ອົບຮົມການອ່ານກາບກອນ ແລະ ຂັບລຳສັງສິນໄຊ

- advert banner 728 90 728x90 - ອົບຮົມການອ່ານກາບກອນ ແລະ ຂັບລຳສັງສິນໄຊ

ລະຫວ່າງວັນທີ 24-27 ພະຈິກນີ້, ສະມາຄົມສົ່ງເສີ່ມການອະນຸລັກສິລະປະວັນນະຄະດີ, ໄດ້ຈັດອົບຮົມຄູຝຶກອ່ານກາບກອນສັງສິນໄຊ, ຂຶ້ນທີ່ຫໍສະໝຸດແຫ່ງຊາດ, ຊຶ່ງເປັນໂຄງການສົ່ງເສີມການອ່ານກາບກ່ອນ ແລະ ຂັບລຳສັງສິນໄຊ ຄັ້ງທີ II ໃນສົກປີ 2017-2018, ໂດຍການເຂົ້າຮ່ວມຂອງ ປະທານສະມາຄົມ ສົ່ງເສີ່ມການອະນຸລັກສິລະປະວັນນະຄະດີ ແລະ ຫົວໜ້າພະແນກສຶກສາທິການ ແລະ ກິລານະຄອນຫຼວງວຽງຈັນ, ອໍານວຍການຫໍສະໝຸດແຫ່ງຊາດ, ພ້ອມດ້ວຍ ຄູອາຈານ ແລະ ນ້ອງນັກຮຽນເຂົ້າຮ່ວມເປັນຈໍານວນຫຼາຍ.

- lattana 1 - ອົບຮົມການອ່ານກາບກອນ ແລະ ຂັບລຳສັງສິນໄຊ

ໂຄງການສົ່ງເສີມການອ່ານກາບກ່ອນ ແລະ ຂັບລຳສັງສິນໄຊ ໄດ້ມີມາແຕ່ປີ 2015, ໂດຍໃຫ້ການສະໜັບສະໜູນຂອງຫ້ອງການເພື່ອການພັດທະນາ ແລະ ຮ່ວມມືແຫ່ງປະເທດສະວິດເຊີແລນ ປະຈຳລາວ, ພາຍໃຕ້ກອງທຶນພັດທະນາລາວ LCCF ແລະ ໂດຍຮັບຄໍາຊີ້ນໍາຈາກກະຊວງຖະແຫຼ່ງຂ່າວ, ວັດທະນະທຳ ແລະ ທ່ອງທ່ຽວ, ກະຊວງສຶກສາທິການ ແລະ ກິລາ. ສໍາລັບການຝຶກອົບຮົມໃນຄັ້ງນີ້ມີຄູ ອາສາສະໝັກຈາກສູນ ແລະ ໂຮງຮຽນຕ່າງແຂວງທັງໝົດມີ 12 ຄົນ ທີ່ໄດ້ຮັບ ຄັດເລືອກເອົາມາຈາກໂຮງຮຽນເອກະຊົນຕ່າງໆ 5 ແຫ່ງ ເພື່ອແນໃສໃຫ້ຄູອາສາສະໝັກກັບເມື່ອສອນນັກຮຽນຂອງຕົນໃຫ້ມີຄວາມຮູ້ຄວາມເຂົ້າໃຈ ແລະ ຄວາມຮັກຫອມເພິງແພງຕໍ່ວັນນະຄະດີເກົ່າແກ່ ແລະ ຊົງຄຸນຄ່າຂອງຊາດລາວເຮົາຕະຫຼອດໄປ.