ເອຟເວີຕັນ ກຽມຕັ້ງ ບິກແຊມ ຜູ້ຈັດການທີມຄົນໃໝ່

- advert banner 728 90 728x90 - ເອຟເວີຕັນ ກຽມຕັ້ງ ບິກແຊມ ຜູ້ຈັດການທີມຄົນໃໝ່

​ເອຟ​ເວີ​ຕັນ ຍອມ​ໃຫ້ ບິ​ກ​ແຊມ ​ເຊັນ 2 ປີ​ເຄິ່ງ​ເປັນ​ຜູ້​ຈັດການ​ທີ​ມຄົນ​ໃໝ່ ​ໂດຍ​ຄ່າ​ຈ້າງ​ອາທິດ​ລະ 1 ​ແສນ​ປອນ.

- lattana 1 - ເອຟເວີຕັນ ກຽມຕັ້ງ ບິກແຊມ ຜູ້ຈັດການທີມຄົນໃໝ່

​ແຊມ ອັລລາ​ໄດ ອະດີດ​ຜູ້​ຈັດການ​ທີ​ມຊາດ​ອັງກິດ ຈະ​ກາຍ​ເປ​ັນຜູ້​ຈັດການ​ທີ​ມຄົນ​ໃໝ່​ຂອງ ​ເອຟ​ເວີ​ຕັນ ​ໂດຍ​ເຊັນ​ສັນຍາ 2 ປີ​ເຄິ່ງ ມູນ​ຄ່າ​ລວມ 12 ລ້ານ​ປອນ ຫລື ສະ​ເລ່ຍອາທິດ​ລະ 1 ​ແສນ​ປອນ. ຕາມ​ລາຍ​ງານ​ຈາກ ​ເດິ ຊັນ.

ກ່ອນ​ໜ້າ​ນີ້ ​ເອຟ​ເວີ​ຕັນ ​ໃຫ້​ຂໍ້​ສະ​ເໜີ​ຄຸມ​ທີ​ມພຽງ​ຈົບ​ລະດູ​ການ​ນີ້ ​ເຮັດ​ໃຫ້ການ​ເຈລະຈາ​ລົ້ມ​ເຫ​ລວ, ​ແຕ່​ຫລັງ​ຈາກ​ຫາ​ໃຜ​ບໍ່​ໄດ້ ຟາຣ໌ຮັດ ​ໂມ​ຊິຣີ ​ເຈົ້າຂອງ​ທີ​ມຕັດສິນ​ໃຈ​ກັບ​ໄປ​ເຈລະຈາ ບິ​ກ​ແຊມ ອີກ​ຮອບ ຍອມ​ໃຫ້​ສັນຍາ​ຍາວ​ຕາມ​ຕ້ອງການ, ​ແຕ່​ບໍ່​ມີ​ເງິນ​ໂບນັດ ຖ້າ​ພາ​ທີ​ມຫລຸດ​ພົ້ນການ​ຕົກ​ຊັ້ນ​ໄດ້​ສຳ​ເລັດ.

​ເອຟ​ເວີ​ຕັນ ພະຍາຍາມ​ຕິດ​ຕໍ່ທັງ ມາຣ໌​ໂກ ຊິ​ລວາ ຂອງ​ວັດ​ຟອຣ໌ດ, ດິ​ເອ​ໂກ ຊິ​ເມ​ໂອ​ເນ ຂອງ​ແອັດ​ເລ​ຕິ​ໂກ ມາດຣິດ ລວມທັງ ຄາຣ໌​ໂລ ອັນ​​ເຊ​ລອດຕິ ​ແຕ່ລົ້ມ​ເຫ​ລວທັງ​ໝົດ.