ສານອີຕາລີສັ່ງຈຳຄຸກ ໂຣບິນໂຢ 9 ປີ ຂໍ້ຫາລ່ວງລະເມີດທາງເພດ

- advert banner 728 90 728x90 - ສານອີຕາລີສັ່ງຈຳຄຸກ ໂຣບິນໂຢ 9 ປີ ຂໍ້ຫາລ່ວງລະເມີດທາງເພດ

​ໂຣບິນ​ໂຢ ອະດີດ​ນັກ​ເຕະ​ຊຸບ​ເປີ​ສະ​ຕາ​ທີ​ມຊາດ​ບຣາຊິນ ຖືກ​ສານ​ຂັ້ນຕົ້ນຂອງ​ອີ​ຕາ​ລີ ສັ່ງ​ຈຳ​ຄຸກ 9 ປີ ຂ້ໍ​ຫາ​ມີ​ສ່ວນ​ຮ່ວມ​ພະຍາຍາມ​ຂົ່ມຂືນ​ຜູ້ຍິງ​ຊາວ​ອານ​ບາ​ນີ.

- lattana 1 - ສານອີຕາລີສັ່ງຈຳຄຸກ ໂຣບິນໂຢ 9 ປີ ຂໍ້ຫາລ່ວງລະເມີດທາງເພດ

ສານ​ຂັ້ນຕົ້ນປະ​ເທດ​ອີ​ຕາ​ລີ ພິພາກສາ​ຈຳ​ຄຸກ ​ໂຣບິນ​ໂຢ ອະດີດ​ນັກ​ເຕະ​ຊຸບ​ເປີ​ສະ​ຕາ​ຂອງ​ທີ​ມຊາດ​ບຣາຊິນ ອາຍຸ 33 ປີ ຈຳ​ຄຸກ 9 ປີ ຂໍ້​ຫາ​ມີ​ສ່ວນ​ຮ່ວມ​ພະຍາຍາມ​ຂົ່ມຂືນຜູ້ຍິງ​ຊາວ​ອານ​ບາ​ນີ ອາຍຸ 22 ປີ ​ໃນ​ປີ 2013 ​​ໃນ​ຂະນະ​ທີ່​ຫລິ້ນ​ໃຫ້​ກັບ​ທີ​ມ​ເອຊີ​ມິ​ລານ ​ໂດຍ ​ໂຣບິນ​ໂຢ ກັບ​ໝູ່​ອີກ 5 ຄົນ ​ໄດ້​ລ່ວງ​ລະ​ເມີດ​ທາງ​ເພດ​ຍິງ​ສາວ​ຄົນ​ນີ້ ຢູ່ສະຖານ​ທີ່​ບັນ​ເທີ​ງ​ແຫ່ງ​ໜຶ່ງ​ໃນ​ເມືອງ​ມິ​ລານ.

ສຳລັບ ​ໂຣບິນ​ໂຢ ປັດຈຸບັນ​ຫລິ້ນ​ໃຫ້​ກັບ​ແອດ​ເລ​ຕິ​ໂກ ມິ​ເນ​ໂຣ ​ໃນ​ບຣາຊິນ ປະຕິ​ເສດ​ຂໍ້​ກ່າວ​ຫາ​ຜ່ານ​ທະນາຍຄວາມ​ສ່ວນ​ຕົວ ​ແລະ ບໍ່​ເຄີຍ​ເດີນທາງ​ມາ​ຮັບ​ຟັງ​ການ​ພິຈາລະນາ​ຄະດີຢູ່​ອີ​ຕາ​ລີ, ​ແຕ່ ​ໂຣບິນ​ໂຢ ມີ​ສິດ​ຍື່ນ​ອຸທອນ. ທັງ​ນີ້ ສານ​ເມືອງ​ມິ​ລານ​ຍັງ​ຕັດສິນ​ໃຫ້​ຍິງ​ສາວ​ຄົນ​ນັ້ນ​ໄດ້​ຮັບ​ຄ່າ​ທົດ​ແທນ 60.000 ​ເອີ​ໂຣ ​ໂດຍ ​ໂຣບິນ​ໂຢ ​ເລີ່​ມຕົ້ນຫລິ້ນກິ​ລາ​ບານ​ເຕະ​ໃຫ້​ກັບ ຊານ​ໂຕ​ສ ຢູ່​​ໃນ​ທີ​ມຊຸດ​ແຊ້ມລີກ​ສູງ​ສຸດ ປີ 2002 ກັບ 2004 ກ່ອນ​ຍ້າຍ​ໄປ ​ເຣອັລ ມາດຣິດ ​ໃນ​ ລາ​ລີ​ກາ ສະ​​ເປ​ນ 3 ປີ, ​ແມ​ນ​ເຊັດສ​ເຕີ ຊິ​ຕີ້, ​ເອຊີ ມິ​ລານ ​ແລະ ກວາງ​ໂຈ ​ເອ​ເວີ​ແກຣນ ຕິດ​ທີ​ມຊາດ​ບຣາຊິນ 100 ນັດ ຍິງ 28 ປະຕູ.