ຜູ້ຄ້າຢາເສບຕິດຕົວອັນຕະລາຍຖືກເຈົ້າໜ້າທີ່ຈັບຕົວມາດໍາເນີນຄະດີ

- advert banner 728 90 728x90 - ຜູ້ຄ້າຢາເສບຕິດຕົວອັນຕະລາຍຖືກເຈົ້າໜ້າທີ່ຈັບຕົວມາດໍາເນີນຄະດີ

​ເຈົ້າໜ້າ​ທີ່ ປກສ ​ເມືອງ​ສີ​ໂຄດ​ຕະບອງນະຄອນຫລວງ​ວຽງ​ຈັນ, ສາມາດຈັບຕົວ​ຜູ້ຄ້າຢາເສບຕິດຕົວອັນຕະລາຍມາດໍາເນີນຄະດີຄື: ທ້າວ ຄຳ​ພາສິດ (ຕ໋າມ) ອາຍຸ 26 ປີຢູ່​ບ້ານ​ໜອງ​ສະ​ໂນ​ຄຳ​ເມືອງ​ສີ​ໂຄດ​ຕະບອງ, ພ້ອມ​ຂອງ​ກາງ​ຢາ​ບ້າ 472 ​ເມັດ ​ແລະ ຢາ​ໄອສ໌ 15 ຖົງນ້ອຍ, ຈຶ່ງໄດ້ຢຶດໄວ້ເປັນຫລັກຖານເພື່ອດໍາເນີນຄະດີຕາມລະບຽບກົດໝາຍ.

- lattana 1 - ຜູ້ຄ້າຢາເສບຕິດຕົວອັນຕະລາຍຖືກເຈົ້າໜ້າທີ່ຈັບຕົວມາດໍາເນີນຄະດີ

ເຈົ້າໜ້າທີ່ ໃຫ້ຮູ້ວ່າ: ພາຍຫລັງ​ໄດ້​ຮັບ​ແຈ້ງ​ຈາກ​ພົນລະ​ເມືອງ​ດີ​ວ່າຈະ​ມີການລັກລອບຊື້-ຂາຍຢາ​ເສບ​ຕິດໃນ​ເຂດ​ບ້ານໜອງສະໂນຄໍາ, ຈຶ່ງໄດ້ຈັດກໍາລັງລົງ​​ຕິດຕາມ​ ແລະ ພົບ​ເຫັນ​ເປົ້າໝາຍຂັບ​ຂີ່​ລົດຈັກ​ບໍ່​ມີ​ປ້າຍ​ທະບຽນມຸ່ງ​ໜ້າ​ມາຕາມເສັ້ນ​ທາງ​ບ້ານ​ສີ​ຊົມ​ຊື່ນ, ​ຈຶ່ງ​ສະກັດ​ລົດໃຫ້ຈອດ​ເພື່ອ​ກວດຄົ້ນ ​ແລະ ​ພົບ​ເຫັນ​ຢາ​ບ້າ​ 400 ເມັດ, ເຊື່ອງ​ໄວ້ໃນ​ຖົງ​ໂສ້ງ​, ພ້ອມ​ທັງໄປກວດ​ຄົ້ນເຮືອນ​ຜູ້ກ່ຽວພົບຢາ​ໄອສ໌ 15 ຖົງ​ນ້ອຍ ແລະ ຢາບ້າອີກຈໍານວນໜຶ່ງ. ຜ່ານ​ການ​ສືບສວນ-ສອບ​ສວນ​ຂອງ​ເຈົ້າໜ້າ​ທີ່ຜູ້ກ່ຽວໄດ້ຮັບສາລະພາບວ່າ: ຢາເສບຕິດດັ່ງກ່າວ​ເປັນ​ຂອງ​ຕົນ​ແທ້, ເຊິ່ງ​​ຊື້ມາ​ຈາກ​ຂະ​ບວນດຽວ​ກັນ​ເພື່ອ​ຈະ​ເອົາ​ໄປຂາຍໃຫ້ຜູ້​ສັ່ງ​ຊື້ຢູ່​ບ້ານ​ສີ​ຊົມ​ຊື່ນ, ແຕ່ຖືກເຈົ້າໜ້າທີ່ຈັບຕົວໄດ້ກ່ອນ ແລະ ຄະດີຢາເສບຕິດລາຍນີ້, ເຈົ້າໜ້າທີ່ພວມເລັ່ງຂະຫຍາຍ​ຜົນຫາຜູ້ຮ່ວມຂະບວນການ​ເພື່ອ​ນໍາ​ມາ​ດຳ​ເນີນ​ຄະດີ​ຕາມ​ກົດໝາຍ.

+ເຈົ້າໜ້າທີ່ເອົາໃຈໃສ່ສະກັດກັ້ນບັນຫາຢາເສບຕິດຢ່າງມີປະສິດທິຜົນ

+ເຈົ້າໜ້າທີ່ສະກັດກັ້ນ ແລະ ຕ້ານການຄ້າຢາເສບຕິດແຂວງບໍ່ແກ້ວຈັບຕົວຜູ້ຄ້າຢາເສບຕິດ 2 ລາຍ ພ້ອມຂອງກາງຢາບ້າ 12.000 ເມັດ