ອົງການກາແດງລາວ ສືບຕໍ່ປັບປຸງຮ່າງກົດໝາຍກາ​ແດງ​ລາວ

- advert banner 728 90 728x90 - ອົງການກາແດງລາວ ສືບຕໍ່ປັບປຸງຮ່າງກົດໝາຍກາ​ແດງ​ລາວ

ພາຍຫຼັງທີ່ກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ 8 ໄດ້ພິຈາລະນາຮັບຮອງ ແລະ ໃຫ້ຄຳຄິດເຫັນຕໍ່ຮ່າງກົດໝາຍວ່າດ້ວຍວຽກງານກາ ແດງລາວ ໃນວັນທີ 31 ຕຸລາຜ່ານມານີ້, ອົງການ​ກາ​ແດງ​ລາວ ​ໄດ້ສືບຕໍ່ປັບປຸງເນື້ອ ໃນຕາມຈິດໃຈຂອງການປະກອບຄຳເຫັນຂອງສະມາຊິກສະພາແຫ່ງຊາດ ຕໍ່ຮ່າງກົດໝາຍດັ່ງກ່າວ ໃນວັນທີ 23-24 ພະຈິກນີ້, ທີ່ເມືອງວັງວຽງ, ແຂວງວຽງຈັນ, ​​ໂດຍອົງການກາແດງລາວ, ສົມທົບກັບກຳມາທິການທີ່ກ່ຽວຂ້ອງຈາກສະພາແຫ່ງຊາດ ໄດ້ເປີດກອງປະຊຸມປຶກສາຫາລື ປັບປຸງຮ່າງກົດໝາຍດັ່ງກ່າວ, ໂດຍການເປັນປະທານຂອງທ່ານ ສາຍທອງ ແກ້ວດວງດີ ປະທານກຳມາທີການກົດໝາຍສະພາແຫ່ງຊາດ, ທ່ານຄຳຮຸ່ງ ເຮືອງວົງສີ ປະທານອົງການກາແດງລາວ, ທ່ານ ສົມພູ ດວງສະຫວັນ ປະທານກຳມາທິການວັດທະ ນາທຳ-ສັງຄົມ ແລະ ມີທ່ານ ດາວວອນ ຫວ່າງວິຈິດ ອາດີດ ປະທານກຳມາທິການກົດໝາຍ, ທ່ານ ເກດ ກຽດຕິສັກ ອາດີດຮອງລັດຖະມົນຕີກະ ຊວງຍຸຕິທ,ຳ ພ້ອມດ້ວຍພະນັກງານ-ວິຊາການຈາກສະພາແຫ່ງຊາດ ແລະ ພາກສ່ວນ ທີ່ກ່ຽວຂ້ອງເຂົ້າຮ່ວມ. ກອງປະຊຸມໄດ້ສຸມໃສ່ປັບປຸງ ແລະ ຮຽບຮຽງຄືນຮ່າງກົດໝາຍ ວ່າດ້ວຍກາແດງ ລາວ ເພື່ອເຮັດໃຫ້ເນື້ອໃນມີຄວາມໝາຍຄົບຖ້ວນ ແລະ ສົມບູນ ຕາມ ເນື້ອໃນຈິດໃຈ ແລະ ຄຳຄິດເຫັນຂອງສະມາຊິກສະພາແຫ່ງຊາດ. ເພື່ອສະເໜີຄະນະປະ ຈຳສະພາແຫ່ງຊາດ ພິຈາລະນາ, ຮັບຮອງ ແລະ ປະທານປະເທດອອກລັດຖະດຳລັດ ປະກາດໃຊ້ໃນອະນາຄົດ.

- lattana 1 - ອົງການກາແດງລາວ ສືບຕໍ່ປັບປຸງຮ່າງກົດໝາຍກາ​ແດງ​ລາວ