ປີ​ທ່ອງ​ທ່ຽວຄວນ​ເບິ່ງ​ຄືນ​ບັນຫາ​ຄົນ​ຂໍທານ

- advert banner 728 90 728x90 - ປີ​ທ່ອງ​ທ່ຽວຄວນ​ເບິ່ງ​ຄືນ​ບັນຫາ​ຄົນ​ຂໍທານ

- 17021566 618491158354668 7398450406675823176 n - ປີ​ທ່ອງ​ທ່ຽວຄວນ​ເບິ່ງ​ຄືນ​ບັນຫາ​ຄົນ​ຂໍທານ

- lattana 1 - ປີ​ທ່ອງ​ທ່ຽວຄວນ​ເບິ່ງ​ຄືນ​ບັນຫາ​ຄົນ​ຂໍທານ

ພາບ​ຄົນ​ຖື​​ໂອ, ນຸ່ງ​ໂສ້ງ​​ເສື້ອຂາດ, ພາຍ​ຖົງ​ຍ່າງ​ເລາະ​ຕາມ​ຖະໜົນເປັນ​ພາບ​ທີ່​​ບໍ່ຈົບງາມ​ໃຫ້​ສັງຄົມ, ​​ໂດຍ​ສະ​ເພາະນະຄອນຫລວງວຽງຈັນ ​ເຮົາ​ກໍ​ພວມ​ສຸມ​ໃສ່​ກຽມຄວາມ​ພ້ອມ​ຮອບດ້ານ​ເພື່ອ​ຮອງ​ຮັບ​ປີ​ທ່ອງ​ທ່ຽວ 2018 ​ໃຫ້​ປະສົບ​ຜົນສຳ​ເລັດ​ຈົບງາມ, ​ແຕ່​ສິ່ງ​ຫຍໍ້​ທໍ້​ດັ່ງກ່າວ​ກໍ​ຍັງ​ມີ​ປາກົດ​ໃຫ້​ເຫັນ​ຫລາຍ​ເຖິງ​ວ່າ: ພາກ​ລັດ​ກໍ​ໄດ້​ມີ​ການ​ແກ້​ໄຂ​ມາ​ໂດຍ​ຕະຫລອດ. ດັ່ງ​ທ່ານນາງ ລຳ​ພອຍ ສີ​ອັກຄະ​ຈັນ ຫົວໜ້າພະ​ແນ​ກ​ແຮງ​ງານ​ສະຫວັດດີ​ການ-ສັງຄົມນະຄອນຫລວງ​ວຽງຈັນ ​ໃຫ້​ຮູ້​ວ່າ: ການ​ແກ້​ໄຂ​ຄົນ​ຂໍທານ​ໃນ​ນະຄອນຫລວງ​ວຽງຈັນ​ໄລຍະ​ຜ່ານ​ມາ, ​ແມ່ນ​ໄດ້​ປະສານ​ສົມທົບ​ກັບ​ພາກສ່ວນ​ກ່ຽວຂ້ອງ​ໂດຍ​ສະ​ເພາະ​ຄະນະ​ຮັບຜິດຊອບ​ແກ້​ໄຂ​ຄົນ​ຂໍທານ​ຄື: ​ໃນ 1 ປີຜ່ານມາ, ​ໄດ້​ນຳ​ເອົາ​ຄົນ​ຂໍທານ, ບ້າ​ໃບ້​ເສຍ​ຈິດ ​ແລະ ​ເດັກ​ນ້ອຍ​ບໍ່ມີ​ຜູ້​ປົກຄອງ​​ໄປໄວ້​ສູນ​ສົງ​ເຄາະນະຄອນຫລວງ​ວຽງຈັນຫລາຍ​ກວ່າ 300 ຄົນ, ​ແຕ່​ກໍ​ຍັງ​ພົບ​ເຫັນ​ວ່າ​ຍັງ​ມີ​ຂໍທານ, ຄົນ​ໄບ້ບ້າ​ເສຍ​ຈິດ ​ແລະ ອື່ນໆທີ່​ຍັງ​ຫລົງ​ເຫລືອ​ຢູ່ ຍ້ອນ​ມີ​ຫລາຍ​ສາ​ເຫດ​ເຊັ່ນ: ການ​ປະສານ​ງານ​ລະຫວ່າງໜ່ວຍງານ​ກ່ຽວຂ້ອງ​ຍັງ​ບໍ່ສອດ​ຄ່ອງ, ຂາດ​ຢາ​ປິ່ນປົວ​ທີ່​ພຽງພໍ, ບາງ​ຄົນ​ທີ່​ນຳ​ມາ​ສົ່ງ​ໂຮງໝໍ​ແລ້ວ​ຊ້ຳພັດ​ບໍ່ມີ​ຄົນ​ດູ​ແລ​ເບິ່ງ​ແຍງ, ການ​ເກັບ​ກຳ​ປະຫວັດ​​ແມ່ນ​ມີ​ຄວາມ​ຫຍຸ້ງຍາກ, ງົບປະມານ​ກໍ​ມີ​ຈຳນວນ​ຈຳກັດ.

ທ່ານ​ຫົວໜ້າພະ​ແນ​ກ ​ໃຫ້​ຮູ້​ວ່າ: ຄົນ​ຂໍທານ​ສ້າງບັນຫາ​ແກ່​ສັງຄົມ, ​ເນື່ອງ​ຈາກ​ພວກ​ເຂົາ​ເປັນ​ຄົນ​ບໍ່ມີ​ວຽກ​ເຮັດ​ງານ​ທຳ ​ແລະ ບໍ່ມີ​ອາຊີບ, ສະ​ນັ້ນ ໜ່ວຍງານ​ທີ່​ກ່ຽວຂ້ອງ​ຄວນ​ເບິ່ງ​ຄືນ​ການ​ສົ່ງ​ເສີມ​​ວິຊາ​ຊີບ​ແກ່​ເຂົາ​ເຈົ້າ​ໃຫ້​ຮູ້​ຊອກ​ທຳ​ມາ​ຫາ​ກິນ ​ແລະ ມີ​ອາຊີບ​ທີ່​ແນ່ນອນ, ​ແນວ​ໃດ​ກໍ​ຕາມ, ​ໃນ​ການ​ປີ​ທ່ອງ​ທ່ຽວ 2018 ນີ້, ບັນຫາ​ຄົນ​ຂໍທານ​ຄວນ​ຈະ​ແກ້​ໄຂ​ໃຫ້ໝົດ​ໄປ ​ເພື່ອ​ເຮັດ​ໃຫ້​ນັກ​ທ່ອງ​ທ່ຽວທີ່​ເຂົ້າ​ມາ​ທ່ຽວປະ​ເທດ​ເຮົາມີ​ຄວາມ​ຈັບ​ອົກ​ຈັບ​ໃຈ.