ກຽມຮ່ວມສະຫລອງ 100 ປີ ບ້ານນາປົ່ງບ້ານແຫ່ງຕຳນານປິ້ງໄກ່ຊື່ດັງຂອງລາວ

- advert banner 728 90 728x90 - ກຽມຮ່ວມສະຫລອງ 100 ປີ ບ້ານນາປົ່ງບ້ານແຫ່ງຕຳນານປິ້ງໄກ່ຊື່ດັງຂອງລາວ

ປີ້ງໄກ່ນາປົ່ງ ຊື່ນີ້ຫລາຍ ທ່ານຄົງໄດ້ຍິນແລະຮູ້ຈັກກັນດີ, ແລ້ວທ່ານຮູ້ຫຼືຍັງວ່າມີຄວາມ ກ່ຽວພັນແລະເປັນມາຄືແນວໃດກັບບ້ານນາປົ່ງ,ແຂວງສາລະວັນ, ເປັນຫຍັງຈິ່ງມີລົດຊາດ ແຊບ ແລະ ປີນີ້ບ້ານນາປົ່ງກໍມີ ອາຍຸຄົບຮອບ100ປີພໍດີ, ທາງ ແຂວງ ຈຶ່ງກຽມຈັດງານບຸນສະຫຼອງໃຫຍ່ຂຶ້ນໃນທ້າຍເດືອນກຸມ ພາ2018 ຕ້ອນຮັບປີທ່ອງທ່ຽວ ລາວໃນແຂວງສາລະວັນ.

- lattana 1 - ກຽມຮ່ວມສະຫລອງ 100 ປີ ບ້ານນາປົ່ງບ້ານແຫ່ງຕຳນານປິ້ງໄກ່ຊື່ດັງຂອງລາວ

 

- 11 - ກຽມຮ່ວມສະຫລອງ 100 ປີ ບ້ານນາປົ່ງບ້ານແຫ່ງຕຳນານປິ້ງໄກ່ຊື່ດັງຂອງລາວ

+ ບໍລິຄຳໄຊກຽມເປີດປີທ່ອງທ່ຽວລາວພ້ອມກັບບຸນພະບາດໂພນສັນ

+ສວນພຶກສາບ່ອນທ່ອງທ່ຽວໃໝ່ທີ່ປະທັບໃຈ

 

ບ້ານນາປົ່ງເປັນ ບ້ານນ້ອຍ ແຫ່ງໜຶ່ງຂຶ້ນກັບເມືອງຄົງເຊ ໂດນ,ແຂວງສາລະວັນ, ມີປະຫວັດກ່າວຂານກັນມາຈຶ່ງມີ ຄຳວ່າ“ນາປົ່ງ”. ທ່ານ ບຸນທ່ຽງ ລັດຕະນະວົງ ຜູ້ອຳນວຍການ ບໍລິສັດ ໄອຈ໋ອບ ຈຳກັດ,ໃນນາມ ຜູ້ຕໍ່ຍອດພັດທະນາປີ້ງໄກ່ນາ ປົ່ງຈົນໄດ້ຮັບຄວາມນິຍົມ ແລະ ມີຊື່ສຽງ ໄດ້ເປີດເຜີຍວ່າ: ແຂວງ ມີແຜນຈະສ້າງກິດຈະກຳສົ່ງ ເສີມການທ່ອງທ່ຽວຢູ່ແຂວງ ສາລະວັນ ແລະ ກຳນົດເອົາບ້ານ ນາປົ່ງເປັນຈຸດໜຶ່ງສ້າງກິດຈະ ກຳ. ໂດຍທາງແຂວງໄດ້ຮຽກ ຮ້ອງໃຫ້ຮ້ານປີ້ງໄກ່ນາປົ່ງນະຄອນຫຼວງວຽງຈັນມາເປັນເຈົ້າພາບຫຼັກກັບພະແນກຖະແຫຼງ ຂ່າວ,ວັດທະນະທຳ ແລະ ທ່ອງ ທ່ຽວແຂວງ ຮ່ວມກັນຄົ້ນຄວ້າ ຫ້າງຫາກະກຽມການຈັດງານສະເຫຼີມສະຫຼອງຄົບຮອບ100ປີການສ້າງຕັ້ງບ້ານນາປົ່ງ(ແຕ່ ປີ1917-2017) ແລະ ຄາດ ວ່າ ຈະຈັດຂຶ້ນໃນລະຫວ່າງວັນ ທີ 26-28 ກຸມພາ 2018, ພ້ອມ ທັງກິດຈະກຳຫຼັກຄື: ການເຮັດ ພາຂວັນໃຫຍ່; ເຕົ້າໂຮມເອົາປີ້ງໄກ່ນາງປົ່ງຈາກບັນດາບ້ານຕ່າງໆເປັນອາຫານຫຼັກຕ້ອນຮັບ ຂັບສູ່ນັກທ່ອງທ່ຽວທີ່ໄປທ່ຽວງານ; ມີການສະແດງກ້ອນກຳ ລັງຂອງແມ່ຍິງ, ຊາວໜຸ່ມບ້ານ, ກຸ່ມ, ເມືອງ ແລະ ຂອງອົງການ ຈັດຕັ້ງຕ່າງໆ. ການສະແດງສິລະປະ; ການວາງສະແດງວັດ ທະນະທຳທ້ອງຖິ່ນ; ງານຕະຫຼາດນັດ ແລະ ອື່ນໆທີ່ຕິດພັນ ກັບການສົ່ງເສີມວັດທະນະທໍາ ແລະການດຳລົງຊີວິດຮັກສາ ໄດ້ຮີດຄອງປະເພນີ ພື້ນບ້ານກໍ ຄືທ້ອງຖິ່ນ.

