ຜູ້ນຳຈີນເນັ້ນການປະຕິວັດ ລະບົບສຸຂາພິບານໃນປະເທດ

- advert banner 728 90 728x90 - ຜູ້ນຳຈີນເນັ້ນການປະຕິວັດ ລະບົບສຸຂາພິບານໃນປະເທດ

ປະທານປະເທດຈີນເນັ້ນໃຫ້ທຸກຝ່າຍທີ່ກ່ຽວຂ້ອງຮ່ວມກັນເດີນໜ້ານະໂຍບາຍ “ປະຕິວັດ” ສຸຂາໃນປະເທດໃຫ້ລຸລ່ວງຕາມເປົ້າໝາຍ ເພື່ອຄຸນນະພາບຊີວິດທີ່ດີຂຶ້ນຂອງປະຊາຊົນ ແລະ ຍົກລະດັບພາບພົດດ້ານການທ່ອງທ່ຽວ.

- lattana 1 - ຜູ້ນຳຈີນເນັ້ນການປະຕິວັດ ລະບົບສຸຂາພິບານໃນປະເທດ

ສຳນັກຂ່າວຕ່າງປະເທດລາຍງານຈາກນະຄອນຫລວງປັກກິ່ງ ສປ ຈີນ ໃນວັນທີ 27 ພະຈິກວ່າ: ສຳນັກຂ່າວຊິນຮົວຂອງທາງການຈີນລາຍງານໂດຍອ້າງຄຳກ່າວຂອງປະທານປະເທດ ສີ ຈິ້ນຜິງ ໃນການເນັ້ນເຕືອນໃຫ້ໜ່ວຍງານທຸກແຫ່ງທີ່ກ່ຽວຂ້ອງຮ່ວມກັນຍຶດໝັ້ນ ແລະ ເດີນໜ້າຄວາມພະຍາຍາມໃນການ “ປະຕິວັດ” ລະບົບສຸຂາພິບານໃຫ້ສຳເລັດລຸລ່ວງຕາມເປົ້າໝາຍ ເພື່ອຍົກລະດັບຄຸນນະພາບຊີວິດຂອງປະຊາຊົນ ແລະ ເປັນການສົ່ງເສີມອຸດສາຫະກຳການທ່ອງທ່ຽວຂອງປະເທດ ໂດຍຜູ້ນຳຈີນກ່າວອີກວ່າ: ບັນຫາເລື່ອງສຸຂາພິບານ “ບໍ່ແມ່ນເລື່ອງນ້ອຍ”, ແຕ່ເປັນພື້ນຖານສຳຄັນໃນການຍົກລະດັບຄຸນນະພາບຊີວິດຂອງພົນລະເມືອງ ແລະ ການພັດທະນາລະບົບໂຄງລ່າງພື້ນຖານ.

- 186be20641984b7580e912c1a73e60b5 780x520 - ຜູ້ນຳຈີນເນັ້ນການປະຕິວັດ ລະບົບສຸຂາພິບານໃນປະເທດ

ທັງນີ້, ຜູ້ນຳຈີນປະກາດແຜນຍຸດທະສາດ “ປະຕິວັດສຸຂາ” ໃນປີ 2015 ເພື່ອສົ່ງເສີມພາບພົດ “ການມີອາລິຍະທຳ” ຂອງປະເທດ ແລະ ເພື່ອຄວາມເພິ່ງພໍໃຈໃນການດຳລົງຊີວິດຂອງປະຊາຊົນ ໂດຍລາຍງານຂອງສຳນັກຂ່າວຊິນຮົວລະບຸອີກວ່າ: ການລົງພື້ນທີ່ຊົນນະບົດຂອງຜູ້ນຳຈີນນັບແຕ່ປີ 2012 ໄດ້ມີການສັງເກດການລະບົບສຸຂາໃນພື້ນທີ່ນຳອີກ. ຂະນະທີ່ສຳນັກງານການທ່ອງທ່ຽວແຫ່ງຊາດຂອງຈີນປະກາດແຜນປະຕິຮູບສຸຂາ 64.000 ແຫ່ງທົ່ວປະເທດ ລະຫວ່າງປີ 2018-2020 ຫລັງໄລຍະ 3 ປີຜ່ານມາ ໄດ້ປັບປຸງສຸຂາທົ່ວປະເທດແລ້ວ 68.000 ແຫ່ງ ຄິດເປັນ 19% ຂອງເປົ້າໝາຍທີ່ກຳນົດໄວ້.