ອັດ​ຕະປືຈະ​ເພີ່ມ​ທະວີ​ແກ້​ໄຂ​ບັນຫາ​ຄ້າ​ໄມ້​ເຖື່ອນ​ໃຫ້​ໝົດ​ໄປ

- advert banner 728 90 728x90 - ອັດ​ຕະປືຈະ​ເພີ່ມ​ທະວີ​ແກ້​ໄຂ​ບັນຫາ​ຄ້າ​ໄມ້​ເຖື່ອນ​ໃຫ້​ໝົດ​ໄປ

ແຫລ່ງຂ່າວທ້ອງຖິ່ນໃຫ້ຮູ້ວ່າ: ຕາມ​ການ​ລາຍ​ງານຂອງ​ທ່ານ​ເຈົ້າ​ແຂວງ​ອັດ​ຕະປື ​ເລັດ ​ໄຊ​ຍະພອນ ​ໃຫ້​ຮູ້​ວ່າ: ​ເພື່ອ​ແນ​ໃສ່​ເຮັດ​ໃຫ້ການ​ປະຕິບັດ​ຄຳ​ສັ່ງ​ເລກທີ 15/ນຍ ​ວ່າດ້ວຍການສະກັດກັ້ນ ແລະ ຄຸ້ມຄອງໄມ້ຂອງທ່ານນາຍົກລັດຖະມົນຕີໃຫ້ເປັນຮູບ​ປະ​ທຳ ​ແລະ ມີ​ຜົນສັກສິດນັ້ນ, ​ແຂວງ​ອັດ​ຕະປືຈະ​ເພີ່ມ​ທະວີ​ການ​ແກ້​ໄຂ​ສະພາບ​ການ​ລັກລອບ​ຕັດ​ໄມ້ ​ແລະ ການ​ຄ້າຂາຍ​ໄມ້​ເຖື່ອນ​ໃຫ້​ໝົດ​ໄປ ​ໂດຍ​ສະ​ເພາະ​ຈະ​ເລັ່ງ​ແກ້​ໄຂ​ສະພາບ​ໄມ້​ທ່ອນ​ຈຳນວນ 27 ຄັນ​ລົດ​ທີ່​ເຈົ້າໜ້າ​ທີ່​ກ່ຽວຂ້ອງ​ສາມາດ​ຍຶດ​ໄດ້​ໃນ​ກ່ອນ​ໜ້າ​ນີ້​ໃຫ້​ຖືກຕ້ອງ​ຕາມ​ລະບຽບ​ກົດໝາຍ. ທ່ານ​ເຈົ້າ​ແຂວງ​ກ່າວ​ວ່າ: ປັດຈຸບັນ​ລັດຖະບານ​ໄດ້​ແຕ່ງຕັ້ງຄະນະ​ສະ​ເພາະ​ກິດ​ສົມທົບ​ກັບ​ຂະ​ແໜງ​ການ​ກ່ຽວຂ້ອງ​ຂອງ​ແຂວງ ​ເພື່ອ​ເກັບ​ກຳ​ຂໍ້​ມູນ​ເພື່ອ​ໃຫ້​ຮູ້​ຊັດ​ເຈນ​ວ່າ​ໄມ້​ທີ່​ຖືກ​ລະບຽບ ​ແລະ ​ໄມ້​ທີ່​ຜິດ​ລະບຽບ​ມີ​ຈຳນວນ​ເທົ່າ​​ໃດ ​ເພື່ອ​ແກ້​ໄຂ​ໄປ​ຕາມ​ຂັ້ນຕອນ​ລະບຽບ​ກົດໝາຍ, ພ້ອມ​ທັງ​ຂຶ້ນບັນຊີ​ເພື່ອ​ຄຸ້ມ​ຄອງ​ເກັບ​ຮັກສາ​ໄມ້​ບໍ່​ໃຫ້​ເສຍ​ຫາຍ ​ແລະ ຜ່ານມາໄມ້​ຈຳນວນ​ໜຶ່ງ​ແມ່ນ​ໄດ້​ມີ​ການ​ປະມູນ​ຂາຍ​ແລ້ວ, ສ່ວນ​ພະນັກງານ ​ແລະ ຜູ້​ທີ່​ມີ​ສ່ວນ​ກ່ຽວຂ້ອງ​ກ່ຽວ​ກັບ​ຄະດີ​​ໄມ້ຄັ້ງນີ້​ກໍ​ແມ່ນ​ຖືກ​ສັ່ງ​ໃຫ້​ພັກ​ວຽກ ​ແລະ ​ດຳ​ເນີນ​ຄະດີ​ຕາມ​ລະບຽບ​ກົດໝາຍ​ຢ່າງເຂັ້ມງວດ.

- lattana 1 - ອັດ​ຕະປືຈະ​ເພີ່ມ​ທະວີ​ແກ້​ໄຂ​ບັນຫາ​ຄ້າ​ໄມ້​ເຖື່ອນ​ໃຫ້​ໝົດ​ໄປ