ປະທ້ວງຢູ່ປາກິດສະຖານເລີ່ມຫລຸດຜ່ອນ ຫລັງລັດຖະມົນຕີຍຸຕິທຳຍື່ນໃບລາອອກ

- advert banner 728 90 728x90 - ປະທ້ວງຢູ່ປາກິດສະຖານເລີ່ມຫລຸດຜ່ອນ ຫລັງລັດຖະມົນຕີຍຸຕິທຳຍື່ນໃບລາອອກ

ສະຖານະການຊຸມນຸມປະທ້ວງທາງການເມືອງທີ່ກ່ຽວຂ້ອງກັບບັນຫາທາງສາສະໜາຢູ່ປາກິດສະຖານມີທ່າອ່ຽງຫລຸດຜ່ອນລົງ ເມື່ອສື່ຂອງລັດຖະບານລາຍງານວ່າ: ລັດຖະມົນຕີກະຊວງຍຸຕິທຳລາອອກຈາກຕຳແໜ່ງແລ້ວ.

- lattana 1 - ປະທ້ວງຢູ່ປາກິດສະຖານເລີ່ມຫລຸດຜ່ອນ ຫລັງລັດຖະມົນຕີຍຸຕິທຳຍື່ນໃບລາອອກ

- 3565 After Violent Clashes Pakistan Braces For Military Response - ປະທ້ວງຢູ່ປາກິດສະຖານເລີ່ມຫລຸດຜ່ອນ ຫລັງລັດຖະມົນຕີຍຸຕິທຳຍື່ນໃບລາອອກ

ສຳນັກຂ່າວຕ່າງປະເທດລາຍງານຈາກນະຄອນຫລວງອິສລາມາບັດ ປະເທດປາກິດສະຖານ ໃນວັນທີ 27 ພະຈິກວ່າ: ສະຖານີໂທລະພາບ PTV ເຊິ່ງເປັນກະບອກສຽງຂອງລັດຖະບານປາກິດສະຖານ ແລະ ສະຖານີວິທະຍຸແຫ່ງຊາດຂອງປາກິດສະຖານ ລາຍງານໃນເວລາໄລ່ລຽງກັນວ່າ: ທ່ານ ຊາຮິດ ຮາມິດ ຍື່ນໜັງສືຕໍ່ນາຍົກລັດຖະມົນຕີ ຊາຮິດ ຄາກັນ ອັບບາຊີ ເພື່ອຂໍລາອອກຈາກຕຳແໜ່ງລັດຖະມົນຕີກະຊວງຍຸຕິທຳແລ້ວ ໂດຍທ່ານ ຮາມິດ ໃຫ້ເຫດຜົນບວກກັບການລາອອກວ່າ: ເພື່ອໃຫ້ບ້ານເມືອງຫລຸດພົ້ນຈາກສະພາບວິກິດ. ສ່ວນ TLYRAP ອອກຖະແຫລງການໃນເວລາຕໍ່ມາ ປະກາດຢຸດການຊຸມນຸມປະທ້ວງຕໍ່ເນື່ອງໃນຫລາຍອາທິດຜ່ານມາ ເພື່ອຕອບສະໜອງຕໍ່ລາຍງານເລື່ອງການລາອອກຈາກຕຳແໜ່ງຂອງທ່ານ ຊາຮິດ.

ທັງນີ້, ສະຖານະການການເມືອງພາຍໃນປາກິດສະຖານເຄັ່ງຕຶງໃນເດືອນນີ້ ແລະ ຂະຫຍາຍວົງກວ້າງເປັນການປັກຫລັກຊຸມນຸມ ແລະ ແຫ່ຂະບວນປະທ້ວງຕາມຖະໜົນ ໂດຍກຸ່ມນັກເຄື່ອນໄຫວທາງການເມືອງ ແລະ ສາສະໜາໃນນາມ ເຕຣີດ-ອີ-ລາໄບ ຍາ ຣາຊູລ ອັດເລາະ ປາກິດສະຖານ” (TLYRAP) ເປັນແກນນຳໃນການຈັດກິດຈະກຳ ໂດຍກຸ່ມຜູ້ຊຸມນຸມສະແດງຄວາມຄຽດແຄ້ນຢ່າງໜັກ ຕໍ່ກໍລະນີທີ່ທ່ານ ຊາຮິດ ປ່ຽນຄຳເວົ້າບາງຕອນທີ່ໃຊ້ໃນພິທີສາບານຕົນຂອງຜູ້ຮັບຕຳແໜ່ງທາງການເມືອງ ຈາກ “ຂ້າພະເຈົ້າຂໍສາບານຢ່າງເຄັ່ງຂັດ” ເປັນ “ຂ້າພະເຈົ້າເຊື່ອໝັ້ນວ່າ” ຖືເປັນຄຳເວົ້າທີ່ “ໝິ່ນສາສະໜາ”.