ທີມບານເຕະຍິງ ມສ ວຽງຈັນ ຫວັງເກັບຄະແນນຈາກ ເມືອງມະນີ ອາທິດນີ້

- advert banner 728 90 728x90 - ທີມບານເຕະຍິງ ມສ ວຽງຈັນ ຫວັງເກັບຄະແນນຈາກ ເມືອງມະນີ ອາທິດນີ້

ທີມບານ​ເຕະ​ຍິງ ມສ ວຽງຈັນ ເອັຟຊີ ຝຶກຊ້ອມເພື່ອກຽມຄວາມພ້ອມລົງສະໜາມພົບກັບທີ​ມ ເມືອງມະນີ ເອັຟຊີ ໃນວັນທີ 25 ພະຈິກ 2017 ທີ່ສະໜາມກິລາສະຫະພັນບານເຕະແຫ່ງຊາດລາວ (ສຕລ) ຂອງການແຂ່ງຂັນບານ​ເຕະຍິງ ຮຸ້ນອາຍຸ 18 ປີ. ຂະນະທີ່ ຄູຝຶກຫວັງເກັບຄະແນນຈາກການລົງສະໜາມຄັ້ງນີ້.

- lattana 1 - ທີມບານເຕະຍິງ ມສ ວຽງຈັນ ຫວັງເກັບຄະແນນຈາກ ເມືອງມະນີ ອາທິດນີ້

ຕາມການໃຫ້ສໍາພາດຂອງທ່ານນາງ ສົມໄພວັນ ຄູຝຶກທີມ ມສ ວຽງຈັນ ວ່າ: ພາຍຫລັງທີ່ລົງສະໜາມແຂ່ງຂັນຄັ້ງທໍາອິດເສຍໃຫ້ ມສ ສາລະຄໍາ ແລ້ວ ພວກເຮົາໄດ້ກັບມາຝຶກຊ້ອມຢ່າງເຕັມທີ່ ເພື່ອເຮັດໃຫ້ນັກກິລາຂອງພວກເຮົາມີຄວາມພ້ອມທາງດ້ານກໍາລັງໃຫ້ຫລາຍຂຶ້ນ. ສໍາລັບການລົງສະໜາມຄັ້ງທີ 2 ຈະພົບກັບທີມເມືອງມະນີ ໃນອາທິດນີ້ ພວກເຮົາກໍຈະສູ້ເຕັມທີ່ເພື່ອຍາດເອົາຄະແນນສະສົມໃຫ້ໄດ້, ເຖິງວ່າຈາກການລົງສະໜາມຄັ້ງທໍາອິດຂອງທີມເມືອງມະນີ ຈະຫລິ້ນໄດ້ດີ ແລະ ເອົາຊະນະທີມ ມຊ ກໍຕາມ, ແຕ່ພວກເຮົາກໍຈະພະຍາຍາມຫລິ້ນໃຫ້ດີທີ່ສຸດ. ສ່ວນຮູບແບບການຫລິ້ນແມ່ນຈະເນັ້ນການຫລິ້ນຮັບ ແລະ ຕອບໂຕ້ກັບໄວ, ພ້ອມທັງເນັ້ນການຍິງປະຕູໃຫ້ແນ່ນອນ. ສໍາລັບນັກກິລາພວກເຮົາກໍຈະສົ່ງຜູ້ຫລິ້ນດີທີ່ສຸດພາຍໃນທີມເພື່ອຫວັງເກັບຄະແນນຄັ້ງນີ້ໃຫ້ໄດ້.

ສໍາລັບຕາຕະລາງການແຂ່ງຂັນມື້ດຽວກັນມີອີກ 2 ຄູ່ຄື:  ເວລາ 10:00 ໂມງ ມປ ວຽງຈັນ-ໂຮ່ຈີມິນ ພົບ ມະຫາວິທະຍາໄລ ວິທະຍາສາດສຸຂະພາບ, ເວລາ 17:00 ໂມງ ມສ ສາລະຄຳ ພົບ ມະຫາວິທະຍາໄລແຫ່ງຊາດ; ສ່ວນວັນທີ 26 ພະຈິກນີ້  ເວລາ 10:00 ໂມງ ມສ ວຽງຈັນ ພົບ ມະຫາວິທະຍາໄລແຫ່ງຊາດ, ເວລາ 15:30 ໂມງ ກົມພັດທະນາການທ່ອງທ່ຽວ ພົບ ມະຫາວິທະຍາໄລວິທະຍາສາດສຸຂະພາບ,  ເວລາ 17:00 ໂມງ  ມສ ສາລະຄຳ ພົບ ເມືອງມະນີ ເອຟຊີ.