ກອງ​ປະຊຸມ ຕມ ອາ​ຊຽນຄັ້ງທີ 21 ​ອັດ​ລົງຢ່າງ​ຈົບງາມ

- advert banner 728 90 728x90 - ກອງ​ປະຊຸມ ຕມ ອາ​ຊຽນຄັ້ງທີ 21 ​ອັດ​ລົງຢ່າງ​ຈົບງາມ

ກອງ​ປະຊຸມ​ຫົວໜ້າ​ກົມ​ຕຳຫລວດກວດ​ຄົນ​ເຂົ້າ-ອອກ​ເມືອງ (ຕມ) ​ແລະ ຫົວໜ້າ​ພະ​ແນ​ກກົມ​ກົງສຸນກະຊວງ​ການ​ຕ່າງປະ​ເທດ​ອາຊຽນຄັ້ງທີ 21 ​ໄດ້​ອັດ​ລົງຢ່າງຈົບງາມ​ໃນ​ວັນ​ທີ 23 ພະຈິກນີ້, ທີ່​ນະຄອນຫລວງ​ວຽງ​ຈັນ, ​ໂດຍ​ການ​ເປັນ​ປະທານ​ຂອງ​ທ່ານພັນໂທ ສາຍ​ສະໝິງ ສີວິ​ໄລ ຫົວໜ້າ​ກົມ​ຕຳຫລວດ​ກວດ​ຄົນ​ເຂົ້າ-ອອກ​ເມືອງກົມ​ໃຫຍ່​ສັນຕິ​ບານກະຊວງ​ປ້ອງ​ກັນ​ຄວາມ​ສະຫງົບ​ລາວ, ມີ​ບັນດາ​ຄະນະ​ຜູ້​ແທນ​ເຈົ້າໜ້າ​ທີ່​ກວດ​ຄົນ​ເຂົ້າ-ອອກ​ເມືອງ, ຫົວໜ້າ​ພະ​ແນ​ກກົງ​ສຸນ ກະຊວງ​ການ​ຕ່າງປະ​ເທດ​ຈາກ​​ປະ​ເທດ​ສະມາຊິກ​ອາ​ຊຽນ ​ແລະ ຫົວໜ້າ​ກອງ​ເລຂາ​ອາ​ຊຽນ​ເຂົ້າຮ່ວມຢ່າງພ້ອມພຽງ.

- lattana 1 - ກອງ​ປະຊຸມ ຕມ ອາ​ຊຽນຄັ້ງທີ 21 ​ອັດ​ລົງຢ່າງ​ຈົບງາມ

​​ກອງ​ປະຊຸມຄັ້ງນີ້, ໄດ້​​ປຶກສາ​ຫາລື​ກ່ຽວ​ກັບ​ການ​ສ້າງຕັ້ງຈຸດ​ປະສານ​ງານ​ກວດ​ຄົນ​ເຂົ້າ-ອອກ​ເມືອງ​ອາ​ຊຽນ ​ເພື່ອ​ອຳນວຍ​ຄວາມ​ສະດວກ​ໃຫ້​ແກ່​ຄົນ​ເຂົ້າ-ອອກ​ເມືອງ​ຜິ​ດກົດໝາຍ​ກັບ​ຄືນ​ສູ່​ປະ​ເທດ​ຕົ້ນທາງ, ​ເຊິ່ງ​ເປັນ​ຂໍ້ລິ​ເລີ່​ມຂອງ ສປປ ລາວ, ພ້ອມທັງ​ຮັບ​ຊາບ​ກ່ຽວ​ກັບ​ຜົນ​ກອງ​ປະຊຸມ​ເຈົ້າໜ້າ​ທີ່​ອາວຸ​ໂສ​ອາ​ຊຽນວ່າ​ດ້ວຍ​ອາດຊະຍາ​ກຳ​ຂ້າມ​ຊາດ, ກອງ​ປະຊຸມ​ລັດຖະມົນຕີ​ອາ​ຊຽນວ່າ​ດ້ວຍ​ອາດຊະຍາ​ກຳ​ຂ້າມ​ຊາດ​ແບບ​ສຸກ​ເສີນ, ​ຄວາມ​ເປັນ​ໄປ​ໄດ້​ໃນ​ການ​ສ້າງຕັ້ງຫົວໜ້າ​ໜ່ວຍ​ງານ​ພິ​ເສດ​ກ່ຽວ​ກັບ​ການຕ້ານການ​ລັກລອບ​ຄ້າ​ມະນຸດ, ປຶກສາ​ຫາລື​ກ່ຽວ​ກັບ​ຂໍ້​ລິ​ເລີ່​ມທີ 13 ຂອງ​ແຜນ​ແມ່​ບົດ​ການ​ເຊື່ອມ​ຈອດ​ອາ​ຊຽນ 2025. ພ້ອມ​ນັ້ນ ຍັງ​ໄດ້ພິຈາລະນາ ​ແລະ ຮັບຮອງ​ເອົາ​ບັນດາ​​ແຜນ​ງານ ​ແລະ ​ໂຄງການ ກໍ​ຄື​ທິດ​ທາງ​ການ​ຮ່ວມ​ມື​ໃນ​ຕໍ່ໜ້າຄື: ການ​ແລກປ່ຽນ​ຂໍ້​ມູນ​ຂ່າວສານ​ວຽກ​ງານ​ຕ້ານ, ສະກັດ​ກັ້ນການ​ລັກລອບ​ເຂົ້າ-ອອກ​ເມືອງ ລວມ​ເຖິງ​ອາດຊະຍາ​ກຳ​ຂ້າມ​ຊາດ​ເຊັ່ນ: ຕ້ານ​ການ​ກໍ່​ການ​ຮ້າຍ, ການ​ຄ້າ​ມະນຸດ ​ແລະ ອື່ນໆ, ພ້ອມ​ທັງຫາລື​ວິທີ​ແກ້​ໄຂ​ບັນຫາ​ການ​ເຄື່ອນ​ຍ້າຍ​ແຮງ​ງານ, ການ​ນຳ​ໃຊ້​ໜັງສື​ເດີນທາງ​ບໍ່​ຖືກຕ້ອງ ​ແລະ ​ອື່ນໆ​ທີ່​ເປັນ​ໄພ​ຂົ່ມຂູ່​ຕໍ່​ຄວາມ​ສະຫງົບ ແລະ ​ເປັນ​ລະບຽບ​ຮຽບຮ້ອຍໃນສັງຄົມ​ຂອງ​ປະ​ເທດ​ສະມາຊິກ​ອາ​ຊຽນ.