ທ່ານ ດູເຕີເຕ ອາດໃຫ້ຕຳຫລວດ ກັບມາປາບຢາເສບຕິດອີກ

- advert banner 728 90 728x90 - ທ່ານ ດູເຕີເຕ ອາດໃຫ້ຕຳຫລວດ ກັບມາປາບຢາເສບຕິດອີກ

​ໂຄສົກ​ປະທານ​າທິບໍດີ ​ໂຣດຣິ​ໂກ ດູ​ເຕີ​ເຕ ຂອງ​ຟີ​ລິບ​ປິນ ​ເປີດ​ເຜີຍ​ວ່າ: ມີ​ຄວາມ​ເປັນ​ໄປ​ໄດ້​ສູງ​ວ່າ​ປະ​ທາ​ນາ​ທິບ​ໍດີຈະ​ຍົກ​ເລີກ​ຄຳ​ສັ່ງຢຸດ​ການ​ປະຕິບັດ​ໜ້າ​ທີ່​ຂອງ​ຕຳຫລວດ​ໃນ​ການ​ເຮັດ​ສົງຄາມ​ປາບ​ປາມ​ຢາ​ເສບ​ຕິດ, ພາຍຫລັງ​ສັ່ງ​ຢຸດ​ໃນ​ເດືອນ​ກ່ອນ.

- lattana 1 - ທ່ານ ດູເຕີເຕ ອາດໃຫ້ຕຳຫລວດ ກັບມາປາບຢາເສບຕິດອີກ

ທ່ານ ​ແຮຣີ ​ໂຣກ ​ໂຄສົກ​ປະທານາທິບໍດີ ​ເປີດ​ເຜີຍ​ລະຫວ່າງ​ຖະ​ແຫລ​ງຂ່າວ​ວ່າ: ປະທານາທິບໍດີ​ໄດ້​ສະ​ແດງ​ຄວາມ​ກັງວົນ​ໃນ​ອາທິດ​ກ່ອນ​ວ່າບັນຫາ​ຢາ​ເສບ​ຕິດ​ຈະ​ທະວີບ​ຄວາມຮຸນ​ແຮງ ​ແລະ ສິ່ງ​ທີ່​ເຮັດ​ໄປ​ອາດ​​ເສຍ​ລ້າ ຖ້າ​ກອງ​ບັນຊາ​ການ​ຕຳຫລວດ​ແຫ່ງ​ຊາດ​ຫລຸດ​ບົດບາດ​ໃນ​ເລື່ອງ​ນີ້, ທາງ​ການຈະ​ປະກາດ​ໃນ​ມໍ່ໆ​ນີ້ ​ເລື່ອງ​ນີ້​ຂຶ້ນຢູ່​ກັບ​ປະທານາທິບໍດີ ຖ້າ​ປະທານາທິບໍດີ​ຄິດ​ວ່າ​ຈຳ​ເປັນ​ຕ້ອງ​ຍົກ​ໜ້າ​ທີ່​ກັບ​ໄປ​ໃຫ້​ຕຳຫລວດ​ກໍ​ຕ້ອງ​ເປັນ​ເຊັ່ນ​ນັ້ນ ​ເພາະ​​ໄດ້​ໃຫ້​ເວລາ​ສຳນັກງານ​ປາບ​ປາມ​ຢາ​ເສບ​ຕິດ​ເຮັດ​ໜ້າ​ທີ່​ມາ​ໄລຍະ​ໜຶ່ງ​ແລ້ວ.

ປະທານາທິບໍດີ ດູ​ເຕີ​ເຕ ມີ​ຄຳ​ສັ່ງ​ໃນ​ເດືອນ​ກ່ອນ​ຢຸດ​ການ​ປະຕິບັດ​ໜ້າ​ທີ່​ຂອງ​ຕຳຫລວດ​ໃນ​ສົງຄາມ​ປາບ​ປາມ​ຢາ​ເສບ​ຕິດ ​ແລະ ​ໃຫ້​ສຳນັກງານ​ປາບ​ປາມ​ຢາ​ເສບ​ຕິດ​ທີ່​ຂາດ​ເຂີນ​ກຳລັງ​ຄົນ​ເຮັດ​ໜ້າ​ທີ່​ແທນ, ພາຍຫລັງ​ສັ່ງ​ຢຸດ​ເທື່ອ​ທຳ​ອິດ​ໃນ​ເດືອນ​ມັງກອນ​ປີ​ນີ້​ແລ້ວ​ໃຫ້​ກັບ​ມາ​ເຮັດ​ໜ້າ​ທີ່​ໃນ​ອີກ 5 ອາທິດ​ຕໍ່​ມາ. ກຸ່ມ​ສິດທິ ​ແລະ ນັກ​ການ​ເມືອງ​ຝ່າຍ​ຄ້ານ ກ່າວ​ຫາ​ຕຳຫລວດ​ວ່າ: ສັງຫານ​ຄົນ​ໄປ​ເກືອບ 4.000 ຄົນ ​ໂດຍ​ໃຊ້​ເລື່ອງ​ຢາ​ເສບ​ຕິດ​ບັງ​ໜ້າ. ຂະນະ​ທີ່​ຕຳຫລວດ​ຢືນຢັນ​ວ່າ: ບຸກຄົນ​ເຫລົ່ານັ້ນຕໍ່ສູ້​ຂັດ​ຂືນການ​ຈັບ​ກຸມ ​ແລະ ຍົກ​ຕົວ​ເລກ​ການ​ຈັບ​ກຸມ​ຜູ້​ຕ້ອງ​ສົງ​ໄສ 117.000 ຄົນຂຶ້ນ ອ້າງ​ວ່າ​ຕຳຫລວດ​ມຸ່ງ​ຈັບ​ເປັນ​ຫລາຍ​ກວ່າ​ຈັບ​ຕາຍ, ສ່ວນ​ຜູ້​ເສບ​ຢາ​ເສບ​ຕິດ​ທີ່​ຖືກ​ສັງຫານ​ຕາມ​ຖະໜົນ​ບໍ່​ຕໍ່າ​ກວ່າ 2.000 ຄົນ​ນັ້ນ ຕຳຫລວດ​ບໍ່​ກ່ຽວຂ້ອງ.