 

- 13 - ກຽມຮ່ວມສະຫລອງ 100 ປີ ບ້ານນາປົ່ງບ້ານແຫ່ງຕຳນານປິ້ງໄກ່ຊື່ດັງຂອງລາວ

ຕາມການບອກເລົ່າຕໍ່ກັນ ມາຂອງລຸ້ນ, ປູ່-ຍ່າ, ຕາຍາຍ ຈິ່ງຮູ້ວ່າ: ນັບຈາກນີ້ຄືນຫລັງ100 ກວ່າປີ ມີກຸ່ມຄົນຈຳນວນ ໜຶ່ງໄດ້ພາກັນມາຕັ້ງຖິ່ນຖານ ແລະທຳມາຫາກິນທີ່ນີ້ໂດຍ ມີການເຮັດໄຮ່ເຮັດນາມາຕະຫຼອດ,ໃນແຕ່ລະປີຢູ່ຕາມເຂດ ຫົວໄຮ່ປາຍນາສັງເກດເຫັນວ່າມີສັດລ້ຽງແລະສັດປ່າມັກມາ ກິນປົ່ງຢູ່ຫົວນາຕະຫຼອດແຕ່ ກໍບໍ່ໝົດຈັກເທື່ອ, ຊາວບ້ານຈິ່ງ ຮອງຊື່ນານັ້ນວ່າ“ນາປົ່ງ” ແລ້ວ ກໍເອີ້ນເປັນຊື່ຂອງບ້ານນັບແຕ່ ນັ້ນມາຈົນເຖິງທຸກມື້ນີ້.

ສ່ວນປີ້ງໄກ່ນາປົ່ງແມ່ນ ປະຊາຊົນໃນບ້ານນັ້ນມີແນວຄິດປະດິດສ້າງເຮັດຄ້າເຮັດຂາຍຄືປີ1945 ພໍ່ຕູ້ທິດຫຼ້າໄດ້ນຳເອົາສັດ ປ່າຕ່າງໆມາປີ້ງຂາຍເວລານັ້ນສັດປ່າມີຫລາຍແຕ່ເອົາຍາກ ຈິ່ງໄດ້ຈັບເອົາໄກ່ທີ່ຕົນເອງລ້ຽງມາເຮັດປີ້ງເລາະຂາຍໃຫ້ຄົນ ຝຣັ່ງເມື່ອຊາວບ້ານເຫັນລຸງເຮັດ ແລ້ວໄດ້ຂາຍດີ ຈິ່ງນຳເອົາສູດ ເອືອບປີ້ງຂອງພໍ່ຕູ້ທິດຫຼ້າໄປເຮັດ, ເຈົ້າກະເຮັດຂ້ອຍກະເຮັດ ໃຜກະເຮັດ, ເຮັດຈົນໝົດບ້ານ ນັ້ນ,ເມື່ອເດີນທາງລົງເມື່ອໃຕ້ ກາຍບ້ານນາປົ່ງ ຈິ່ງເຫັນປະຊາຊົນຂາຍປີ້ງໄກ່ເຕັມສອງ ຂ້າງທາງ ເມື່ອເຫັນແນວນັ້ນ ທ່ານບຸນທ່ຽງ ລັດຕະນະວົງ ຈິ່ງໄປສຶກສາແລ້ວນຳສູດມາ ຕໍ່ຍອດພັດທະນາເປັນທຸລະກິດ ຂາຍຢູ່ນະຄອນຫຼວງວຽງຈັນ ໂດຍການເປີດຮ້ານປີ້ງໄກ່ນາ ປົ່ງຢ່າງມີລະບົບ, ເນັ້ນຄຸນນະ ພາບເປັນຫຼັກ,ໄກ່ກໍແມ່ນໄກ່ ພື້ນບ້ານແທ້,ການບໍລິການກໍ ເປັນເລີດໄວທັນໃຈ, ລົດຊາດ ກໍແຊບ,ໃຜໄປກິນກໍຕິດໃຈ, ນັບມື້ນັບມີຄົນນິຍົມໄປກິນ ຫລາຍຂຶ້ນຈົນທຸລະກິດເຕີບ ໃຫຍ່ສາມາດຂະຫຍາຍສາ ຂາອອກໄດ້ຫຼາຍຮ້ານໃນນະ ຄອນຫລວງວຽງຈັນ ແລະ ບ່ອນອື່ນໆໃນທົ່ວປະເທດ, ສາມາດສ້າງວຽກເຮັດງານ ທຳໃຫ້ສັງຄົມໄດ້ເປັນຈຳນວນຫລາຍ, ຍອດການຂາຍໃນລະ ດັບ15ພັນໂຕຕໍ່ມື້; ຍ້ອນສ້າງ ຮ້ານມີລະບົບ, ມີມາດຖານທີ່ດີ,ມີການພັດທະນາ ທ່ານ ບຸນ ທ່ຽງລັດຕະນະວົງ ຈິ່ງໄດ້ຮັບ ລາງວັນນັກທຸລະກິດດີເດັ່ນ ປະຈຳປີ2017.

- 14 - ກຽມຮ່ວມສະຫລອງ 100 ປີ ບ້ານນາປົ່ງບ້ານແຫ່ງຕຳນານປິ້ງໄກ່ຊື່ດັງຂອງລາວ