ຕຳຫລວດເມືອງສີໂຄດຕະບອງມ້າງແຫລ່ງຂາຍຢາບ້າພ້ອມຂອງກາງ 2.000 ເມັດ

- advert banner 728 90 728x90 - ຕຳຫລວດເມືອງສີໂຄດຕະບອງມ້າງແຫລ່ງຂາຍຢາບ້າພ້ອມຂອງກາງ 2.000 ເມັດ

ເຈົ້າໜ້າທີ່ ປກສ ເມືອງ ສີໂຄດຕະບອງນະຄອນຫລວງ ວຽງຈັນ ໃຫ້ຮູ້ວ່າ: ພາຍຫລັງ ໄດ້ ຮັບແຈ້ງຈາກພົນລະເມືອງດີວ່າ ມີເຮືອນຫລັງໜຶ່ງໃນເຂດບ້ານ ສີຊົມຊື່ນເມືອງສີໂຄດຕະບອງ, ໄດ້ລັກລອບຄ້າຂາຍຢາເສບຕິດ ໃຫ້ໄວລຸ້ນພາຍໃນບ້ານ ແລະ ບ້ານ ໃກ້ຄຽງ, ອັນໄດ້ສ້າງຄວາມບໍ່ສະ ຫງົບ ແລະ ບໍ່ເປັນລະບຽບຮຽບ ຮ້ອຍໃນຊຸມຊົນ ແລະ ສ້າງ ຄວາມ ຢ້ານກົວ ຕໍ່ປະຊາຊົນທີ່ອາໃສຢູ່ ບໍລິເວນໃກ້ຄຽງ, ຈຶ່ງໄດ້ຈັດກຳ ລັງລົງຕິດຕາມກວດກາເຫັນວ່າ ເປັນຄວາມຈິງແທ້ ແລະ ນໍາກໍາ ລັງເຂົ້າປິດລ້ອມ ແລະ ກວດຄົ້ນ ເຮືອນດັ່ງກ່າວ ແລະ ພົບເຫັນຢາ ບ້າຫລາຍກວ່າ 2 ພັນເມັດຊຸກ ເຊື່ອງໄວ້ໃນຫ້ອງນອນ, ພ້ອມທັງ ຈັບຕົວທ້າວ ວັນສະເຫລີມ ອາຍຸ 30 ປີເຈົ້າຂອງເຮືອນມາດໍາເນີນ ຄະດີຕາມລະບຽບກົດໝາຍ.
ຜ່ານການສືບສວນ- ສອບ ສວນຂອງເຈົ້າໜ້າທີ່ຜູ້ກ່ຽວໄດ້ ຮັບສາລະພາບວ່າ: ຢາເສບຕິດ ດັ່ງກ່າວເປັນຂອງຕົນແທ້, ໂດຍ ຊື້ມາຈາກຂະບວນການດຽວກັນ ເພື່ອຂາຍໃຫ້ໄວລຸ້ນຊາວໜຸ່ມໃນ ຊຸມຊົນ ແລະ ບ້ານໃກ້ຄຽງ.

- lattana 1 - ຕຳຫລວດເມືອງສີໂຄດຕະບອງມ້າງແຫລ່ງຂາຍຢາບ້າພ້ອມຂອງກາງ 2.000 ເມັດ

- yaba - ຕຳຫລວດເມືອງສີໂຄດຕະບອງມ້າງແຫລ່ງຂາຍຢາບ້າພ້ອມຂອງກາງ 2.000 ເມັດ

+ ປກສ ເມືອງຈັນທະບູລີ ມອບລົດຄືນໃຫ້ເຈົ້າຂອງ

+ ຊົມເຊີຍ ປກສ ໄຊເສດຖາສາມາດຈັບແກ໋ງປຸ້ນຊັບອັນຕະລາຍມາດໍາເນີນຄະດີ

ເຈົ້າໜ້າທີ່ ໃຫ້ຮູ້ຕື່ມວ່າ: ຜ່ານມາຜູ້ກ່ຽວເຄີຍຕ້ອງໂທດ ມາແລ້ວໜຶ່ງຄັ້ງໃນຂໍ້ຫາລັກຊັບພົນລະເມືອງ.
ຂ່າວໃຫ້ຮູ້ອີກວ່າ: ເມື່ອບໍ່ດົນ ມານີ້, ເຈົ້າໜ້າທີ່ ປກສ ແຂວງ ສະຫວັນນະເຂດ ສາມາດຈັບຜູ້ ຄ້າຢາເສບຕິດໄດ້ 4 ຄົນຄື: ທ້າວ ສຸພາລັກອາຍຸ 32 ປີ, ທ້າວ ສົມ ພອນ ອາຍຸ 23 ປີຢູ່ບ້ານ ນາ ໂມງ, ທ້າວ ປີ້ງ ອາຍຸ 22 ປີ ແລະ ທ້າວ ກາໂນ້ ອາຍຸ 25 ປີຢູ່ ບ້ານ ຫ້ວຍມ່ວງເມືອງ ໄຊພູທອງ, ພ້ອມຂອງກາງຢາບ້າ2.074 ເມັດ, ເງິນ 4 ແສນ ກວ່າກີບ, ລົດຈັກ 2 ຄັນ, ໂທ ລະສັບ 5 ໜ່ວຍ ແລະ ປືນສັ້ນ 2 ກະບອກ ມາດໍາເນີນຄະດີຕາມລະບຽບ ກົດໝາຍ.

ເຈົ້າໜ້າທີ່ ໃຫ້ຮູ້ວ່າ: ການ ມ້າງຂະບວນການຄ້າຢາເສບ ຕິດດັ່ງກ່າວ, ແມ່ນຂະຫຍາຍ ຜົນຈາກການຈັບຕົວ ທ້າວ ບາຍ ອາຍຸ 57 ປີ ແລະ ທ້າວ ເພັດສະ ໄໝ ອາຍຸ 34 ປີຢູ່ ບ້ານໄຜ່ເມືອງ ຈຳພອນ ແຂວງ ສະຫວັນນະ ເຂດ, ພ້ອມຂອງກາງຢາບ້າ 541 ເມັດ, ເງິນ 15 ລ້ານກີບ, 23 ພັນກວ່າບາດ (ສະກຸນເງິນ ໄທ) ແລະ ລົດໃຫຍ່ໜຶ່ງຄັນ, ໂດຍໄດ້ຊັກທອດຫາພວກ ກ່ຽວ, ເຈົ້າໜ້າທີ່ຈຶ່ງໄດ້ຈັບຕົວ ມາດໍາເນີນຄະດີຕາມລະບຽບ ກົດໝາຍ.

 

- 52fde - ຕຳຫລວດເມືອງສີໂຄດຕະບອງມ້າງແຫລ່ງຂາຍຢາບ້າພ້ອມຂອງກາງ 2.000 ເມັດ