​ໄລຍະ​ນີ້ສະພາບ​ອາກາດຈະ​ເຢັນ​​ລົງ​ຕື່ມ​ອີກ

- advert banner 728 90 728x90 - ​ໄລຍະ​ນີ້ສະພາບ​ອາກາດຈະ​ເຢັນ​​ລົງ​ຕື່ມ​ອີກ

ກົມອຸຕຸນິຍົມ ​ແລະ ອຸທົກ​ກະສາ​ດ ​ໃຫ້​ຮູ້​ວ່າ: ນັບ​​ແຕ່​ວັນ​ທີ 24-26 ພະຈິກ​ນີ້, ບໍລິ​ເວນ​ຄວາມ​ກົດ​ດັນ​ອາກາດ​ສູງ​ຈະ​ມີ​ກຳລັງ​ແຮງ​ເພີ່ມ​ຂຶ້ນ​ແຜ່​ລົງ​ມາ​ປົກ​ຄຸມ​ຢູ່​ທ່ົວ​ທຸກ​ພາກ​ຂອງ​ລາວ, ພ້ອມ​ດຽວ​ກັນ ກະ​ແສ​ລົມ​ຕາ​ເວັນ​ອອກ​ສ່ຽງ​ເໜືອ​ຈະ​ມີ​ກຳລັງ​ປານ​ກາງຫາ​ແຮງ​ພັດ​ປົກ​ຄຸມ, ຊຶ່ງ​ຈະ​ເຮັດ​ໃຫ້​ອຸນຫະພູມ​ອາກາດ​ເຢັນ​ລົງ​ຕື່ມ​ອີກ, ພ້ອມ​ມີ​ໝອກ​ບາງ​ປົກ​ຫຸ້ມ​ຫລາຍ​ຂຶ້ນ​ໃນ​ຕອນ​ເຊົ້າ ​ແລະ ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ​ໃນ​ຕອນ​ບ່າຍ​ຫາ​ຄ່ຳ​ຢູ່​ແຕ່​ລະ​ພາກ.

- lattana 1 - ​ໄລຍະ​ນີ້ສະພາບ​ອາກາດຈະ​ເຢັນ​​ລົງ​ຕື່ມ​ອີກ

ພາກ​ເໜືອ​ດ້ານ​ຕ​າ​ເວັນ​ອອກ: ອາກາດ​ຈະ​ສືບ​ຕໍ່​​ເຢັນ​ຫາ​ໜາວ​ເຢັນ, ພ້ອມ​ມີ​ໝອກ​ບາງ​ປົກ​ຫຸ້ມ​ຫລາຍ​ຂຶ້ນ, ​ໂດຍ​ສະ​ເພາະ ​ແຂວງ​ຜົ້ງ​ສາລີ ​ແລະ ຫົວພັນ, ອຸ​ນຫະພູມ​ຕ່ຳ​ສຸດ 17-19 ອົງສາ ​ແລະ ສູງ​ສຸດ 23-25 ອົງສາ; ພາກ​​ເໜືອ​ດ້ານ​ຕ​າ​ເວັນ​ຕົກ: ອາກາດ​ຈະ​ເຢັນ​ລົງ​ຕື່ມ​ເລັກ​ນ້ອຍ ​ແລະ ມີ​ລົມ​ພັດ​ແຮງ​ເປັນ​ບາງ​ໂອກາດ, ອຸນຫະພູມ​ຕໍ່າ​ສຸດ 19-21 ອົງສາ ​ແລະ ສູ​ງສຸດ 31-33 ອົງສາ; ພາກ​ກາງ: ສະພາບ​ອາກາດ​ຍັງ​ຈະ​ເຢັນ​ຫາ​ໜາວ​ເຢັນ, ​ໂດຍ​ສະ​ເພາະ​ເຂດ​ຫລັກ 20 ​ແລະ ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ​ຕື່ມ​ອີກ, ອຸນຫະພູມ​ຕ່ຳ​ສຸດ 20-22 ອົງສາ ​ແລະ ສູງ​ສຸດ 31-33 ອົງສາ; ​ແຂວງ​ໄຊ​ສົມບູນ: ອຸນຫະພູມ​ອາກາດ​ຈະ​ຫລຸດ​ລົງ​ເລັກ​ນ້ອຍ, ອຸນຫະພູມ​ຕ່ຳ​ສຸດ 13-15 ອົງສາ ​ແລະ ສູງ​ສຸດ 25-27 ອົງສາ; ພາກ​ໃຕ້: ອຸນຫະພູມ​ອາກາດ​ຈະ​ເຢັນ​ລົງ​ເລັກ​ນ້ອຍ, ພ້ອມ​ມີ​ໝອກ​ປົກ​ຫຸ້ມ​ຫລາຍ​ຂຶ້ນ​ໃນ​ຕອນ​ເຊົ້າ, ອຸນຫະພູມ​ຕ່ຳ​ສຸດ 22-24 ອົງສາ ​ແລະ ສູງ​ສຸດ 32-34 ອົງສາ; ​ເຂດ​ພູພຽງ​ບໍລິ​ເວນ: ອາກາດ​ຍັງ​ເຢັນ​ຫາ​ໜາວ​ເຢັນ, ພ້ອມ​ມີໝອກ​ໜາ​ໃນ​ຕອນ​ເຊົ້າ ​ແລະ ຈະ​ມີ​ຝົນຕົກ​ກະຈາຍ​ເປັນ​ບາງ​ໂອກາດ, ອຸນຫະພູມ​ຕ່ຳ​ສຸດ 11-13 ອົງສາ ​ແລະ ສູງ​ສຸດ 23-25 ອົງສາ; ນະຄອນຫລວງ​ວຽງ​ຈັນ: ອາກາດ​ຈະ​ເຢັນ​ລົງ​ເລັກ​ນ້ອຍ, ພ້ອມ​ມີ​ໝອກ​ບາງ​ປົກ​ຫຸ້ມ​ຫລາຍ​ຂຶ້ນ ​ແລະ ມີ​ລົມ​ພັດ​ແຮງ​ເປັນ​ບາງ​ໂອກາດ​​ໃນ​ຕອນ​ບ່າຍ, ອຸນຫະພູມ​ຕ່ຳ​ສຸດ 24-26 ອົງສາ ​ແລະ ສູງ​ສຸດ 33-35 ອົງສາ.