ອີຣັກຊວນຕ່າງປະເທດ ມາປະມູນບໍ່ນ້ຳມັນ-ບໍ່ແກັສ

- advert banner 728 90 728x90 - ອີຣັກຊວນຕ່າງປະເທດ ມາປະມູນບໍ່ນ້ຳມັນ-ບໍ່ແກັສ

ລັດຖະບານ​ອີຣັກ​ເຊີນຊວນ​ຕ່າງປະ​ເທດ​ເຂົ້າມາ​ປະມູນ​ສຳ​ປະທານ​ສຳ​ຫລວດ​ບໍ່​ນ້ຳມັນ ​ແລະ ບໍ່​ແກ້​ສ​ໃນ​ແຫ​ລ່ງ​ໃໝ່ 9 ​ແຫ່ງ ຫວັງ​ເພີ່ມ​ປະສິດທິພາບ​ການ​ຜະລິດ.

- lattana 1 - ອີຣັກຊວນຕ່າງປະເທດ ມາປະມູນບໍ່ນ້ຳມັນ-ບໍ່ແກັສ

ທ່ານ ບາ​ຈາ ອັດ​ລູ​ໄອ​ບີ ລັດຖະມົນຕີ​ນ້ຳມັນ​ອີຣັກ ຖະ​ແຫລ​ງຂ່າວ​ຢູ່​ນະຄອນຫລວງ​ແບກ​ແດດ ​ໃນ​ວັນ​ທີ 27 ພະຈິກ​ວ່າ: ຂໍ​ເຊີນຊວນ​ບໍລິສັດ​ຕ່າງປະ​ເທດ​ທຸກ​ແຫ່ງ​ມາ​ຮ່ວມ​ປະມູນ​ສຳ​ປະທານ​ຮອບ​ໃໝ່ ​ເພື່ອ​ໃຊ້​ປະ​ໂຫຍ​ດບໍ່​ນ້ຳມັນ ​ແລະ ບໍ່​ແກັສ​ໃຫ້​ໄດ້​ຫລາຍ​ທີ່​ສຸດ. ​ແຫ​ລ່ງນ້ຳມັນ ​ແລະ ​ແກັສ​ໃໝ່ 5 ​ແຫ່ງ​ຢູ່​ໃກ້​ຊາຍ​ແດນ​ຕິດ​ກັບ​ອີຣານ 3 ​ແຫ່ງ, ຢູ່​ຕິດ​ກັບ​ກູ​ເວດ ​ແລະ ອີກ​ໜຶ່ງ​ແຫ່ງ​ຢູ່​ໃນ​ອ່າວ​ອາຣັບ ຫລື ອ່າວ​ເປີ​ເຊຍ. ພື້ນທີ່​ທັງ 9 ​ແຫ່ງ​ນີ້​ຖືກ​ລະ​ເລີຍ ​ເພາະ​ຢູ່​ໃນ​ພື້ນທີ່​ຂັດ​ແຍ່ງ​ລະຫວ່າງ​ອີຣັກ ​ແລະ ປະ​ເທດ​ໃກ້​ຄຽງ​ຫລັງ​ປີ 1980 ​ແລະ 1990. ທາງ​ການ​ສະຫລຸບ​ເງື່ອນ​ໄຂການ​ປະມູນ​ໃຫ້​ສຳ​ເລັດ​ພາຍ​ໃນ​ເດືອນ​ພຶດສະພາ​ປີໜ້າ ​ແລະ ຈະ​ເປີດ​ການ​ປະມູນ​ໃນ​ວັນ​ທີ 21 ມິຖຸນາ. ການ​ໃຫ້​ສຳ​ປະທານ​ຈະ​ນຳ​ຂໍ້​ຄິດ​ເຫັນ​ຂອງ​ບໍລິສັດ​ທີ່​ເຂົ້າຮ່ວມ​ປະມູນ​ມາ​ປະກອບ​ການ​ພິຈາລະນາ ​ແລະ ຈະ​ແຕກ​ຕ່າງ​ຈາກ​ການ​ປະມູນ​ຜ່ານ​ມາ ທີ່​ບໍ່​ໄດ້​ຄຳນຶງ​ເຖິງ​ເລື່ອງ​ຄວາມ​ປັ່ນ​ປ່ວນ​ຂອງ​ລາຄາ​ນ້ຳມັນ.

ອີຣັກ​ເປັນ​ຜູ້​ຜະລິດ​ນ້ຳມັນ​ອັນ​ດັບ​ສອງ​ຂອງ​ກຸ່ມ​ປະ​ເທດ​ຜູ້​ສົ່ງ​ອອກ​ນ້ຳມັນ (​ໂອ​ເປັກ) ຮອງ​ຈາກ​ອາຣັບບີ ຊາ​ອຸ​ດິດ, ລາຍ​ຮັບ​ຈາກ​ການ​ຄ້ານ້ຳມັນ​ເປັນ​ລາຍ​ຮັບ​ເກືອບ​ທັງ​ໝົດ​ຂອງ​ປະ​ເທດ, ຄາດ​ວ່າ​ກຳລັງ​ການ​ຜະລິດ​ຈະ​ບັນລຸ​ມື້ລະ 5 ລ້ານ​ບາ​ເຣລ ພາຍ​ໃນ​ປີ​ນີ້ ຈາກ​ປັດຈຸບັນ​ມື້ລະ 4,8 ລ້ານ​ບາ​ເຣລ, ​ແຕ່​ຜະລິດມື້ລະ 4,4 ລ້ານ​ບາ​ເຣລ ຕາມ​ຂໍ້​ຕົກລົງ​ຂອງ​ໂອ​ເປັກ​ເພື່ອ​ຮັກສາ​ລາຄາ​ນ້ຳມັນ.