ນາຍົກລົງຊຸກຍູ້ການຜະລິດຢູ່ເມືອງປາກງື່ມ

- advert banner 728 90 728x90 - ນາຍົກລົງຊຸກຍູ້ການຜະລິດຢູ່ເມືອງປາກງື່ມ

ໃນວັນທີ 22 ພະຈິກນີ້, ທ່ານນາຍົກລັດຖະມົນຕີ ທອງລຸນ ສີສຸລິດ ພ້ອມຄະນະ, ໄດ້ລົງຢ້ຽມຢາມພື້ນຖານການຜະລິດຢູ່ເມືອງປາກງື່ມນະຄອນຫລວງວຽງຈັນຄື: ຢ້ຽມຢາມກຸ່ມປູກຜັກປອດສານພິດຢູ່ບ້ານທ່າຊ້າງມີເນື້ອທີ່ທັງໝົດ 275 ເຮັກຕາ, ໃນນັ້ນເນື້ອທີ່ນາປີມີ 150 ເຮັກຕາ, ນາແຊງ 80 ເຮັກຕາ ແລະ ປູກພືດຜັກ ແລະ ໄມ້ໃຫ້ໝາກຕ່າງໆ, ມີຊົນລະປະທານ 1 ແຫ່ງ ທີ່ໃຊ້ຈັກສູບນ້ຳຈາກນ້ຳງື່ມຂຶ້ນມາເພື່ອສະໜອງໃຫ້ເນື້ອທີ່ການຜະລິດທັງສອງລະດູ ແລະ ສະເພາະກຸ່ມປູກຜັກປອດສານພິດບ້ານທ່າຊ້າງໄດ້ເລີ່ມສ້າງຕັ້ງແຕ່ປີ 2010 ເປັນຕົ້ນມາ, ໃນເບື້ອງຕົ້ນມີພຽງ 8 ຄອບຄົວ ແລະ ມີເນື້ອທີ່ພຽງ 1 ເຮັກຕາ, ຈາກນັ້ນໄດ້ມີໂຄງການສົ່ງເສີມການຜະລິດກະສິກຳອິນຊີຂອງກະຊວງກະສິກຳ ແລະ ປ່າໄມ້ ເຂົ້າມາຊ່ວຍເຫລືອດ້ານເຕັກນິກການປູກ, ການບົວລະບັດຮັກສາພຶດປອດສານພິດທີ່ຖືກຕ້ອງ, ເພື່ອຊ່ວຍໃຫ້ປະຊາຊົນໄດ້ມີຄວາມຮູ້ ແລະ ເຂົ້າໃຈເລິກຂຶ້ນຕື່ມໃນການຜະລິດກະສິກຳອິນຊີ ແລະ ມາຮອດປັດຈຸບັນ, ມີສະມາຊິກເພີ່ມຫລາຍກວ່າ 82 ຄອບຄົວ, ມີເນື້ອທີ່ປູກຜັກເຮືອນຮົ່ມຈໍານວນ 275 ຫລັງ ແລະ ມີຕະຫລາດຈໍາໜ່າຍຢູ່ຈຸດສວນສາທາລະນະໜອງສະພັງເລນ (ທາດຫລວງ) ອາທິດລະສອງຄັ້ງ ແລະ ມາຮອດປັດຈຸບັນ, ເຫັນວ່າຊີວິດການເປັນຢູ່ຂອງປະຊາຊົນກໍຄືຜູ້ປູກພືດດັ່ງກ່າວມີການປ່ຽນແປງດີຂຶ້ນຫລາຍເທົ່າ, ສະເລ່ຍປະມານ 1-2 ລ້ານກີບຕໍ່ອາທິດ.

- lattana 1 - ນາຍົກລົງຊຸກຍູ້ການຜະລິດຢູ່ເມືອງປາກງື່ມ

ໃນໂອກາດນີ້, ທ່ານນາຍົກລັດຖະມົນຕີ, ໄດ້ສະແດງຄວາມຊົມເຊີຍຕໍ່ຜົນສໍາເລັດດັ່ງກ່າວຈາກຄວາມດຸໝັ່ນ, ມານະອົດທົນບຸກບືນ ເພື່ອສ້າງລາຍຮັບມາສູ່ຄອບຄົວ ແລະ ຖືເປັນແບບຢ່າງທີ່ດີໃຫ້ປະຊາຊົນໃນຫລາຍທ້ອງຖິ່ນໃນການເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ເພື່ອແກ້ໄຂຄວາມທຸກຍາກໃຫ້ໝົດໄປເທື່ອລະກ້າວ, ພ້ອມທັງເນັ້ນໃຫ້ຊາວກະສິກອນຈົ່ງສືບຕໍ່ຮັກສາມາດຖານຄຸນນະພາບຂອງກະສິກໍາທີ່ສະອາດປອດສານພິດໄປຕະຫລອດ ເພື່ອສ້າງຄ່ານິຍົມ ແລະ ຄວາມເຊື່ອໝັ້ນຕໍ່ສັງຄົມໃຫ້ນັບມື້ສູງຂຶ້ນ.

ໃນໂອກາດນີ້, ທ່ານນາຍົກລັດຖະມົນຕີ ໄດ້ໄປຢ້ຽມຢາມໂຄງການກໍ່ສ້າງຂົວຂ້າມນ້ຳງື່ມຈຸດບ້ານນາບົງ-ທ່າກົກໄຮ ທີ່ປະທານກຸ່ມບໍລິສັດລາວເວີນມະຫາຊົນໃຫ້ການຊ່ວຍເຫລືອໃນມູນຄ່າ 105 ຕື້ກີບ, ມີຄວາມຍາວ 236 ແມັດ, ກວ້າງ 11 ແມັດ, ໄດ້ເລີ່ມລົງມືກໍ່ສ້າງມາແຕ່ກາງປີ 2016, ມາຮອດປັດຈຸບັນມີຄວາມຄືບໜ້າຫລາຍກວ່າ 50% ແລະ ຄາດວ່າຈະໃຫ້ສໍາເລັດການກໍ່ສ້າງ ແລະ ເປີດນໍາໃຊ້ໃນທ້າຍປີ 2018. ຈາກນັ້ນ, ທ່ານນາຍົກລັດຖະມົນຕີ ກໍໄດ້ໄປຢ້ຽມຢາມຟາມຕົວແບບລ້ຽງງົວເປັນສິນຄ້າຂອງພະແນກກະສິກຳ ແລະ ປ່າໄມ້ ນະຄອນຫລວງວຽງຈັນ, ຟາມລ້ຽງງົວພອນໄຊ ແລະ ຢ້ຽມຢາມສູນຄົ້ນຄວ້າກະສິກຳນາພອກຂອງກະຊວງກະສິກຳ ແລະ ປ່າໄມ້ນໍາດ້ວຍ.

+ນາຍົກລັດຖະມົນຕີ ຕ້ອນຮັບຊາວໜຸ່ມເດີນທະເລ ອາຊຽນ-ຍີ່ປຸ່ນ