປັນ​ສີ​ບົວ​ຄັ້ງທຳ​ອິດ​ໃນ​ປະຫວັດສາດ ​ເຮັດ​ໃຫ້​ແຟນບານ​ພາກັນ​ສົງ​ໄສ​ວ່າ: ອາ​ດິດາ​ສ ຈະ​ອອກ​ແບບ​ມາ​ໃນ​ລວດລາຍ​ໃດ.

​ແມນ​ເຊັດ​ສເຕີ ຢູ​ໄນ​ເຕັດ ມີ​ເສື້ອທີ່​ງາມ​ອອກ​ມາ​ຫລາຍ​ແບບ ​ແລະ ນີ້​ຄື 5 ​ຊຸດ​ແຂ່ງຂັນ​ທີ່​ໄດ້​ຮັບ​ການ​ຍົກຍ້ອງ​ວ່າ​ງາມ ​ແລະ ມີ​ເອກະລັກ​ສະ​ເພາະ​ຕະຫລອດ​ມາ

  1. ຊຸດ​ເຈົ້າຖິ່ນຍຸກ 60.

- 1037354 - 5 ອັນດັບເສື້ອແມນເຊັດສເຕີ ຢູໄນເຕັດ ງາມທີ່ສຸດຕະຫລອດການ

​ແມນ​ເຊັດສ​ເຕີ ຢູ​ໄນ​ເຕັດ ​ໃຊ້​ສີ​ແດງ​ໝົດ​ຜືນ ນັບ​ແຕ່​ປີ 1935 ​ແຕ່​ທີ່​ໄດ້​ຮັບ​ຄວາມ​ນິຍົມ​ທີ່​ສຸດ​ຄື​ເສື້ອທີ່ ຈອຣ໌ ​ເບ​ສ ​ແລະ ​ເຊີຣ໌ ບ໊ອບບີ້ ຊາຣ໌ຕັນ ​ໃສ່​ໃນ​ຍຸກ 60 ທີ່​ທີ​ມ​ໄດ້​ແຊ້ມລີກ 2 ສະ​ໄໝ ​ແລະ ຢູ​ໂຣປ້ຽນ ຄລັບ 1968.

  1. ຊຸດ​ເຈົ້າຖິ່ນ 1992-94.

- 29319841 - 5 ອັນດັບເສື້ອແມນເຊັດສເຕີ ຢູໄນເຕັດ ງາມທີ່ສຸດຕະຫລອດການ

ຊຸດ​ເຈົ້າຖິ່ນ​ສີ​ແດງ​ທີ່ ​ແມນ​ເຊັດສ​ເຕີ ຢູ​ໄນ​ເຕັດ ​ໃສ່​ຄວ້າ​ແຊ້ມ ພຣີ​ເມຍ​ລີກ ຄັ້ງທຳ​ອິດ ​ໂດຍ​ມີ​ການ​ອອກ​ແບບ​ໂດດ​ເດັ່ນ​ທີ່​ມີ​ເຊືອກຮ້ອຍ​ຄໍ ​ແລະ ​ເປັນ​ຈຸດ​ເລີ່​ມຕົ້ນຍຸກ​ຄວາມ​ຍິ່ງ​ໃຫຍ່​ຂອງ​ທີ​ມ ພາຍ​ໃຕ້​ການ​ຄຸມ​ທີ​ມຂອງ ​ເຊີຣ໌ ອາ​ເລັກ ​ເຟີຣ໌ກູ​ສັນ.

  1. ຊຸດ​ຢາມ 1993-95.

