ອາທິດ​ຜ່ານ​ມາພົບ​ຜູ້​ລ່ວງ​ລະ​ເມີດ​ລະບຽບຈະລາຈອນກວ່າ 400 ກໍລະນີ

- advert banner 728 90 728x90 - ອາທິດ​ຜ່ານ​ມາພົບ​ຜູ້​ລ່ວງ​ລະ​ເມີດ​ລະບຽບຈະລາຈອນກວ່າ 400 ກໍລະນີ

ເຈົ້າໜ້າທີ່ຕຳຫລວດຈະລາຈອນນະຄອນຫລວງ​ວຽງຈັນ ​ໃຫ້​ຮູ້​ວ່າ: ​ໃນ​ອາທິດ​ຜ່ານ​ມານີ້, ​ໄດ້​ລົງ​ປະຕິບັດໜ້າທີ່​​ກວດກາ​ການ​ສັນຈອນ​ຕາມ​ເສັ້ນທາງ​ຕ່າງໆ ​ເຊິ່ງພົບ​ວ່າ​ມີ​ຜູ້​ລ່ວງ​ລະ​ເມີດ​ກົດ​ລະບຽບຈະລາຈອນຄື: ບໍ່​ໃສ່ໝວກກັນ​ທະ​ທົບ, ຂັບ​ຂີ່​ລົດ​ໄວ​ເກີນ​ກຳນົດ ​ແລະ ອື່ນໆຫລາຍ​ກວ່າ 400 ກໍລະນີ, ​ເຊິ່ງ​ເຈົ້າໜ້າທີ່​ໄດ້​ກັກ​ລົດ​ທີ່​ບໍ່ຖືກ​ລະບຽບຈຳນວນ 22 ຄັນ​ໄວ້​ດຳ​ເນີນ​ຄະດີ.

- lattana 1 - ອາທິດ​ຜ່ານ​ມາພົບ​ຜູ້​ລ່ວງ​ລະ​ເມີດ​ລະບຽບຈະລາຈອນກວ່າ 400 ກໍລະນີ

​ເຈົ້າໜ້າທີ່​ ໃຫ້​ຮູ້​ວ່າ: ​ເພື່ອ​ກຽມຮອງ​ຮັບ​ປີ​ທ່ອງ​ທ່ຽວລາວນີ້, ປັດຈຸບັນ​ກຳລັງ​ເຈົ້າໜ້າທີ່​ຂອງ​ຕົນ​ກໍໄດ້​ສຸມ​​ໃສ່​​ລົງ​ກວດກາ​ຍານພາຫະນະ​ຕາມ​ທ້ອງ​ຖະໜົນ, ເພື່ອ​​ເນັ້ນຄວາມ​ເປັນ​ລະບຽບຮຽບຮ້ອຍຂອງ​ການ​ສັນຈອນ ​ແລະ ​ແກ້​ໄຂ​ບັນຫາ​ອຸປະຕິ​ເຫດ​ໃຫ້​ຫລຸດຜ່ອນ​ລົງ ​ແລະ ພ້ອມ​​ນັ້ນ​ກໍ​ໄດ້ເຕືອນ​ສະຕິ​ໃຫ້​ສັງຄົມ​​ໄປ​ເສຍ​ຄ່າທຳນຽມທາງຕາມລະບຽບການ, ​ເພາະ​ຜ່ານ​ມານີ້ຍັງ​ພົບ​ເຫັນ​ວ່າ​ສັງຄົມ​ຍັງ​ບໍ່ທັນ​ໄປ​ເສຍ​ຄ່າທຳນຽມທາງ​ເປັນ​ຈຳນວນ​ຫລາຍ, ສະ​ນັ້ນ ຈຶ່ງ​ຮຽກຮ້ອງ​ໃຫ້ຮີບ​ຮ້ອນ​ໃຫ້​ໄປ​ເສຍ​ທັນ​ກຳນົດ​ເວລາ​, ຖ້າ​ບໍ່​ຈະ​ຖືກ​ປັບ​ໃໝຕາມ​ລະບຽບກົດໝາຍ.

​ເຈົ້າໜ້າທີ່​ ​ໃຫ້​ຮູ້​ວ່າ: ​ໃນອາທິດ​ຜ່ານ​ມານີ້, ຢູ່ນະຄອນຫລວງ​ວຽງຈັນມີ​ອຸປະຕິ​ເຫດ​ເກີດ​ຂຶ້ນ 26 ກໍລະນີ, ສົ່ງ​ຜົນ​ໃຫ້ມີ​ຜູ້​ເສຍ​ຊີວິດ​ 2 ຄົນ.