Galaxy X ໂທລະສັບມືຖືຕົວເຄື່ອງບິດພັບໄດ້ຮຸ່ນທໍາອິດຂອງ Samsung ອາດເຜີຍໂສມໄວໆນີ້

- advert banner 728 90 728x90 - Galaxy X ໂທລະສັບມືຖືຕົວເຄື່ອງບິດພັບໄດ້ຮຸ່ນທໍາອິດຂອງ Samsung ອາດເຜີຍໂສມໄວໆນີ້

ຍີ່​ຫໍ້ໂທລະສັບມືຖື Samsung ມີຄວາມພະຍາຍາມຈະເອົາຊະນະ iPhone ສະເໝີມາ ແລະ ນີ້ອາດເປັນເຫດຜົນທີ່ວ່າ ເປັນຫຍັງໂທລະສັບຮຸ່ນ Galaxy S8 ເຖິງມີຊື່ລະຫັດໃນຂັ້ນຕອນການພັດທະນາວ່າ “Dream” ຫຼື ຄວາມຝັນນັ້ນເອງ ແຕ່ເບິ່ງຄືວ່າໂທລະສັບຕະກຸນ S ແລະ ຕະກຸນ Note ຈະຍັງບໍ່ສາມາດເກາະກຸມຫົວໃຈຂອງຜູ້ຄົນທົ່ວໂລກໄດ້ເທົ່າກັບ iPhone ບໍ່ວ່າທາງ Samsung ຈະທຸ່ມເທຄວາມພະຍາຍາມຫຼາຍພຽງໃດກໍຕາມ.

- lattana 1 - Galaxy X ໂທລະສັບມືຖືຕົວເຄື່ອງບິດພັບໄດ້ຮຸ່ນທໍາອິດຂອງ Samsung ອາດເຜີຍໂສມໄວໆນີ້

ແຕ່ເບິ່ງເໜືອນວ່າຕອນນີ້ທາງ Samsung ຈະເອົາຈິງຫຼາຍຂຶ້ນ ດ້ວຍການນໍາສະເໜີໂທລະສັບຮູບແບບທີ່ບໍ່ມີໃຜເຮັດໄດ້ມາກ່ອນ ລວມເຖິງ iPhone ດ້ວຍ ໂດຍຊື່ຮຸ່ນຂອງມັນຄື Galaxy X ຊຶ່ງການຕັ້ງຊື່ດ້ວຍອັກສອນ X ນັ້ນກໍບໍ່ໄດ້ໝາຍຄວາມວ່າ ມັນຈະລອກຮຽນແນວທາງການອອກແບບຂອງ iPhone X ແຕ່ຢ່າງໃດ.

ຄວາມໜ້າຕື່ນເຕັ້ນຂອງ Galaxy X ຄືມັນຈະເປັນໂທລະສັບຮຸ່ນທໍາອິດຂອງ Samsung ທີ່ຕົວເຄື່ອງສາມາດບິດພັບໄດ້ ແນ່ນອນວ່າມັນເປັນອຸປະກອນທີ່ມີຄວາມສັບຊ້ອນ ແລະ ເຮົາອາດຈະໄດ້​ເຫັນການເປີດວາງຂາຍໃຈຈໍານວນຈໍາກັດ ກ່ອນທີ່ຈະເປີດສາຍພານການຜະລິດໃນຈໍານວນຫຼາຍ ແລະ ໃນຊ່ວງເວລາທີ່ຜ່ານມາ ທາງ Samsung ກໍໄດ້ໂຊເຕັກໂນໂລຊີອຸປະກອນພົກພາທີ່ສາມາດບິດພັບໄດ້ໃນຫຼາຍງານສະແດງສິນຄ້າເຕັກໂນໂລຊີ ແຕ່ກໍຍັງບໍ່ມີການຜະລິດອຸປະກອນມາວາງຂາຍແຕ່ຢ່າງໃດ ແລະ ເບິ່ງຄືວ່າມີຄວາມເປັນໄປໄດ້ສູງທີ່ Galaxy X ຈະເປັນອຸປະກອນພົກພາທີ່ສາມາດບິດພັບໄດ້ເຄື່ອງທໍາອິດ ທີ່ຈະມີການຜະລິດອອກມາວາງຈໍາໜ່າຍໃນອະນາຄົດອັນໃກ້ ແລະ Samsung ກໍໄດ້ຢືນຢັນເຖິງການໃກ້ຈະມາເຖິງຂອງ Galaxy X ຢ່າງລັບໆ ໂດຍມີການເປີດໜ້າເວັບ Support ສໍາລັບໂມເດລໂທລະສັບມືຖືຮຸ່ນ SM-G888N0 ຂຶ້ນມາໃນເວັບໄຊ MobielKopen

ເມື່ອເບິ່ງໃນພາບລວມ ມີຄວາມເປັນໄປໄດ້ສູງທີ່ທາງ Samsung ຈະເປີດຕົວ ແລະ ວາງຈໍາໜ່າຍ Galaxy X ໃນອະນາຄົດອັນໃກ້ນີ້ ຊ່ຶງໃນຊ່ວງທໍາອິດຈະເປັນການເປີດຂາຍໃນຈໍານວນຈໍາກັດ ແລະ Samsung ບໍ່ແມ່ນຍີ່​ຫໍ້ດຽວທີ່ພັດທະນາໂທລະສັບແບບບິດພັບໄດ້ ກໍເປັນໄປໄດ້ທີ່ Samsung ຈະ​ເລີ່​ມເປີດຕົວກ່ອນເຈົ້າອື່ນໆ ເພື່ອໃຫ້ໄດ້ຊື່ວ່າເປັນຍີ່​ຫໍ້ອັນດັບ 1 ທີ່ຜະລິດໂທລະສັບແບບເຄື່ອງບິດພັບໄດ້ອອກຂາຍ.