- 829823714 - 5 ອັນດັບເສື້ອແມນເຊັດສເຕີ ຢູໄນເຕັດ ງາມທີ່ສຸດຕະຫລອດການ

​ແມນ​ເຊັດສ​ເຕີ ຢູ​ໄນ​ເຕັດ ບໍ່​ຄ່ອຍ​ມີ​ຊຸດ​ດຳ​ລ້ວນ​ໃນ​ປະຫວັດສາດ​ຂອງ​ສ​ະ​ໂມ​ສອນ ​ແຕ່​ໃນ​ໄລຍະ​ກາງ​ຍຸກ 90 ພວກ​ເຂົາ​ໄດ້​ໃຊ້​ສີດຳ​ລ້ວນ ​ເຊິ່ງ​ເຂົ້າກັບ​ບັນ​ດາ​ນັກ​ເຕະຄື ຣອຍ ຄີ​ນ, ມາຣ໌ກ ຮິ​ວຈ໌ ​ແລະ ​ເອຣິກ ຄັນ​ໂຕ​ນາ.

  1. ເສື້ອຜູ້​ຮັກສາ​ປະຕູ 1994-96.

- 6500642981 - 5 ອັນດັບເສື້ອແມນເຊັດສເຕີ ຢູໄນເຕັດ ງາມທີ່ສຸດຕະຫລອດການ

​ແຟນບານ​ຍຸກ​ກາງ​ທົດ​ສະ​ວັດ 1990 ຍັງ​ຈື່​ກັນ​ໄດ້​ເຖິງ​ຊຸດ​ສີຂຽວ-ຟ້າ​ຂອງ ປີ​ເຕີຣ໌ ຊາ​ໄມ​ເຄິລ ຜູ້​ຮັກສາ​ປະຕູ​ຊາວ​ດານ​ມາກ ທີ່​ຊ່ວຍ​ທີ​ມ​ໄວ້​ໄດ້​ຫລາຍ.

  1. ຊຸດ​ຄວ້າ​ແຊ້ມ ຢູຟາ ​ແຊ້ມປ້ຽນ ລີກ 1998-99.

- 6125481201 - 5 ອັນດັບເສື້ອແມນເຊັດສເຕີ ຢູໄນເຕັດ ງາມທີ່ສຸດຕະຫລອດການ

ຊຸດ​ນີ້​ໃຊ້​ເສື້ອສີ​ແດງ​ທັງ​ໝົດ ​ແລະ ມີຄໍ​ສີຂາວ​ເຊັ່ນ​ດຽວ​ກັບ​ໂສ້ງ ​ໂດຍ​ເບິ່ງ​ແລ້ວ​ໃກ້​ຄຽງ​ກັບ​ທີ​ມ​ເຄີຍ​ໃຊ້​ໃນ​ຍຸກ 90.

​ແມນ​ເຊັດ​ສເຕີ ຢູ​ໄນ​ເຕັດ ​ເອົາ​ຊະນະ ບາ​ເຢິນ ມິ​ວນິກ ​ໃນ​ການ​ແຂ່ງຂັນ ຢູ​ຟາ ​ແຊ້ມປ້ຽນ ລີກ ຮອງ​ຊີງ​ຊະນະ​ເລີດ​ປີ 1999 ​ໄດ້​ຢ່າງ​ປະຕິ​ຫານ, ຫລັງ 90 ນາທີ ຕາມ ບາ​ເຢິນ ມິ​ວນິກ 0-1 ​ແຕ່​ແລ້ວ​ໃນ​ໄລຍະ​ທົດ​ເວລາ​ບາດ​ເຈັບ ​ເກີດ​ເລື່ອງ​ບໍ່​ໜ້າ​ເຊື່ອ ​ເມື່ອ ​ເທັດ​ດີ້ ​ເຊີຣິງ​ແຮມ ​ແລະ ​ໂອ​ເລ ກຸນ​ນາຣ໌ ​ໂຊ​ລຊາ ມາ​ຍິງ​ໃຫ້ ຢູ​ໄນ​ເຕັດ ​ແຊງ​ຊະນະ 2-1 ພ້ອມ​​ເຮັດ​ໃຫ້​ຊຸດ​ແຂ່ງຂັນ​ປີນັ້ນ​ໄດ້​ຮັບ​ຄວາມ​ນິຍົມ​ຢ່າງ​ຫລວງຫລາຍ.