ໄຟ​ໄໝ້ສາງ​ອາ​ໄຫລ່​ລົດເຂດ​ບ້ານ​ສະພັງ​ມຶກ​ຍ້ອນ​ໄຟ​ຟ້າລັດວົງຈອນ

- advert banner 728 90 728x90 - ໄຟ​ໄໝ້ສາງ​ອາ​ໄຫລ່​ລົດເຂດ​ບ້ານ​ສະພັງ​ມຶກ​ຍ້ອນ​ໄຟ​ຟ້າລັດວົງຈອນ

​ເຈົ້າໜ້າທີ່ຕຳຫລວດ​ສະກັດ​ກັ້ນ ​ແລະ ມອດ​ໄຟ ນະຄອນຫລວງ​ວຽງຈັນ, ​ໄດ້​ເປີດ​ເຜີຍວ່າ: ​ເຫດ​ໄຟ​ໄໝ້ສາງ​ອາ​ໄຫລ່​ລົດໃຫຍ່ ແລະ ລົດຈັກ​ເຂດ​ບ້ານສະພັງ​ມຶກ ​ເມືອງ​ໄຊທານີນະຄອນຫລວງ​ວຽງຈັນ​ເມື່ອທ້າຍ​ອາທິດ​ຜ່ານ​ມານີ້, ​ແມ່ນ​ຍ້ອນ​ໄຟຟ້າ​ລັດ​ວົງ​ຈອນ ແລະ ປັດຈຸບັນເຈົ້າໜ້າທີ່ຍັງສືບຕໍ່​ດຳ​ເນີນ​ການ​ສືບສວນ-ສອບ​ສວນຜູ້​ຢູ່​ໃນ​ເຫດການ ​​ແລະ ຄາດ​ວ່າ​ຈະ​ຮູ້​ສາ​ເຫດ​ໄດ້​ໃນ​ອີກ 3 ວັນ​ຕໍ່ໜ້ານີ້. ​ໄຟ​ໄໝ້ສາງ​ອາ​ໄຫລ່​ລົດຈັກ​ຂອງ​ບໍລິສັດ ມິດ​ວຽງ ຈຳກັດ, ​ເຊິ່ງ​ເປັນ​ຂອງ​ຄົນ​ລາວ​ລົງທຶນ, ​ເປັນ​ອາຄານຊັ້ນ​ດຽວມີ​ເນື້ອທີ່ 45×20 ​ແມັດ, ​ແບ່ງ​ອອກ​ເປັນ​ຫ້ອງ​ຂາຍ​ພາຫະນະ, ອຸປະກອນ​ອາ​ໄຫລ່​ລົດ ​ແລະ ສາງ​ເກັບ​ມ້ຽນ​ເຄື່ອງ, ຊຶ່ງຈຸດ​ເກີດ​ເຫດ​ແມ່ນ​ຢູ່​ສາງ​ໃຫຍ່​ດ້ານ​ຫລັງ​ຂອງ​ບໍລິສັດ, ​ເຊິ່ງມີ​ຜົນ​ເສຍ​ຫາຍ​ຫລາຍ​ຮ້ອຍ​ລ້ານ​ກີບ ​ແລະ ລົດ​ກະບະ 2 ຄັນ.

- lattana 1 - ໄຟ​ໄໝ້ສາງ​ອາ​ໄຫລ່​ລົດເຂດ​ບ້ານ​ສະພັງ​ມຶກ​ຍ້ອນ​ໄຟ​ຟ້າລັດວົງຈອນ

ຂ່າວ​ຍັງ​ໃຫ້​ຮູ້​ວ່າ: ວັນ​ທີ 24 ພະຈິກ​ນີ້, ກົມ​ຕຳຫລວດ​ສະກັດ​ກັ້ນ ​ແລະ ຕ້ານ​ອັກຄີ​ໄພ​ໄດ້​ປິດ​ບັ້ນ​ອົບຮົມ​ວິຊາ​ສະ​ເພາະ​ໄລຍະ​ສັ້ນ​ໃຫ້​ພະນັກງານ​ມອດ​ໄຟ​ທົ່ວ​ປະ​ເທດ, ​ເພື່ອ​ປັບປຸງ​ແບບ​ແຜນ​ວິທີ​ເຮັດ​ວຽກຂອງ​ກຳລັງ​ມອດ​ໄຟໃຫ້ມີຄວາມເຂັ້ມແຂງ ແລະ ມີຄວາມ​ຮູ້​ພຶ້ນຖານ​ໃນ​ການ​ສະກັດ​ກັ້ນ ​ແລະ ຕ້ານ​ອັກຄີ​ໄພ, ວຽກງານ​ກວດກາ​ຄວາມ​ປອດ​​ໄພ​ ແລະ ການໂຄສະນາ​ສະກັດ​ກັ້ນ ​ແລະ ຕ້ານ​ເຫດຮ້າຍດັ່ງກ່າວໃຫ້ມີປະສິດທິພາບກວ່າເກົ່າ.