ລາວຈັດກອງປະຊຸມນະໂນບາຍຮ່ວມສໍາພັນຜະລິດເປັນສິນຄ້າທີ່ສະຫວັນນະເຂດ

- advert banner 728 90 728x90 - ລາວຈັດກອງປະຊຸມນະໂນບາຍຮ່ວມສໍາພັນຜະລິດເປັນສິນຄ້າທີ່ສະຫວັນນະເຂດ

ສະຖາບັນຄົ້ນຄວ້າກະສິກໍາ ແລະ ປ່າໄມ້ແຫ່ງຊາດ, ພະແນກ ກະສິກໍາ ແລະ ປ່າໄມ້ແຂວງສະ ຫວັນນະເຂດ ແລະ ອົງການອາ ຫານ ແລະ ການກະເສດປະຈໍາ ລາວ, ໄດ້ຈັດກອງປະຊຸມນະໂຍ ບາຍ ກະສິກໍາຮ່ວມສໍາພັນເພື່ອ ການຜະລິດເປັນສິນຄ້າຂຶ້ນໃນ ວັນທີ 21 ພະຈິກນີ້, ທີ່ພະແນກກະ ສິກໍາ ແລະ ປ່າໄມ້ແຂວງ, ຊຶ່ງມີຜູ້ ຕາງໜ້າຂະແຫນງການຕ່າງໆ, ພ້ອມດ້ວຍກຸ່ມການຜະລິດເຂົ້າ ແລະ ແນວພັນເຂົ້າເມືອງອຸທຸມ ພອນ, ຈໍາພອນ, ໄຊພູທອງ, ໄຊບູ ລີ, ກຸ່ມລ້ຽງປາ, ປູກໄມ້ໃຫ້ໝາກ ສະມາຄົມເຂົ້າ ແລະ ໂຮງສີເຂົ້າ ເຂົ້າຮ່ວມເປັນຈໍານວນຫຼາຍ.

- lattana 1 - ລາວຈັດກອງປະຊຸມນະໂນບາຍຮ່ວມສໍາພັນຜະລິດເປັນສິນຄ້າທີ່ສະຫວັນນະເຂດ

ຫົວໜ້າສະຖາບັນຄົ້ນຄວ້າກະສິກໍາ ແລະ ປ່າໄມ້ແຫ່ງຊາດ ໃຫ້ຮູ້ວ່າ: ເປົ້າໝາຍຂອງກອງປະ ຊຸມນີ້ ແມ່ນແນໃສ່ສົ່ງເສີມການ ຜະລິດສະບຽງອາຫານ ແລະ ສິນຄ້າໃຫ້ມີຄວາມຍືນຍົງ, ແກ້ໄຂ ຄວາມທຸກຍາກ ແລະ ສ້າງລາຍ ຮັບໃຫ້ແກ່ຜູ້ຜະລິດ, ພ້ອມກັນ ນັ້ນກໍມີນະໂຍບາຍ 4 ຮ່ວມ 4 ປະສານ ເພື່ອສົ່ງເສີມໃຫ້ທຸກພາກ ສ່ວນກ່ຽວຂ້ອງໃຫ້ມີການປະສານຊຸກຍູ້ສົ່ງເສີມເຊິ່ງກັນ ແລະ ກັນ ປະກອບສ່ວນເຮັດໃຫ້ການຜະລິດ ສະບຽງອາຫານ ແລະ ສິນຄ້າ ຂອງປະເທດມີປະສິດທິຜົນສູງ, ສ້າງຜະລິດຕະພັນຂອງ ສປປ ລາວ ສາມາດແຂ່ງຂັນໃນລະດັບ ພາກພື້ນ ແລະ ສາກົນໄດ້.

