ມອບເຄື່ອງກົນຈັກກະສິກຳ ໃຫ້ແຂວງເປົ້າໝາຍຂອງໂຄງການ

- advert banner 728 90 728x90 - ມອບເຄື່ອງກົນຈັກກະສິກຳ ໃຫ້ແຂວງເປົ້າໝາຍຂອງໂຄງການ

ໂຄງການຄໍ້າປະກັນສະບຽງອາຫານ ແລະ ຜະລິດເປັນສິນຄ້າແຫ່ງຊາດ ຊຶ່ງແມ່ນກົມສົ່ງເສີມເຕັກນິກ ແລະ ປຸງແຕ່ງກະສິກຳ ເປັນຜູ້ຈັດຕັ້ງປະຕິບັດ, ຊຶ່ງໂຄງການດັ່ງກ່າວ ໄດ້ປະຕິບັດຢູ່ 10 ແຂວງ ແລະ 51 ເມືອງຈຸດສຸມຂອງລັດຖະບານ. ໃນນັ້ນແຂວງໄຊຍະບູລີ ແມ່ນແຂວງເປົ້າໝາຍໜຶ່ງຂອງໂຄງການ, ທີ່ຈະສະໜອງເຄື່ອງກົນຈັກກະສິກຳ ແລະ ອຸປະກອນຮັບໃຊ້ການຜະລິດຈຳນວນໜຶ່ງ ເພື່ອເຮັດໃຫ້ການຈັດຕັ້ງປະຕິບັດໂຄງການດັ່ງກ່າວດຳເນີນໄປຢ່າງຕໍ່ເນື່ອງ ແລະ ມີປະສິດທິຜົນສູງຄື: ໃນວັນທີ 27 ພະຈິກນີ້, ກົມສົ່ງເສີມເຕັກນິກ ແລະ ປຸງແຕ່ງກະສິກໍາ, ໄດ້ຈັດພິທີມອບເຄື່ອງກົນຈັກດັ່ງກ່າວ ໃຫ້ສູນພັດທະນາກະສິກຳ 30 ເຮັກຕາ, ເມືອງ ພຽງ, ແຂວງ ໄຊຍະບູລີ ລວມມີ: ລົດໄຖນາ ລຸ້ນ L5018 4WD, 50 ແຮງມ້າ 1 ຄັນ ແລະ ອຸປະກອນສ້ອມແປງ 1 ຊຸດ, ລົດດຳນາເດີນຕາມລຸ້ນ SPW-48C ຈໍານວນ 1 ຄັນ, ແຕະຕົກກ້າ 1.000​ ແຕະ, ເຄື່ອງຢອດເມັດ 2 ເຄື່ອງ ແລະ ຈັກປັ່ນເຂົ້າ 1 ເຄື່ອງ ລວມເປັນມູນຄ່າຫຼາຍກວ່າ 320 ລ້ານກີບ. ເພື່ອນຳໃຊ້ເຂົ້າໃນການສົ່ງເສີມການຜະລິດເມັດພັນ ແລະ ຜະລິດເຂົ້າເປັນສິນຄ້າຕາມແຜນງານ ຂອງໂຄງການຄໍ້າປະກັນສະບຽງອາຫານແຫ່ງຊາດວາງໄວ້ໃຫ້ປະສົບຜົນສໍາເລັດ.

- lattana 1 - ມອບເຄື່ອງກົນຈັກກະສິກຳ ໃຫ້ແຂວງເປົ້າໝາຍຂອງໂຄງການ