ເວລາທີ່ດີສຸດຂອງການດື່ມນ້ຳ

- advert banner 728 90 728x90 - ເວລາທີ່ດີສຸດຂອງການດື່ມນ້ຳ

ໃນທຸກໆມື້ຮ່າງກາຍຈະຕ້ອງສູນເສຍນຳ້ ຜ່ານທາງການຫາຍໃຈ ແລະ ການຂັບຖ່າຍ ຈຶ່ງເປັນສິ່ງທີ່ຈຳເປັນຫລາຍທີ່ຈະຕ້ອງຮັບນຳ້ເຂົ້າໄປ ເພື່ອທົດແທນພາກສ່ວນທີ່ເສຍໄປ ແລະ ໂດຍປົກກະຕິເຮົາຈະເສຍນຳ້ຈາກການຍ່ຽວສະເລ່ຍມື້ລະປະມານ 1,5 ລິດ ແລະ ອີກເກືອບເຖິງ 1 ລິດສຳລັບການຫາຍໃຈ ແລະ ເຫື່ອ ຖ້າທ່ານດື່ມນຳ້ໃຫ້ໄດ້ມື້ລະ 2 ລິດ (ປະມານ 8 ຈອກ) ກໍຈະຊ່ວຍທົດແທນການສູນເສຍນຳ້ໃນພາກສ່ວນນີ້ໄດ້ ແຕ່ສຳລັບປະລິມານນຳ້ທີ່ຄວນດື່ມໃຫ້ໄດ້ພາຍໃນ 1 ມື້ເພື່ອສຸຂະພາບທີ່ດີ ຂອງທ່ານແລ້ວ ຖ້າເປັນຜູ້ຊາຍຄວນດື່ມໃຫ້ໄດ້ມື້ລະ 3 ລິດ (ປະມານ 13 ຈອກ) ສ່ວນແມ່ຍິງຄວນດື່ມນຳ້ໃຫ້ໄດ້ມື້ລະ 2,2 ລິດ (ປະມານ 9 ຈອກ).

- lattana 1 - ເວລາທີ່ດີສຸດຂອງການດື່ມນ້ຳ

ສຳລັບຄົນມັກຫລິ້ນກິລາ ຈະຕ້ອງດື່ມນຳ້ໃນປະລິມານທີ່ຫລາຍຂຶ້ນກ່ວາຄົນປົກກະຕິ ທັງນີ້ກໍຂຶ້ນຢູ່ກັບຊະນິດຂອງກິດຈະກຳທີ່ເຮັດນຳ ຖ້າທ່ານອອກກຳລັງກາຍໃນໄລຍະສັ້ນໆກໍຄວນຈະດື່ມນຳ້ຕື່ມເຂົ້າໄປເທື່ອລະ 1 – 2 ຈອກ ຫລັງຈາກການອອກກຳລັງກາຍແລ້ວ, ແຕ່ຖ້າເປັນໄລຍະຍາວໆກໍຄວນເພີ່ມຂຶ້ນອີກປະມານ 2 – 3 ຈອກ.

ແຕ່ລະໄລຍະຂອງການດື່ມນຳ້ທີ່ໃຫ້ປະໂຫຍດຫລາຍທີ່ສຸດ :

– ຕື່ນນອນຕອນເຊົ້າ 1 ຈອກ (400 ເຊເຊ) ເພາະເປັນໄລຍະເວລາທີ່ມີຄວາມເຂັ້ມຂຸ້ນຂອງເລືອດສູງ ເພາະເລືອດຈະມີລັກສະນະຂາດນຳ້.

– ຕອນສວາຍໆ 2 ຈອກ (ເວລາປະມານ 9 – 10 ໂມງ) ໄລຍະນີ້ເປັນໄລຍະທີ່ມີສິ່ງເສດເຫລືອເກີດຂຶ້ນ ເພາະຮ່າງກາຍໄດ້ເຮັດວຽກໄປໄລຍະໜຶ່ງແລ້ວ ສະນັ້ນ ຈຶ່ງຄວນດື່ມນຳ້ເພື່ອຊຳລະລ້າງເອົາສິ່ງເສດເຫລືອເຫລົ່ານັ້ນອອກໄປ.

– ຕອນບ່າຍໆ 3 ຈອກ (ເວລາປະມານ 13 – 14 ໂມງ).

– ຕອນແລງ 3 ຈອກ (ເວລາປະມານ 19 – 20 ໂມງ).

– ກ່ອນເຂົ້ານອນໃຫ້ດື່ມນຳ້ອີກ 1 ຈອກ ເພື່ອໃຫ້ນຳ້ທີ່ດື່ມໄຫລວຽນຊຳລະລ້າງສິ່ງຕົກຄ້າງໃນລຳໄສ້ ແລະ ກະເພາະອາຫານ ແລະ ຍິ່ງຖ້າເປັນນຳ້ອຸ່ນໆຈະຍິ່ງຊ່ວຍໃຫ້ຫລັບສະບາຍຍິ່ງຂຶ້ນ.