ຕູ້ຮັບຄຳຮ້ອງ, ຄຳສະເໜີຕີຖອຍປາກົດການຫຍໍ້ທໍ້ໃນຂະແໜງການເງິນ

- advert banner 728 90 728x90 - ຕູ້ຮັບຄຳຮ້ອງ, ຄຳສະເໜີຕີຖອຍປາກົດການຫຍໍ້ທໍ້ໃນຂະແໜງການເງິນ

ເພື່ອຕີຖອຍປາກົດການຫຍໍ້ທໍ້ຫາງສຽງຂອງສັງຄົມ, ກົມກວດກາ ກະຊວງການເງິນ ຈິ່ງໄດ້ມີຕູ້ຮັບຄຳຮ້ອງ, ຄຳສະເໜີ ເພື່ອເປີດກ້ວາງໃຫ້ພະນັກງານ-ລັດຖະກອນ, ທະຫານ, ຕຳຫລວດ, ປະຊາຊົນບັນດາເຜົ່າ ໄດ້ມີສ່ວນຮ່ວມຕິດຕາມ, ເປັນກະບອກສຽງ ເພື່ອຕ້ານ ແລະ ສະກັດກັ້ນປາກົດການຫຍໍ້ທໍ້ຕ່າງໆໃນຂະແໜງການເງິນໃຫ້ຫລຸດລົງເທື່ອລະກ້າວ ຢູ່ 12 ຈຸດທົ່ວນະຄອນຫລວງວຽງຈັນຄື: ກະຊວງການເງິນ, ກົມກວດກາ ແລະ ກົມສະສົມແຫ່ງລັດ, ກົມພາສີ, ກົມສ່ວຍສາອາກອນ ແລະ ກົມບັນຊີ, ພະແນກການເງິນ ນະຄອນຫລວງ, ຫ້ອງການ-ການເງິນເມືອງໄຊເສດຖາ, ຫ້ອງການ-ການເງິນເມືອງສີສັດຕະນາກ, ຫ້ອງການ-ການເງິນເມືອງສີໂຄດຕະບອງ, ດ່ານພາສີສາງທ່ານາແລ້ງ, ດ່ານພາສີຂົວມິດຕະພາບລາວ-ໄທແຫ່ງທີ 1 ທັງຂາເຂົ້າ-ຂາອອກ ແລະ ເພື່ອໃຫ້ວຽກງານດັ່ງກ່າວ ໄດ້ຮັບການຈັດຕັ້ງ ກໍໄດ້ອອກຂໍ້ກຳນົດວ່າດ້ວຍການຄຸ້ມຄອງ ແລະ ການນຳໃຊ້ຕູ້ຮັບຄຳຮ້ອງ, ຄຳສະເໜີ ສະບັບເລກທີ 2236/ກງ ລົງວັນທີ 3 ກໍລະກົດ 2017 ປະກອບມີ 5 ໝວດ 10 ມາດຕາ, ຈຸດປະສົງ ກໍເພື່ອເປີດໂອກາດໃຫ້ພະນັກງານ, ລັດຖະກອນ, ທະຫານ, ຕຳຫລວດ, ປະຊາຊົນບັນດາເຜົ່າ, ຜູ້ດຳເນີນທຸລະກິດຢູ່ ສປປ ລາວ ລວມທັງບັນດາສື່ມວນຊົນໄດ້ມີສ່ວນຮ່ວມຕິດຕາມກວດກາ, ເປັນກະບອກສຽງເພື່ອສະກັດກັ້ນ ແລະ ຕ້ານການສໍ້ລາດບັງຫລວງ, ຕີຖອຍປະກົດການຫຍໍ້ທໍ້ ແລະ ຫາງສຽງຈົ່ມວ່າຂອງສັງຄົມ, ສຸມທຸກກຳລັງແຮງໃນທົ່ວສັງຄົມປະກອບສ່ວນສ້າງຄວາມເຊື່ອໝັ້ນ ແລະ ພັດທະນາວຍກງານການເງິນແຫ່ງລັດໃຫ້ມີຄວາມໝັ້ນທ່ຽງ, ບົນຈິດໃຈເພີ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງເທື່ອລະກ້າວ.

- lattana 1 - ຕູ້ຮັບຄຳຮ້ອງ, ຄຳສະເໜີຕີຖອຍປາກົດການຫຍໍ້ທໍ້ໃນຂະແໜງການເງິນ