ຝຣັ່ງໄດ້ແຊ້ມເດວິສ ຄລັບ ສະໄໝທີ 10

- advert banner 728 90 728x90 - ຝຣັ່ງໄດ້ແຊ້ມເດວິສ ຄລັບ ສະໄໝທີ 10

ລູຄັສ ປູອິລ ເອົາຊະນະ ສະຕີຟ ດາຣ໌ຊິສ ຊ່ວຍໃຫ້ຝຣັ່ງ ເອົາຊະນະ ແບນຊິກ ຄວ້າແຊ້ມເຕັນນິສເດວິສ ຄລັບ ສະໄໝທີ 10.

- lattana 1 - ຝຣັ່ງໄດ້ແຊ້ມເດວິສ ຄລັບ ສະໄໝທີ 10

ເຕັນນິສທີມຊາຍຊີງແຊ້ມໂລກ ຫລື ເດວິສ ຄລັບ 2017 ຮອບຊີງຊະນະເລີດ ຝຣັ່ງ ອະດີດແຊ້ມ 9 ສະໄໝ ພົບ ແບນຊິກ ທີ່ສະຕາຣ໌ດ ປິແອຣ໌ ມົວຣອຍ ເມືອງລີລ ປະເທດຝຣັ່ງ. ມື້ສຸດທ້າຍປະເພດດ່ຽວຊົນມື ຫລັງຈາກ 2 ວັນຜ່ານມາ ຝຣັ່ງ ອອກນຳ 2-1 ຄູ່ ໂດຍຄູ່ທຳອິດ ດ່ຽວມືໜຶ່ງ ໂຈ-ວິລຟຣີດ ຊອງກ້າ ມື 15 ຂອງໂລກຂວັນໃຈເຈົ້າຖິ່ນ ພົບ ເດວິດ ກ໊ອຟແຟັງ ມື 7 ຂອງໂລກ ແລະ ຮອງແຊ້ມເອທີພີທົວ ໄຟນອລ ຄົນຫລ້າສຸດ ເກມຄູ່ນີ້ ກ໊ອຟແຟັງ ເອົາຊະນະໄປໄດ້ 3 ເຊັດລວດ 7-6 ໄທເບຣກ 7-5, 6-3, 6-2 ຊ່ວຍໃຫ້ ແບນຊິກ ຕີສະເໝີຝຣັ່ງ 2-2 ຄູ່ ຕ້ອງມາຕັດສິນກັນໃນຄູ່ສຸດທ້າຍ.

- 136781781 15117476628821n - ຝຣັ່ງໄດ້ແຊ້ມເດວິສ ຄລັບ ສະໄໝທີ 10

ໂດຍດ່ຽວມືສອງ ລູຄັສ ປູອິສ ມື 18 ຂອງໂລກ ພົບ ສະຕີຟ ດາຣ໌ຊິສ ມື 76 ຂອງໂລກຈາກແບນຊິກ ຜົນປາກົດວ່າ ປູອິລ ໂຊຟອມໄດ້ 33 ວິນເນີຣ໌ ເອົາຊະນະ ດາຣ໌ຊິສ ໄປໄດ້ 3 ເຊັດລວດ 6-3, 6-1, 6-0 ເຮັດໃຫ້ຝຣັ່ງ ເອົາຊະນະໄປໄດ້ 3-2 ຄູ່ ຄວ້າແຊ້ມເຕັນນິສເດວິສ ຄລັບ ສະໄໝທີ 10 ແລະ ເປັນການກັບມາທວງບັນລັງແຊ້ມອີກໃນຮອບ 16 ປີ ຫລັງຈາກຄວ້າແຊ້ມຄັ້ງສຸດທ້າຍໃນປີ 2001 ທີ່ເອົາຊະນະອົດສະຕຣາລີ ໃນຮອບຊີງຊະນະເລີດ.

ສ່ວນ ແບນຊິກ ຕ້ອງອົກຫັກເປັນຄັ້ງທີ 3 ຫລັງຈາກເຂົ້າຊີງຊະນະເລີດ 2 ຄັ້ງ ໃນປີ 1904, 2015 ໄດ້ຮອງແຊ້ມທັງໝົດ.