ໄທເກີ ວູດສ໌ ກຽມຫວນຄືນສະໜາມ

- advert banner 728 90 728x90 - ໄທເກີ ວູດສ໌ ກຽມຫວນຄືນສະໜາມ

​ໄທ​ເກີ ວູດສ໌ ນັກກ໊ອຟຊາວ​ອາ​ເມ​ລິ​ກາ ອະດີດ​ມື 1 ຂອງ​ໂລກ ພ້ອມ​ກັບ​ມາ​ລົງ​ສະໜາມ​ໃນ​ການ​ແຂ່ງຂັນ​ພີ​ຈີ​ເອ ທົວ ລາຍການ ຮີ​ໂຣ ​ເວິລດ໌ ຊາລ​ເລນ​ຈ໌.

- lattana 1 - ໄທເກີ ວູດສ໌ ກຽມຫວນຄືນສະໜາມ

​ໄທ​ເກີ ວູດສ໌ ອະດີດ​ນັກກ໊ອຟໝາຍ​ເລກ 1 ຂອງ​ໂລກ ກັບ​ມາ​ລົງ​ສະໜາມ​ຝຶກ​ຊ້ອມ ​ແລະ ກຳລັງ​ຈະ​ຄືນ​ສູ່​ສະໜາມ ຫລັງ​ຈາກ​ການ​ແຂ່ງຂັນ​ຟາຣ໌​ເມີຣ໌ ອິນ​ຊົວ​ແຣນ ​ໂອ​ເພັນ ​ໄດ້​ຄະ​ແນນ​ບໍ່​ຜ່ານ​ການ​ຕັດ​ຕົວ ​ແລະ ​ໃນ​ເດືອນ​ເມສາ ກໍ​ເຂົ້າຮັບ​ການຜ່າຕັດ​ຫລັງ​ອີກ ​ໂດຍ ​ໄທ​ເກີ ວູດສ໌ ອາຍຸ 41 ປີ ​ເຈົ້າຂອງ 14 ​ແຊ້ມ​ເມ​ເຈີຣ໌ ກ່າວ​​ເຖິງ​ຄວາມ​ພ້ອມ​ວ່າ: ລາວ​ເກືອບ​ບໍ່​ໄດ້​ຫລິ້ນ ລວມທັງ​ບໍ່​ໄດ້​ເຮັດ​ຫຍັງ​ເລີຍ​ເກືອບ 2 ປີຜ່ານມາ, ​ແຕ່​ຕອນ​ນີ້​ກຳລັງ​ຈະ​ກັບ​ມາ​ລົງ​ສະໜາມ​ອີກ ​ເພື່ອ​ຈັບ​ຈັງຫວະ​ການ​ຫລິ້ນຂອງ​ຕົນ​ເອງ ລວມທັງ​ກັບ​ໄປ​ຮູ້ສຶກ​ວ່າ ການ​ແຂ່ງຂັນ​ແບບ​ທົວນາ​ເມນ​ເປັນ​ແບບ​ໃດ, ຕອນ​ນີ້​ລາວ​ບໍ່​ຮູ້ສຶກ​​ເຈັບ​ບໍລິ​ເວນ​ຫລັງ​ແລ້ວ ​ເຊິ່ງທຽບ​ໃສ່​ປີຜ່ານມາ. ຖື​ວ່າ​ຕື່ນ​ເຕັ້ນຫລາຍ ຫລັງ​ຈາກ​ບໍ່​ໄດ້​ສຳຜັດ​ຄວາມ​ຮູ້ສຶກ​ນີ້​ມາ​ຫລາຍ​ປີ.

ສຳລັບ​ລາຍການ ຮີ​ໂຣ ​ເວິລດ໌ ຊາລ​ເລນ, ​ໄທ​ເກີ ວູດສ໌ ຈະ​ເປ​ັນ 1 ​ໃນ 18 ຜູ້​ຫລິ້ນທີ່​ລົງ​ແຂ່ງຂັນ ​ເຊິ່ງຖື​ເປັນ​ລາຍການ​ທີ່​ຕົນ​ເອງ​ເປັນ​ເຈົ້າພາບ​ຈັດການ​ແຂ່ງຂັນ ​ໂດຍ​ຜ່ານ​ມາ​ສາມາດ​ຄວ້າ​ແຊ້ມມາ​ແລ້ວ​ທັງ​ໝົດ 5 ສະ​ໄໝ.