ໃນໂອກາດນີ້ ຜູ້ຕາງຫນ້າ ອົງການອາຫານ ແລະ ການກະ ເສດ ປະຈໍາລາວມີຄວາມເຫັນວ່າ: ກອງປະຊຸມນີ້ຈະຊ່ວຍຊອກຫາວິທີການ ແລະ ມາດຕະການແກ້ໄຂ ບັນຫາ ແລະ ຂໍ້ສະເຫນີຕ່າງໆທີ່ໄດ້ ຈາກການພົບປະແລກປ່ຽນລະ ຫວ່າງຂະແຫນງການ ແລະ ຊາວ ນາກໍຄືຜູ້ປະກອບການເຫັນໄດ້ວ່າ: ມີຄວາມຕ້ອງການໃນການພັດ ທະນາຄວາມອາດສາມາດຂອງສະມາຄົມຜູ້ຜະລິດເຂົ້າ ແລະ ກຸ່ມ ລ້ຽງສັດ ຊຶ່ງທາງຂະແຫນງການ ກະສິກໍາກໍຕ້ອງເອົາໃຈໃສ່ສົ່ງ ເສີມດ້ານເຕັກນິກວິຊາການຜະ ລິດ, ການຄົ້ນຄວ້າ ແລະ ຜະລິດ ແນວພັນທີ່ມີຄຸນນະພາບໃຫ້ພຽງພໍ ແລະ ຈັດຕັ້ງກຸ່ມການຜະລິດ ເພື່ອ ຫຼຸດຜ່ອນຕົ້ນທຶນການຜະລິດ, ຂະແໜງອຸດສາຫະກໍາການຄ້າ, ດ້ານການຕະຫຼາດ, ບັນຫາລາຄາ ເຂົ້າຕົກຕໍ່າ, ຈະມີວິທີການແກ້ໄຂ ແນວໃດ, ເພື່ອຊ່ວຍໃຫ້ຊາວນາ ມີກໍາໄລ, ຈະຊຸກຍູ້ລາຄາເຂົ້າມີ ຄວາມເໝາະສົມແນວໃດ, ຊ່ວຍລະບົບປັບປຸງເກັບຊື້ຫຼຸດ ຜ່ອນພໍ່ຄ້າຄົນກາງ, ຄ່າຂົນສົ່ງ ແລະ ອື່ນໆໃຫ້ມີຄວາມເໝາະສົມ  ແລະ ຈະມີການຄຸ້ມຄອງການຄ້າ ເຖື່ອນແນວໃດ, ເບື້ອງທະນາຄານ ການສະໜອງທຶນໃຫ້ຊາວນາ ແລະ ຜູ້ປະກອບການບໍ່ສາມາດ ເຂົ້າເຖິງສິນເຊື່ອດອກເບ້ຍຕໍ່າ, ຜູ້ປະກອບການຕ້ອງການເງິນ ເກັບຊື້ເຂົ້າຫຼາຍໃນເວລາເກັບ ກ່ຽວແຕ່ບໍ່ສາມາດເເຂົ້າເຖິງສິນ ເຊື່ອ, ເບື້ອງຂະແໜງພະລັງງານ ຍັງບໍ່ມີນະໂຍາບາຍຫຼຸດຜ່ອນກະແສໄຟຟ້າໃນວຽກງານການຜະລິດກະສິກໍາ, ເບື້ອງພາສີອາກອນ ກໍຍັງບໍ່ຮູ້ ແລະ ເຂົ້າໃຈຢ່າງຈະ ແຈ້ງກ່ຽວກັບກົນໄກຂອງພາສີ ແລະ ອາຫານ ຊຶ່ງຜູ້ປະກອບ ການກໍຕ້ອງການໃຫ້ມີການເຜີຍແຜ່ຢ່າງເນື່ອງນິດລຽນຕິດ.

ໂຄງການພັດທະນາຄວາມອາດສາມາດລະບົບກະສິກໍາຮ່ວມ ສໍາພັນແມ່ນໄດ້ຮັບຄວາມຊ່ວຍ ເຫຼືອຈາກ EU ແລະ ການຊ່ວຍ ເຫຼືອຈາກກຸ່ມ ຫຼືສະມາຄົມຂອງ ຫຼາຍສະຖາບັນການຄົ້ນຄວ້າ ແລະ ມະຫາວິທະຍາໄລຢູໂຣບ, ຊຶ່ງແມ່ນອົງການອາຫານ ແລະ ການກະເສດສະຫະປະຊາຊາດ ເປັນຜູ້ຈັດຕັ້ງປະຕິບັດ ໃນ 8 ປະເທດຄື: ອັງໂກລາ, ອີທີໂອ ເປຍ, ເປີກິນາຟາໂຊ, ຣິວັນດາ, ໂກເຕມາລາ, ໂຮນດູຮັດ, ສປປ ລາວ ແລະ ປະເທດບັງການເດັດ.