ເຮືອອາຫານຂອງ ສປຊ ທຽບທ່າເຢເມນ ຄັ້ງທຳອິດໃນຮອບເດືອນ

- advert banner 728 90 728x90 - ເຮືອອາຫານຂອງ ສປຊ ທຽບທ່າເຢເມນ ຄັ້ງທຳອິດໃນຮອບເດືອນ

​ເຮືອ​ລຳລຽງອາຫານ​ຂອງ​ສະຫະ​ປະຊາ​ຊາດ​ເຂົ້າຈອດ​ທຽບ​ທ່າ​ຢູ່​ເຢ​ເມນ​ໄດ້​ເປັນຄັ້ງທຳ​ອິດ​ໃນ​ຮອບ 3 ອາທິດ, ພາຍຫລັງ​ອາຣັບບີ ຊາ​ອຸ​ດິດ ຫລຸດຜ່ອນ​ມາດ​ຕະການ​ປິດ​ກັ້ນຊາຍ​ແດນ.

- lattana 1 - ເຮືອອາຫານຂອງ ສປຊ ທຽບທ່າເຢເມນ ຄັ້ງທຳອິດໃນຮອບເດືອນ

- 5jrwpbhl - ເຮືອອາຫານຂອງ ສປຊ ທຽບທ່າເຢເມນ ຄັ້ງທຳອິດໃນຮອບເດືອນ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ຊາ​ນາ ປະ​ເທດ​ເຢ​ເມນ ​ໃນ​ວັນ​ທີ 27 ພະຈິກ​ວ່າ: ​ໂຄງການ​ອາຫານ​ໂລກ (WFO) ອອກ​ຖະ​ແຫລ​ງການ​ໃນ​ວັນ​ທີ 26 ພະຈິກ​ວ່າ: ​ເຮືອ​ບັນທຸກ​ອາຫານ​ຂອງ WFO ສ່ວນ​ຫລາຍ​ເປັນ​ທັນ​ຍາ​ພືດ​ນ້ຳໜັກ​ 25.000 ​ໂຕນ ​ເຂົ້າຈອດ​ທຽບ​ທ່າ​ເຮືອ​ຢູ່​ເມືອງ​ຊາ​ລິບ ​ເຊິ່ງ​ເປັນ​ພື້ນທີ່​ຍຶດຄອງ​ຂອງ​ຝ່າຍ​ກະບົດ ຕັ້ງຢູ່​ແຄມ​ຝັ່ງ​ທະ​ເລ​ແດງ ທາງ​ຕາ​ເວັນ​ຕົກ​ຂອງ​ເຢ​ເມນ ​ໃນ​ວັນ​ທີ 26 ພະຈິກ.

- iw8ur5fv - ເຮືອອາຫານຂອງ ສປຊ ທຽບທ່າເຢເມນ ຄັ້ງທຳອິດໃນຮອບເດືອນ

ການ​ທີ່​ເຮືອ​ບັນທຸກ​ອາຫານ​ຂອງ WFO ສາມາດ​ເຂົ້າຈອດ​ທຽບ​ທ່າ​ເຮືອ​ຢູ່​ເຢ​ເມນ​ໄດ້​ໃນ​ຄັ້ງນີ້ ຖື​ເປັນຄັ້ງທຳ​ອິດ​ໃນ​ຮອບ 3 ອາທິດ, ພາຍຫລັງ​ອາຣັບບີ ຊາ​ອຸ​ດິດ ​ແລະ ພັນທະ​ມິດ ຍອມ​ຫລຸດຜ່ອນ​ການ​ປິດ​ກັ້ນຊາຍ​ແດນ​ເຢ​ເມນ​ທັງ​ທາງບົກ, ທາງ​ທະ​ເລ ​ແລະ ທາງ​ອາກາດ ທີ່​ເກີດ​ຂຶ້ນ​ແຕ່​ວັນ​ທີ 6 ພະຈິກ ​ໂດຍ​ມາດ​ຕະການ​ດັ່ງກ່າວ​ເນັ້ນໜັກ​ຢ່າງ​ຈະ​ແຈ້ງ​ໃນ​ເຂດ​ທີ່ຢູ່​ພາຍ​ໃຕ້​ການ​ຍຶດຄອງ​ຂອງ​ກຸ່ມ​ຮູ​ຕີ ​ເຊິ່ງລວມທັງ​ນະຄອນຫລວງ​ຊາ​ນາ ທີ່​ກຸ່ມ​ຮູ​ຕີ​ຍຶດຄອງ​ໄດ້​ຢ່າງ​ໜຽວ​ແໜ້ນ​ມາ​ແຕ່​ເດືອນ​ກັນຍາ 2014 ​ແລະ ການ​ສູ້​ຮົບ​ທະວີ​ຄວາມ​ຮຸນ​ແຮງ​​ແຕ່​ເດືອນ​ມີນາ 2015 ​ເມື່ອ​ອາຣັບບີ ຊາ​ອຸ​ດິດ ​ແລະ ພັນທະ​ມິດ​ເຂົ້າມາ​ມີ​ສ່ວນ​ຮ່ວມ ​ເຊິ່ງຂໍ້​ມູນ​ຜູ້​ເສຍ​ຊີວິດ​ນັບ​ຈາກ​ນັ້ນຕາມ​ການ​ຕີ​ລາຄາ​ຂອງ​ສະຫະ​ປະຊາ​ຊາດ (ສປຊ) ມີ​ຫລາຍ​ກວ່າ 8.600 ຄົນ. ນອກຈາກ​ນີ້ ຍັງ​ມີ​ອີກ​ຫລາຍ​ກວ່າ 2.000 ຄົນ ​ເສຍ​ຊີວິດ​ຈາກ​ອະຫິ​ວາລະ​ບາດ​ໃນ​ປີ​ນີ້.

ຂະນະ​ທີ່​ເຮືອບິນ​ລຳລຽງ​ຢາ​ຂອງ​ຄະນະ​ກຳມະການ​ກາ​ແດງ​ສາກົນ (ICRC), ອົງການ​ອະນາ​ໄມ​ໂລກ (WHO) ​ແລະ ກອງ​ທຶນ​ເພື່ອ​ເດັກ​ແຫ່ງ​ສະຫະ​ປະຊາ​ຊາດ (Unicef) ລົງ​ຈອດ​ຢູ່​ສະໜາມ​ບິນ​ສາກົນ​ຊາ​ນາ ​ໄດ້​ເປັນຄັ້ງທຳ​ອິດ​ໃນ​ຮອບ 3 ອາທິດ​ເຊັ່ນ​ກັນ ​ໃນ​ວັນ​ທີ 26 ພະຈິກ.