ໂອເປັກອາດຂະຫຍາຍຂໍ້ຕົກລົງ ຈຳກັດກຳລັງຜະລິດຕໍ່ໄປອີກ

- advert banner 728 90 728x90 - ໂອເປັກອາດຂະຫຍາຍຂໍ້ຕົກລົງ ຈຳກັດກຳລັງຜະລິດຕໍ່ໄປອີກ

ຕະຫລາດ​ຄາດ​ວ່າກອງ​ປະຊຸມ​ປະ​ເທດ​ຜູ້​ສົ່ງ​ອອກ​ນ້ຳມັນ (​ໂອ​ເປັກ) ຈະ​ຂະຫຍາຍ​ຂໍ້​ຕົກລົງ​ຈຳກັດ​ກຳລັງ​ຜະລິດ​ຕໍ່​ໄປ​ອີກ​ໃນ​ກອງ​ປະຊຸມ​ວັນ​ທີ 30 ພະຈິກ​ນີ້ ​ເພື່ອ​ດັນ​ລາຄາ​ນ້ຳມັນ​ທີ່​ຍັງ​ປັບ​ຂຶ້ນຢ່າງ​ຕໍ່​ເນື່ອງ.

- lattana 1 - ໂອເປັກອາດຂະຫຍາຍຂໍ້ຕົກລົງ ຈຳກັດກຳລັງຜະລິດຕໍ່ໄປອີກ

​ໂອ​ເປັກ ​ແລະ ຜູ້​ຜະລິດ​ນ້ຳມັນ​ນອກ​ໂອ​ເປັກ ​ເຮັດ​ຂໍ້​ຕົກລົງ​​ໃນ​ໜຶ່ງ​ປີ​ກ່ອນ​ເລື່ອງ​ຫລຸດ​ກຳລັງ​ການ​ຜະລິດ​ລົງ​ວັນ​ລະ 1,8 ລ້ານ​ບາ​ເຣລ ​ໄປ​ຈົນ​ຮອດ​ເດືອນ​ມີນາ​ປີໜ້າ ຊ່ວຍ​ໃຫ້​ລາຄາ​ນ້ຳມັນ​ດິບ​ປັບ​ຂຶ້ນຈາກ​ບໍ່​ເຖິງ​ບາ​ເຣລລະ 30 ​ໂດ​ລາ​ສະຫະລັດ ​ໃນຕົ້ນປີ 2016 ​ເປັນ​ບາ​ເຣລລະ 60-65 ​ໂດ​ລາ​ສະຫະລັດ​ໃນ​ປັດຈຸບັນ ​ແລະ ກຳລັງ​ຫາ​ທາງ​ຕໍ່​ອາຍຸ​ຂໍ້​ຕົກລົງ​ໄປ​ຮອດ​ທ້າ​ຍປີ.

​ເຖິງ​ຢ່າງ​ໃດ​ກໍ​ດີ, ​ໂອກາດ​ໃນ​ການ​ຂະຫຍາຍ​ຂໍ້​ຕົກລົງບໍ່​ສະດວກ ​ເພາະ​ໂອ​ເປັກຍັງ​ບໍ່​ສາມາດ​ຕົກລົງ​​ລາຍ​ລະອຽດ​ກັບຣັດ​ເຊຍ​ໄດ້. ມີ​ຂ່າວ​ວ່າ​ບໍລິສັດຣັດ​ເຊຍ​ລັງ​ເລ​ທີ່​ຈະ​ຂະຫຍາຍ​ຂໍ້​ຕົກລົງ. ຂະນະ​ທີ່​ທ່ານ ອາ​ເລັກ​ຊານ​ເດີ ​ໂນ​ວັກ ລັດຖະມົນຕີ​ພະລັງງານຣັດ​ເຊຍ ກ່າວ​ໃນ​​ເດືອນ​ກັນຍາ​ວ່າ: ​ໄວ​ເກີນ​ໄປ​ທີ່​ຈະ​ເຈລະຈາ​ເລື່ອງ​ນີ້ ຂໍ​ຖ້າ​ເບິ່ງ​ຂໍ້​ມູນ​ໄປ​ຮອດ​ເດືອນ​ມັງກອນ​ກ່ອນ. ນອກຈາກ​ນີ້ ການ​ພົວພັນ​ລະຫວ່າງ​ສະມາຊິກ​ໂອ​ເປັກ​ສອງ​ປະ​ເທດ ຄື​ອາຣັບບີ ຊາ​ອຸ​ດິດ ​ແລະ ອີຣານ​ເສື່ອ​ມລົງ​ອີກ ​ເມື່ອ​ອາຣັບບີ ຊາ​ອຸ​ດິດ ຮຽກ​ຜູ້ນຳ​ສູງ​ສຸດ​ຂອງ​ອີຣານວ່າ​ ຮິດ​ເລີ​ແຫ່ງ​ຕາ​ເວັນ​ອອກ​ກາງ.